خي الكريم ... أنا استلمت اقامتي الجديدة من فترة و نقلت كفالتي على زوجتي من جوازات مكة ... واحب اقولك السيناريو الحقيقي من واقع تجربتي :
الحجج او التصريفات المتبعة للجوازات :
1- في مكة ( موقفينها من الرياض - لازم يكون المهنة سائق خاص ) طبعا تصرف عشان في معاملات بفلوس و انت معامة زوج مواطنة ما تاخذ وقت و ما فيها فلوس .
2- في جدة ( موقفينها من الرياض و مايستقبلوا اصلا اي معاملات مرة ) عشان يقدروا يلموا الغلة قبل ما يصير كل شيء الكتروني .
3- الرياض ( مافيها اي مشكلة بس لازم تكون مقدم من الرياض من البداية و تاخذ من يومين الى اسبوع حد اقصى ) .
------------------------------------------------
الحقيقة و الواقع المرير ...
أنا قدمت معاملتي من مكة بحكم سكني من شهر تقريبا واستلموا مني الاوراق عادي جدا و مهنتي محاسب عام ... و عبيت استمارة نقل الكفالة و تغيير المهنة و كل الاوراق جاهزة و دخلت زوجتي قسم النساء و وقعها العسكري الموجود و خرجت و اعطتني الورق لاقدمه لقسم الحاسب الالي و اخذ مني صورة كاملة من المعاملة لإرسالها بالفاكس وليس بالبريد لمديرية الجوازات بالرياض و ليست جوازات الرياض .. و قال لي راجعنا كمان اسبوع و جيت كمان اسبوع في اسبوع في اسبوع وكالعادة ماصار شي ...
قررت السفر بنفسي الى الرياض لاعرف ما المشكلة لانه لا يوجد رد مفيد ولا مقنع عند السؤال ....
سافرت الى الرياض الى مديرية الجوازات بحي الفرزدق و قابلت المسئول في ادارة الاجراءات الامنية و كانت الصدمة ... حين قال لي انه لا يوجد اي عوائق لموضوع نقل الكفالة على الزوجة طالما ورقك كامل و سليم وانهم مسئولين عن تغيير المهنة فقط الى زوج مواطنة و نقل الكفالة في ادارة الجوازات اللي قدمت منها وانت واقف .. واكتشفت ان معاملتي لم ترسل واتصلنا بمسئول الحاسب الاالي و رد بكل سذاجة و برود ... ما احنا محصلين معاملته .. خليه يجينا و يعطينا صورة اخرى من المعاملة ... وذهبت للمرة الخامسة لجوازات مكة و اخذوا صورة من المعاملة ليرسلوها مرة اخرى الى مديرية الجوازات مرة اخرى .. وارسلت وتمت في يومين ...من الآخر
( حسبي الله ونعم الوكيل في الموظفين العاملين في الجوازات )
هم سبب تعطيل مصالح الناس و وقف حالهم ....
آسف على الاطالة ... لكن هذا الواقع ما فيه اي عوائق غير البشر
