السلام عليكم - هذه بعض المعلومات اللي ممكن تفيدكم في معاملات زواجكم حسب تجربتي
الطرف الأجنبي: باكستاني ٢٧ سنة مواليد السعودية
الطرف السعودي ٢٥ سنة ..
الأوراق المطلوبة كلكم تعرفونها وأهم حاجة خلو سوابق من بلدك الأم مصدقة من خارجية بلدك ثم السفارة السعودية في بلدك ثم الخارجية هنا .. المعاملة ما راح تمشي بدونها ضروري توفرها قبل ما تقدم علشان ما تتأخر ..
تمشي على حسب ما يوجهونكم في كل امارة او محافظه .. فحص طبي وفحص سموم وبرنت احوال مدنية للطرف السعودي .. وبعدين يعطونكم موعد مع شهود اثنين تعبي ورقة عدم أسبقية زواج من سعودية .. وتقدم ورقة فيها معلوماتك الشخصية والعنوان وحسابات التواصل الاجتماعي
بعدين تصدر لوزارة الداخلية .. ما اعرف وين تروح حسب جنسية الطرف الأجنبي .. بالنسبة لي كانت سكرتارية لجنة الزواج فقط ..
بعد شهرين صدرت موافقة للامارة .. قعدت اسبوعين وصدرت لكتابة العدل ..ضروري يكون معاك فحص الزواج عشان راح تحتاج ترفعه بالمنصة حقت العقد
من كتابة العدل تاخذ نسخة من خطاب الموافقة .. وترفع خطاب الموافقة وفحص الزواج على منصة الدوائر الانهائية .. وتحط معلومات الزواج مهر شروط شهود الخ .. واستخدم ارقام الجوالات المسجلة بأبشر عشان تضبط معاك .. تسوي موافقة من كل الاطراف وتأكيد على المعلومات المسجلة
بنفس اليوم بيكلمونك يعطونك موعد غالبا ثاني يوم ..
بيرسلون لك رابط تيمز تدخل عليه مع الشيخ وكل الاطراف والشهود وتعقد ..
المعاملة كاملة قد تاخذ منك ٤ او ٥ شهور .. اذا اوراقك كاملة
بعدين تطبع العقد وتروح الجوازات تسوي نقل كفالة وبعدين تروح الاحوال تسجل واقعة زواج.
بالنسبة لبعض الأقوال عن الجنسية الباكستانية أحب أقول لكم ما فيها أي مشاكل ، ربما المشكلة مع البرماويين بجواز باكستاني فقط. الله أعلم.
بالنسبة للفحص الطبي .. كلنا سليمين فما أعرف عن حالات المرض والاستثناء وغيره.
وبالتوفيق
