طلبو مشهد عدم أسبقية الزواج من سعودية - ضروري

Question

السلام عليكم
أوراقي رجعت للمرة الرابعة من الداخلية و كان السبب انهم طلبوا مشهد عدم أسبقية الزواج من سعودية مع شاهدين و تصدق من العمدة

أنا خطيبي مو مقيم في السعودية فهل أبوية يكتب عنه؟ لانه في المشهد الصيغة هيا بكتابة الخاطب انه ما اتزوج قبل كدة

ممكن احد يفيدني لو سمحتوا؟ والله موضوعهم متعب نفسيا جدا لينا اكثر من سنة تروح الداخلية و ترجع

يعطيكم العافية

Comments

هل طلبتي يكون الزواج والعقد داخل السعوديه؟
ايش الاشياء اللي طلبوها منك الداخليه ؟ غير اثبات انو ماتزوج سعوديه؟

---

لا طلبت الزواج والعقد يكون في بلده الأردن لانه انا كمان مو عايشة في السعودية.
الشرطة طلبوا طلبات و سويناها كاملة بس الداخلية بس يرجعوا الاوراق بطلب جديد حتى الشرطة ما تعرفه طلبوا خلو سوابق مصدق من السفارة السعودية و طلبوا مرة انه انا اجي اوقع على ورقة انه انا قابلة اتزوج اجنبي و انه اولادي ما حيتجنسوا و دا الكلام واذكر مكان العقد و اخر مرة طلبوا هذا المشهد ان شاء الله يكون اخر شي يطلبوه لانه نفسيا تعبنا من الروحة والرجعة

Answer 1

غريب جداً على حسب علمي لما الخاطب غير مقيم فـ الورقة هذي مو مطلوبة ، حتى عندي ورقة الطلبات من مركز الشرطة مو مكتوب من ضمنها هذي الورقة لمعاملة زواج السعودية من اجنبي غير مقيم

انت من اي مدينة مقدمة وهل انت مقدمة على اساس انه غير مقيم ؟

Comments

انا عارفة و انا كمان و ما طلبوها مني من البداية لكن الداخلية كل شوية يرجعوا الاوراق بطلب جديد وبعد ما نسويه و نرسله يرجعوا يرجعوها بطلب جديد لينا سنة و شهرين كدة و هادا آخر طلب ارسلوه حيسويه في الاردن و يصدقه من اللسفارة هناك و نرسله
الله يسهل امورنا والله حرام اللي بيسير فينا

---

أنا مقدمة من جدة و ايوة يعرفوا انه غير مقيم

---

انا كمان رجعو  معاملتي عشان دي الورقة
و عشان فحص المخدرات
ماطلبوها من اول ..
مع العلم انه مو مقيم و كتب الكتاب بيكون بالاردن مو بالسعودية
الله يعوض صبرنا خير
قربت معاملتي تكمل سنة

---

انا ما طلبوا مني اي تحاليل الله يستر!!! لانه لسة اليوم حرسلهم ورقة شهادة عدم الزواج

يارب ما يطلبوها لانه كدة حنتأخر كمان ... ماني قادرة افهم ليشش ما يطلبوا كل شي مرة واحدة و ليش ما يطلبوا نفس الاشياء من كل احد ليش مافي نظام... حرام بيأخروا حياتنا و زواجنا و كل شي!

في امكانية تقوليلي ايش هوا فحص المخدرات؟

---

يلاقوها ان شالله بحياتهم..
والله انا رجعولي معاملتي  كانت الاوراق كلها كاملة اللي طلبوها
رجعو المعاملة من لجنة سكرتارية الزواج  بعد ماجلست عندهم شهرين و نص و قالو لازم إثبات من المحكمة للخاطب انه أعزب  ولم يسبق له الزواج من سعودية ... وفحص المخدرات طلبته من الخاطب راح السفارة السعودية بالاردن و سأل عن المستشفيات المعتمدة عندهم و سواه و صدقه من السفارة هو و حجة العزوبة  و ارسلهم ليا و دحين المعاملة رجعت للجنة الزواج من ١٦ شوال لليوم مافي جديد .. الله ييسرلك و ييسرلنا يارب العالمين  والله مرمطونا  معاملتي قربت تكمل سنة دحين   ..

---

انا رجعولي اوراقي اربعة مرات كل مرة تقعد في الداخلية شهر و ترجع بطلب جديد بيلعبوا فينا والله!
انا خلليته يكتب اقرار و يوقعه مع شهود لانه السفارة قالوا ما يصدقوا اوراق زي كدة! كيف سيويتو الورقة من السفارة هناك؟ و الورقة اللي اعطونا هيا الشرطة كانت للشخص المقيم و تتصدق من العمدة و هوا ما كان مقيم فقالوا اكتبوا اقرار موقع و ماني عارفة لسه حيقبلوها او لا!
ممكن تعطيني اسامي المستشفيات المعتمدة؟ بفكر اسويها في حال لا سمح الله قرروا يرجعوها مرة تانية

يعطيكي العافية

---

لا هوا راح على الأحوال المدنية بالاردن و طلع شهادة قيد فردي
بعدين اخذها وراح المحكمة الشرعية  و القاضي كتبله حجة عزوبة و وقعوها اثنين شهود  و صدقتها السفارة السعودية هناك

---

ما اعرف والله اسامي المستشفيات  بس اعرف اسم المستشفى اللي سوا فيها التحليل .. اسمه مستشفى فلسطين

---

تسلمي حبيبتي على مساعدتك االه يسهل أمورنا يا رب في القريب العاجل

---

الله يسلم قلبك يارب و يسهل لك امرك و يسهل علينا و على الجميع يارب .. و يجمع بينكم عن قريب يارب العالمين

---

اتمنى تكونوا لسا موجودين وتفيدوني للضرورة القصوى .. اللي حصل معاكم من سنة قاعد يصير معانا دحين اليوم رجعت المعاملة بسبب هادولا الورقتين .. والزوج برضو غير مقيم والعقد في الخارج .. ورقة المخدرات سهلة باذن الله لكن سؤالي عن مشهد عدم الزواج من سعودية .. هل لازم حجة عزوبية من المحكمة في بلدي واوثقها من السفارة السعودية ولا اكتب ورقة بنفسي واجيب شهود واقدمها زي ما قالت الاخت لمى .. مع العلم انو حجة العزوبية نموذج موحد ما ينفع ينكتب فيها عدم زواج من جنسية معينة خلاص شهادة او ما تزوج قبل كدا وبس .. يا رب تكونوا موجودين وتفيدوني ايا ورقة اللي مشيت ..... !!!

---

ولله الحمد انا تزوجت بعد مرمطة مايعلم فيها إلا ربنا  حتى بالاردن كل يوم وانا اركض على السفارة السعودية و على المستشفيات والدوائر الحكومية هناك ... بالنسبة لحجة العزوبية  زوجي طلع قيد فردي اول اثبات انه أعزب وراح للقاضي طلب منه انه يحط بالخطاب انه ما سبق له اتزوج من سعودية و راح صدقه...  ما ينفع تكتبه و تجيب شهود من نفسك .. ماتمشي  ..

---

الله يسهل امرك و أمورنا جميع يارب العالمين

---

الله يجزيكِ الخير على الرد والف مبروك ربي يهنيكم .. ما تتخيلي قد ايش صعب اسوي اللي تقولي عليه الاوضاع في فلسطين ابدا مو تمام .. لكن بسالك شفت الاخت اللي كانت تكلمك اسمها لمى تقول في موضوع تاني انو خطيبها كتب ورق وجاب شهود ورسلتها الداخلية واجت الموافقة .. معقول يمشي الحال سواء كدا او كدا !!!!

---

الله يبارك فيك و يسهل امرك يارب العالمين.. والله ماعندي خلفية في حال كانت جنسية العريس فلسطيني .. بس اتوقع في حال كنت مقيم او مواليد السعودية يمكن هذا شي ثاني بالنسبة لي زوجي لا كان مقيم بالسعودية ولا مولود  فيها و عقد القران كان هناك عشان كذا سواها من الاردن .. اذا انت موجود بالسعودية اتوقع إقرار مكتوب و مبصم عليه و يكون الشهود اثنين سعوديين  ... اتصل على إمارة المنطقة اللي انت فيها واسأل  بس قولهم انه عقد القران بيتم خارج السعودية .. يمكن يختلف الوضع .. الله يسهل امرك يارب العالمين

---

او اخوي شوف سفارة بلدك اللي موجودة بالمملكة اذا في امكانية  يسوولك هالورقة  اتوقع ينفع تتصدق من وزارة الخارجية  حقت المملكة

---

لا اختي انا مو مقيم في المملكة .. والعقد حيكون في مصر باذن الله