توثيق عقد نكاح من الخارج \ كانت لدي معامله زواج \ حفظ دائم \

Question

السلام عليكم احتاج مساعدتكم

عندي معامله زواج من الخارج \زوج امريكي . قدمت المعامله وبعدين طلعت حفظ دائم وقريت انه يعني ملغيه ماعرف ايش السبب
المهم انا في الخارج واتزوجت وعندي عقد نكاح سؤالي هل لو قدمت توثيق عقد النكاح لوزاره الخارجيه يقبلوه ولا فيها مشكله عشان معاملتي اترفضت والله مني عارفه ايش اسوي انصدمت رفضو معاملتي
فيه كمان غرامه للي يخالفوا النظام هل يعتبر انا خالفت النظام مع العلم اني اتزوجت خارج المملكه مشكلتي بس اني قدمت معامله واترفضت ايش اسوي رجاء ساعدوني
وشكرا

Answer 1

ما يتوثق في الخارجية لانو ما في موافقة على الزواج من الدولة .. رأيي ما تفصحي عن الزواج وقدمي تاني وشوفي فين المشكلة وايش سبب الحفظ الدائم وان شالله تطلع الموافقة وتعقدي في السفارة ويكون الزواج معترف فيه من الدولة .. بالنسبة للغرامات ، انت فعلا خالفتِ النظام لكن ما في غرامة بس المشكلة ما تقدري تقدمي على معاملة لتصحيح الوضع وتوثيق زواجك الا بعد مرور خمس سنوات على الزواج في حالة وجود اولاد و٧ سنوات لو ما في ..
الله يسهل امرك ويكتبلك اللي فيه الخير

Comments

لاحول ولا قوه الا بالله الصراحه صدمه ماكنت ادري انو لازم خمس سنوات والمشكله مني عارفه كيف اوصلهم شؤون الوافدين ؟
جزاك الله خير علي الاجابه

---

لازم احد يتابع من داخل المملكة اسألوا عن سبب رفض المعاملة وتقدري تقدمي تاني بعد فترة وان شالله تتيسر .. بس زي ما قلتلك اذا موضوع موافقة الدولة مهم بالنسبة ليكِ تعاملي معاهم على انو خطيبك لسا

---

نسيت اقولك شي مرة مهم .. لما تقدمي تاني قدمي من السفارة السعودية في بلد خطيبك مررة يقولوا اسهل واسرع .. اعرف ناس قدمت من السفارة واجتها موافقة بعد رفض المعاملة لما قدموا من داخل المملكة

---

احنا نبي ننقل للسعوديه  عشان كدا لكن للاسف الموضوع مطول
هل عندكم فكره لمن  اقدم مره ثانيه علي المعامله ياخذ نفس المده ولازم اقدم اوراق جديده
مره طولت تقريبا سنه
وهل ينفع ارسل احد من قرايبيني يتابعوا
جزاكم الله خير الجزاء
ربي يوفقكم يارب

---

كيف اقدم من السفاره هما السفاره كاتبين ف الموقع انهم فقط يكملوا اجراءات الموافقه

---

احد يقلي كيف اسال او اعرف سبب الرفض اكلم مين :"(

---

والله ما اعرف ممكن يختلف من دولة لتانية لكن كلميهم في السفارة وتأكدي ،،
حسألك في القروب حق معاملات الزواج وبردلك خبر ان شاء الله

---

شكرا جزاك الله خير انا في الانتظار

---

انا تقريبا نفس حالتك لاكن زوجتي فرنسية واحنا مقيمين في فرنسا وكان زواجنا بدون موافقة لان كنت جاهل بالقوانين.
المهم الموضوع سهل اخذي كل اوراقك وروحي للسفارة واطلبي مدير شؤون السعوديين وهم يرفعون طلب التوثيق الى وزارة الخارجية ثم الداخلية.
بالتوفيق وقولي لنا ايش يصير معاك

---

الشباب يقولوا عن طريق مراجعة الطرف السعودي او ولي امره الجهة اللي صار فيها الحفظ سواء الداخلية او الإمارة والسؤال عن السبب هناك

---

اخي هل تم الموافقة على التوثيق قبل مرور خمس سنين على الزواج ؟؟؟

---

والدي متوفي وانا مقيمه هل ينفع اختي تروح للداخليه؟  الله المستعان حاولنا نتصل فيهم محد يرد ولا يصرفونا ماعرفنالهم
اخوي احمد هل لازم عقد الزواج مضي عليه خمس سنوات وكمان اطفال X(
يارب الله يفرجها علي كل مسلم ومسلمه يارب ويفرجها علي كل واحد فينا يارب
جزاكم الله خير والله يفتحها عليكم من كل باب

---

اعتقد الوضع في خارج السعودية يختلف وكل حالة لها تعامل اعتقد لاكن في الخارج ماذكروا شرط الأنتظار.

---

الله يبشرك بالخير يارب انا من اول بحاول اشوف في موقع وزاره الخارجيه والسفاره شروط توثيق الزواج بس مني شايفه اي شروط غير تكمله الاوراق وتصديقها وكمان في الفحص ماقبل الزواج .. هل انت مر عليك نفس الشي سويتو فحص وسددتوا رسوم وخطاب موجه لشوون السعوديين ؟
جزاك الله خير والله ييسرها يارب علي الجميع

---

الله يرحمه .. ما اعرف والله اذا ينفع خليها تجرب بس لما توفى الوالد الولاية انتقلت لمين ! المهم الموضوع بسيط تقدروا تعرفوا بس ما تعتمدي على الاتصالات لازم احد يروح ..
اخوي احمد النظام واحد سواء في الداخل او الخارج لكن ما جاوبتني هل تم توثيق زواجكم بدون انقضاء المدة ولا فقط قدمتم وما اجا رد ؟؟

---

اختي هادي شروط واجراءات توثيق العقد اللي حيتم بعد الحصول على موافقة الدولة لإتمام الزواج في الخارج والله اعلم .. لكن ان شالله يكون في تسهيلات .. في انتظار الاخ احمد يوضح اكتر

---

ان شاء الله تفرج يارب
المشكله الحين مع كورونا ماعتقد فيه مراجعات كل شئ صار اون لاين
تعرفون رقم الواحد يسال وين يروح او هل يستقبلونه؟
جزاكم الله خير

---

ترا الدوامات رجعت من زمان .. بس اعتقد لازم حجز معاد قبل ما تروحي على حسب المكان .. المهم اعرفي معاملتك فين صار عليها حفظ دائم واسئليهم هناك يفيدونك .. في نفس الوقت استغلي وجودك في الخارج وكلمي السفارة اساليهم لو ينفع تقدمي على معاملة الزواج من عندهم .

---

ان شاء الله ربي ييسر الامور ويفرجها علينا كلنا يارب

---

اسف على التأخير.
انا خلال هذه الاسبوعين راح اروح للسفارة مباشرة مع كل اوراقي وتكون مختمه من وزارة الخارجية.
كل أمارة في السعودية لها شروط مختلفة من ناحية العمر الخ انا من الدمام وشرط الأنتظار خمس سنوات او سبع سنوات غير موجود في موقع الأمارة ولم اسمع فيه حتى لو انه موجود فعلا فمن الأستحالة لشخص ان ينتظر هذه المدة بعيد عن وطنه واهله هذا غير منطقي.
انصحك اختي ان تذهبي مباشرة لان انا اتصلت وكان صعب على الموظف فهم الموضوع.
لما يكون الطلب من السفارات من الخارج لها تعامل يختلف عن داخل السعودية.

وان شاءلله موضوعك سهل مادام كل اوراقك كاملة

---

اخوي شكله في لبس عندك في فهم الموضوع .. مرحلة وشروط التقديم على طلب الموافقة على عقد القران من اجنبي او اجنبية شي وموضوع تقديم معاملة تصحيح وضع بعد الزواج بدون اذن الدولة شي تاني تماماً .. لكن اتمنى يكونوا شالوا شرط الخمس سنوات مع انه ما اعتقد لانو لحد اليوم شغالين على ده النظام واسال الناس اللي تزوجت برا الكل اضطر ينتظر المدة هادي.. وبالنسبة للمنطق صراحة ما في شي من اللي قاعد يصير منطقي اساسا وكلها قوانين وضعية ما انزل الله بها من سلطان .. لكن ايش نقول الله المستعان

---

اسال محامي افضل شي هم ادري بالقوانين والتغيرات اللي صارت
والله يسهل للجميع يارب
وشكرا جزيلا علي المشاركه