معامله زواج اجنبي غير مقيم ( فرنسا ومسلم ) بواطنه سعوديه

Question

السلام عليكم ورحمه الله تعالى وبركاته
دحين المعامله رجعت من الاماره إلي الشرطه والشرطه طلبو مني ( أنا الزوج يعني الأجنبي ) شهاده أو ورقه تثبت إني ماتزوجت من سعوديه من قبل وطالبين ملفي الخاص بالجرائم يعني لو عندي سوابق مع العدل أو جرائم الحمدلله  ماعندي ولا شئ .
أود أن أعرف ايه إلي حيحصل دحين ، ولو حيطلبو أوراق ثانيه والزواج يكون فين في السعوديه او في فرنسا .
شكرا مسبقا لو حد معلومه من فضلكم أصل المعامله عندها سنه تقريباً أو أكثر وما خرجت الموافقه لدحين

Comments

انت تبع اي إمارة و هل انت موظف و ايش مهنتك في الإقامة؟؟

---

جيب ورقة حسن سيرة و سلوك و عدم و جود سوابق من البلدية فرنسا و التحاليل و جيب شهود سعودين و فرنسين انه ما سبق لك الزواج (اعزب) افضل شهادة عزوبة من بلدك و التحاليل دم و سموم.....

---

المعامله باماره المدينة المنورة ،
وأنا غير مقيم  أنا عايش في فرنسي ماعندي أقامه
اجنبي يعني وخطيبتي سعوديه

---

اذن قدم زواج خارجي و العقد يكون في السفارة السعودية في فرنسا لكن المعذرة انا مافهمت ان المعاملة لها سنة و ماجات الموافقة (هل انتم قدمت معاملة زواج؟)

---

أيوا بقالها سنه المعامله .
أيوا طبعاً قدمنا معامله زواج من بعد شهر رمضان السنه إلي عدت في المدينه المنوره طبعا خطيبتي وأهلها وولي أمرها إلي هوا أخوها عشان أبوها رحمه الله ، ابتدو الإجراءات من هناك أنا طبعا ما أقدر أسوي من هنا من فرنسا ولا شئ ، ولدحين ما طلبو مني أوراق إلا دول أول اوراق يطلبوهم مني ،
في الاماره يقولو لاخوها خلاص جات الموافقه والحمدلله لله بس ترجع للشرطه وتكملو الأوراق حقي أنا ديه الي طلبوها  مني وانشا الله خير . يااااااااااااارب  
نفسي أعرف يعني خلاص موافقه بجد ولا لسه وما اعرف إيش يحصل دحين وكيف نسوي ، مافيش معلومات وما أعرف شئ غموض وخوف من الرفض لأنها مررررا طولت

---

جاتكم الموافقة؟

---

السلام عليكم ورحمه الله تعالى وبركاته
لا لسه ماجات الموافقه ( يااااااااااااارب تيجي) مستنين لسه .من كلام الراجل يقول لاخوها خلاص جات الموافقه والحمدلله بس يبغو طلبات مني أنا بس إلي هيا إني عمري ما تزوجت بسعوديه وشهاده في حسن السيره في بلدي فرنسا .

---

فين سويت التحاليل؟

---

أنا ما طلبو مني التحاليل لسه ،بس طلبو التحاليل من خطيبتي وسويتها في المدينة المنورة .

---

كيف ما طلبو منك شي و المعاملة لها سنة)

---

طلبو مني بس شهاده حسن السلوك ، وورقه تثبت إني ما تزوجت من قبل من مواطنه سعوديه .
بس ده إلي طلبوه

---

طلبو ختمها؟؟؟

---

معرف والله اخو خطيبتي هوا إلي راح ودا الأوراق وما اعرف يقبلوها أو لا عشان أنا ماعندي ورقه يكون مكتوب عليها إني ماتزوجت من سعوديه ،ما أقدر أسوي ورقه رسميه كده ، بس عندي شهاده الميلاد يكون مكتوب عليها الزواج والطلاق ومختومة طبعا

Answer 1

انا طلبو من خطيبي نفس الورقة  انه لم يسبق له الزواج من سعودية
 و راح لمحكمة الأحوال الشخصية و طلعها  و ختمها من القاضي و من السفارة السعودية اللي بالاردن
ماعندي خلفية وين ممكن تسويها بفرنسا
بس عقد القران يتم بدولة الخاطب مو بالسعودية مدام انت مو مقيم