افيدوني الله يسعدكم

Question

الله يسعدكم سوال
الحين بالنسبة لمعاملة زواج سعودي من فلسطينية مولودة ومقيمة صحيح أنها تتأخر المعاملة ؟!
هل ممكن يرفضوها من غير سبب دام الأوراق كلها كاملة والتحاليل سليمة
هي حاليا المعاملة في قسم الشرطة بعد التحاليل وطلبوا مني مراجعتهم بعد ٣ أسابيع وأخذ رقم لمراجعة المحافظة
ماهي الخطوة الثانية وقد ايش ممكن تجلس المعاملة ؟!
الي عنده خبره ويعرف يساعدني
افيدوني جزاكم الله خير

Answer 1

يا اختي ممكن بعد المحافظة تروح للمحكمة  على ما اعتقد .اعرف وحدة فلسطينية مومواليد السعودية وتزوجت وان شاء الله خير

Comments

الله يجزاك كل خير ويكتبلك ما تتمني
تعرفيها اذا تزوجت قريب والا من زمان وهل زوجها سبق له الزواج او لا؟

---

السنه الي فاتت تقريبا
وزوجها ما سبق له الزواج قبلها ولا هي تزوجت قبلوا كمان كلهم اول زواج ليهم
بس يا اختي ابيك تدعيلي انوا الله يسهل امري وامرك ويقضي حوائجنا واياكم .

---

ماشاء الله عقبالنا ياااارب
الله يسهل امرك يارب ويسخرلكم خلقه الي يساعدوكم يارب
الله ييسرها ويسهلها عليكي وعليا يارب وع الجميع.
انتي لكِ معاملة زواج ؟

تنا

---

اي والله عندي معاملة زواج ومعلقه الله يسهلها ان شاء الله

---

كم لها من يوم التقديم ؟! وليش قلتي معلقة ؟
يمكن تحت الإجراء
الله يسهلها علينا يارب

---

حيسير لها سنه وقفت عندي في المدينة صدقنا شهادة الميلاد وخلصنا باقي ترجع جدة ونكمل الاجراءت الي باقيه بس لحد الان مارجعت جدة اذا انتي من منطقة وخطيبك من منطقة ثانية تروح المعاملة لك عشان يتاكدوا من معلوماتك وبس ترجع لعد منطقة خطيبك انا كملت الاجراءات باقيلها ترجع جدة بس ماادري ليش معلقة في شرطة المدينة . اش نسوي الله كريم والله خفت اخاف في شي

---

تاكدتوا انها في شرطة المدينه ؟!
لا تقلقي فيه واحد نعرفه  نفس الشي وهو وخطيبته هو جدة وهي المدينه وطولت شوية عشان التحقق يكون في مدينتين بس جاتهم الحمد لله لا تقلقي والله ييسر امركم يارب
بس يبغالها احد كل شوية يسألهم ويستفسر يعني لو في الاسبوع ثلاث مرات تسالوا

---

خطيبي كل مايروح شرطة جدة يقولوا لسه ما جات راح يسير لها شهرين  عندي بالمدينة   وربي قاعد اكتب وانا خايفة  يعني تتوقعي ليش ما راحت جدة لين دحين وبديت اوسوس

---

يعني تتوقعي تخرج بهادي اليومين لان خايفه تكون الى اخر السنه عموما معاملتي راحت للداخلية وخلصت منها باقي اجراءات روتينية بس لو تروح جدة  ما ادري ليش جالسة في المدينة واحنا مخلصين كل شي يارب تيسرها للجميع يااارب

---

اسمعي حبيبتي دامها خلصت من الداخلية اتطمني ع الاخر تكون صدرت بالموافقة ان شاء الله
مجرد إجراءات روتينية يعني لو ما وافقوا ما يطلعوها
باْذن الله هاليومين تخلصوا وطمنيني
ودعواتك ليا

---

الله يسهلك ان شاء وتفرحي
والله انا خايفة يا اختي  بس الله كريم
تفرج ان شاء الله علي وعليك