ضروري الرجاء المساعدة

Question

ياجماعة في احد معاملته اصدرت من الامارة الى المحكمة؟؟ ولو بتتحول المعاملات الى المحكمة كم بتاخد وقت وايش الخطوت في الامارة فين تروح يعني في الامارة

Answer 1

من الامارة للداخلية وترجع تاني للامارة للمحكمة

Comments

@doga440 ايوا ابى اعرف الخطوات في الامارة بعد ماترجع من الداخلية

Answer 2

اذا مواليد في احتمال كبير تخلص من الامارة تقريبا رجعو النظام القديم .. متوسط بتقعد شهرين او اقل شوية وبتروح اربع اقسام ..

تابع قروب المنتدى في الواتس اب لمعلومات وتفاصيل اكثر ..
https://chat.whatsapp.com/Dm7cUJiZd0nGQTeoRqnNdt

Comments

@yazeed معليش كيف يعني انا مواليد السعودية ؟؟ ايش النظام القديم

---

النظام القديم المواليد بتخلص معاملاتهم من الإمارة بدون ما تروح الداخلية

---

@yazeedالمعاملة حقتي راحت الداخلية خلاص بس ابي اعرف دحين ايش الخطوات بعد ما غلقت من الداخلية وراح الامارة  ارجو المساعدة بالتفاصيل

---

تاريخ كم وصلت للداخليه حتى ما اغلقت واي قسم اغلقت منه
تاخذ بالكثير ١٠ ايام وهي بالاماره

---

عبدالشكور هي وصلت الامارة من شهر وكل ما استعلم عنها يقولو تحت الاجراء ماحد يفيدني

---

راحت الداخلبة بصادر سري للشؤون الامنية فقط ؟ ولا راحت سكرتارية الزواج ؟ والتاريخ قاعد يتغير في الامارة ولا ثابت وكم اخدت وقت في الداخلية .. اعطيني تفاصيل عشان اقدر افيدك ايش ممكن يكون وضعها في الامارة

---

اي اخوي يزيد راحت الداخلية بصادر سري للشؤون الامنية فقط لمدة شهر ونص , واتحولت الى الأمارة والتاريخ ثابت ماتغير ماعرف هل  الموقع معلق ثاني زي اول  ولا وش الوضع ما ادري

---

تمام اختي طبيعي تاخد ده الوقت لانه معاملتك موافقتها راح تصدر من الامارة عشانك مواليد يعني دحين تحت الدراسة في الحقوق كإنها في لجنة سكرتارية الزواج في الداخلبة .. ورسلوها الشؤون عشان ياخدو الموافقة الامنية على الجنسية قبل لا يعطوك موافقة الزواج المهم ان شاء الله ما تقعد اكنر من شهرين في الامارة هانت ..

Answer 3

حبيبتي انا حمدلله تحولت من الامارة للمحكمة ، خطيبي مواليد وبرضو صحبتي زوجها سعودي وهيا مواليد اخذت في المحافظة فقط اسبوعين واتحولت محكمة .. تابعيها كل يوم في الاماره وراجعي اماره مكة في مكة مو في جدة افضل بكثير + جلست معاملتي في اماره مكة شهرين كامله بعدها اتحولت الى محكمة بعدها باسبوعين رحت المحكمة ولقيت المعامله الحمدلله

Comments

سير المعاملة ، كان قضايا  شهر ونص ، بعدين حقوق اسبوعين ، بعدين على طول محكمة

---

من اية ناحية افضل اتابع في مكه ايش اللي يفرق؟ انا معاملتي لها اكثر من شهر في امارة مكه بعد ما رجعت من الداخلية.. احس انها طولت لأني اسمع الناس تقول ما تطول تقعد اسبوعين  او ثلاثة بالكتير

---

خطيبي بريطاني مقيم وليس مولود هنا، قدمنا على امارة مكة ولها دحين في الداخلية شهر ونصف في نفس المكان، (تحت الاجراء، سكرتارية لجنة الزواج) كلمتهم قالولي لسة تحت الدراسة وقلي استني عليها ٣ الى ٤ اشهر، هل هذا طبيعي؟ احد يفيدني الله يسعدكم ويسهلكم كل اموركم

---

ايوا اختي طبيعي ان شالله كم اسبوع بتنتهي .. تابعيها من ابشر مرة اسبوعياً