الله يبارك فيكي حبيبتي وعقبالك ان شاء الله
تقريباً بدأنا برجب.. من تحليل وبعد عشرة ايام نستلم نتيجتها ونقدمها للشرطة وبعدها يتم تصديق شهادة الميلاد واخذت شهر بالتمام من 23 رجب ورجعت مصدقة 23 شعبان.. وبعد كدا صار موضوع تأخر فيها معاملتنا.. بـ 29 شعبان تحولت من الشرطة للإمارة او المحافظة.. بس كانوا بيرفضوا استلامها وبترجع للشرطة بسبب موضوع الفهرسة..وتكرر الموضوع برمضان.. رجعوا رسلوها تاني مرة ورفضوا استلامها بحجة الفهرسة.. المهم جلسنا ع ده الموال لحد 19 رمضان استقبلتها وأخيراً جلست عندهم أربع ايام وبدأت إجازة الدوام الحكومية.. وبعد ما بدأت الدوام الحكومي تركنا أول أسبوع يمشي بدون ما نسأل وكان موقعهم الالكتروني فيه صيانة ماقدرنا نستعلم عن حالة المعاملة ..فعشان كدا قلنا نصبر اسبوع.. وتاني اسبوع رحنا الامارة سألنا قالوا تحولت للمحكمة وبنفس اليوم رحنا المحكمة لقيناها وصلتهم.. بتاريخ 18 شوال.. معناته الموافقة جات من بدري وماطولت بالإمارة لان خلاص كانت موجودة عندهم بالمحكمة.. والحمد لله ماراحت الداخلية ..الله وحده العالم انتظرنا 6 شهور قبل تقديم المعاملة بسبب عدة الطلاق..
وان شاء الله تبشرينا عن قريب يارب
ومعليش لتأخر الرد
placeholder
يوليو 30، 2018
بواسطة
ياربي الحب
