كيف أصدر إقامة لزوجتي - أجنبية غير مقيمة-؟

Question

الحمد لله جاتني موافقة الزواج من زوجتي وأنهينا الإجراءات في السفارة ودخلت ولله الحمد للأراضي السعودية برقم الحدود. أردت إصدار إقامة لها عن طريق أبشر لكن أبشر يظهر هذه الرسالة: لايوجد لديك مكفولين مع العلم إنه تحققت عن طريق أبشر أن هناك زيارة سارية المفعول لزوجتي و ظاهر إنه أنا الكفيل. ياليت اللي عنده العلم ومر بنفس التجربة يساعدنا الله يفرجها عليكم ويرزقكم من حيث لا تحتسبون:D

Answer 1

السلام عليكم
اولا مبروك الموافقة والزواج

ثانيا المفترض انك صدقت عقد الزواج من السفارة ، ولما جيت السعودية تصدق العقد من الخارجية .

ثالثا : يجب ان تكون تأشيرة دخول الزوجة هي تأشيرة زوجة مواطن واسم الزوج مكتوب في التأشيرة .

هذه خطوات إصدار الاقامة :
‏1- فحص طبي (للزوجة)مطلوب للجوازات تعملة في مستوصف او مستشفى خاص ما يكلفك انا سويتة ب 200 ريال تقول للمستشفى فحص اقامة زوجة مواطن ( شوف المستشفيات المعتمدة في مدينتك فيه موقع اسمه ( افادة ) تابع لوزارة الصحه فيه قائمة المستوصفات المعتمدة )النتيجة ترسل آليا من المستوصف للجوازات
لازم تاخذ معك هويتك وجوازك وجواز زوجتك ، وصوره لزوجتك
النتيجه تطلع بعد 2-3 يوم وتجيك رساله على جوالك

‏2- اذا طلعت النتيجه تروح الجوازات تطلب منهم خطاب لمكتب العمل يسمح لك بفتح ملف استقدام وبعدين تاخذ الخطاب وتروح مكتب وزارة العمل والموارد البشرية شؤون الأفراد قول لهم بفتح ملف استقدام  تعطيه هويتك ويفتح لك الملف وانت واقف

‏3- تاخذ جواز الزوجة وهويتك وجوازك و تروح الجوازات تكون رسوم الاقامة مدفوعة حسب السنوات الي تبيها ( تدفعها من مباشر الراجحي ، لكن الافضل لا تدفعها الا وانت عند الجوازات لانه انا دفعت اقامة عاديه كانت غاليه ، بعدين الجوازات رجعولي نص المبلغ لان اقامة زوجة مواطن ارخص في الرسوم )

بعدها يصدروا لكم الاقامة ويطبعوها لكم .