كنت في جوازات الرحاب في جدة قبل ٣ ايام
حجزت موعد من ابشر لي انا و زوجتي
دخلت زوجتي قسم النساء طلبو منها
استمارة عامة حق الجوازات عشان تعبي فيها البيانات
هوية الام و هوية الاب و شهادة ميلاد البنت و جوازها و صورتين شخصية و عقد الزواج طبعآ الطلبات كلها الاصل مع صورة منها وبعدين الموظفة اعطت زوجتي استمارة طلب نقل كفالة عبيتها انا فيها بياناتي انا و بنتي و زوجتي بإني متنازل عن كفالة بنتي ختمتها من مكتب جنب قسم النساء وبعدين رحت قسم الاضافات عطيتهم المعاملة وطبعو الاقامة لبنتي على كفالة امها شغلتها صارت جدآ بسيطة وماطلبو مني اي مبلغ مع اني تأخرت فالنقل الان عمر بنتي ٥ شهور
