مرافق ومصرح با العمل ايش المقصود منها-الاخ محمد

Question

سلام عليكم ..

انا امي متوفيه الله يرحمها واخوي بيروح يطلع لي اقامه ان شاء الله وبكون ع كفالته اتوقع راح يكتبون (مرافق ) وجايز يكتبون مصرح له بالعمل طيب اذا كتبو كذا هل اقدر اشتغل عند الغير ؟؟ يعني في مصنع او شركه او محل نسائي (لان خالي يقولي المرافق مايستطيع انه يشتغل عند غير الكفيل حتى لو مكتوب مصرح له بالعمل ولا يقدر يسافر لو داخل المملكه الا بأذن كفيله يعني يكون مربوط فيه) ؟؟

والاخ العمراني 999 ربي يسعده قالي في سؤال سابق  انو مايمدي المرافق يشتغل.. والاخ محمد الله يوفقه حاط صوره لاقامه مكتوب مرافق ومصرح له با العمل احترت !!!
http://www.saudi-sons.net/vb/t726

يعني اذا كتبو مرافق وحبيت اشتغل اخذ شهادة الميلاد معي في شغلي زي ماذكر الاخ العمراني999؟؟

ونا قلت لاخوي يقولهم يكتبون مصرح له بالعمل ..

هل لاسمح الله كتبو غير مصرح له بالعمل اقدر اغيرها الى مصرح له بالعمل ؟؟



انا ما عندي خلفيه عن ها الامور ياليت تفهموني ب التفصيل والله احس اني تعبت من التفكير

Comments

ما أحب اجاوب على سؤال موجه بالأسم ولكن مدامي مذكور فيه بعلق بس على بال مايفيدك الأخ محمد  ..
وليتك تركزي معي لأن كل اللي محتاره منه موجود في الكلام بس يبي لك تركزي لانها عباره عن خيارات وانا مجرد وجهة نظر والقرار في الأول والأخير لك

1 - صورة الإقامه اللي حاطها الأخ محمد مالك الموقع .. يمكن كانت اول اقامه تصدر لأبن مواطنه في المملكه وقتها .. وايامها كان في لخبطه في سستم الجوازات وكانت فترة تجارب ..
الان تعدلت وعدلو السستم والان اكرر لك ما يكتب جملة مصرح له بالعمل
وما يكتب لأبن وابنة المواطنه مرافق اذا كان على كفالة امه

الان اللي ينقل على امه المواطنه يكتب له اما ابن او ابنة مواطنه مافي مرافق للي على كفالة امه السعوديه عدلو السستم على كذا

2- وانتي مدام امك متوفيه الف رحمه على روحها حتى الان مستحيل يكتب لك ابنة مواطنه

3 مدام كفالتك على اخوك او احد محارمك راح يكتبون مرافقه او اخت وراح يكتبون لك
( غير مصرح لك بالعمل ) هذا السستم الان للأسف ..

4 لو ما تبغي يكتبون لك جملة ( غير مصرع له بالعمل ) لازم تنقلي كفاله على منشأه يعني  مصنع او شركه او محل نسائي وطبعا اكرر ما انصحك بنقل الكفاله ابدا اخوك اضمن ..

5 شهادة الميلاد مو عشان تشتغلي بدون مشاكل شهادة الميلاد عشان لو جات جوازات او مكتب عمل ما ياخذونك على الترحيلات ..

اخيرا لا تتعبي نفسك بالتفكير وخلي الأمور تمشي خطوه خطوه اريح لك
حاليا فكري في اصدار الإقامه وتجديدها عشان ما تكوني مخالفة لأنظمة الإقامه والعمل في البلد .. وبعدها فكري في خطوة العمل

لا تجمعي كل المشاكل في لحظه وحده ومدامك بدون اقامه الان مافي احد بيشغلك .. اصبري لما تصدري الإقامه وفكري بالخطوه اللي بعدها اللي هي العمل


وعشان تتأكدي اكثر انتظري اجابة الأخ محمد ..

---

جزاك الله خير الجزاء ماقصرت فهمت عليك ..

فعلا احس راسي صدع من التفكير ..
بأذن الله ع قولتك اول شي اطلع اقامه وبعدها نبدى المعناة مع الخطوات الجايه الله لا يجيب معاناة

يعطيك العافيه

Answer 1

أخوي عبد الله العمراني .. وفيت وكفيت بالإجابة ..

Comments

تسلم اخوي محمد وانت اساسنا واستاذنا .. مالنا غنى عنك ..
الله يكتب لك التوفيق وياخذ بيدك في الفرج والضيق .. اللهم امين ..

---

اخوي محمد والعمراني وكل من ادلى بأجابه ماقصرتو ربي يقصر عنكم الشر اجاباتكم وافيه وواضحه ربي يكتب لكم الاجر يارب