زواج سعوديه من اجنبي

Question

السلام عليكم

انا عمري ٢١ سنه
وخطيبي عمره ٢٣ سنه وهو ولد خالتي انا سعوديه وهو اجنبي احد يعرف وش الاجراء اللازم هل انا اروح اقدم ولا هو يروح

وايش هي الاوراق المطلوبه بنات ساعدوني بالله صار لنا سنه خاطبين ومو عارفين من وين نبدا وكمان كرونا كل ما رحنا لهم يردونا ممكن تفيدوني بالله باي معلومه

Answer 1

العمر من 25 واكثر

Comments

الشروط بالتفصيل بتلقون اكثر من موضوع في الموقع شارح لك التفاصيل

---

مو معقوله بس هو قريبي مو واحد غريب عشان انتظر اربع سنوات لين اتم ٢٥سنه

---

قدمي صديقي عمره ٢٧تزوج سعودية عمرها ١٩جربي منتي خسرانة شي

Answer 2

العمر يقبل من ٢١ سنة اعرف واحد اجنبي تزوج سعودية والبنت كان عمرها ٢٠ سنة والرجال ٢٧ سنة اعماركم مناسبة وفي قرابة بينكم اموركم طيبة ان شاء الله بالنسبة للطلبات ماعندي فكرة لأن الوضع ملخبط مع كورونا ان شاء الله احد يفيدكم

Comments

والله كرونا هذي لخبطت كل شي

Answer 3

هويتك اصل وصوره
هويته وجوازه اصل وصوره
تحاليل الزواج من المختبر الاقليمي
موافقة ولي الامر
كم ورقه مصدقه من العمده (وحده اثبات مهنه لك ووحده موافقة ولي الامر ووحده للخاطب انه لم يسبق له الزواج من سعوديه)
ورقة خلو سوابق من هنا وورقة خلو سوابق من بلده (هذه الورقه اللي موقفه معاملة زواجي استغفرالله بس من بعض القرارات)
وتعريف الراتب له
وبرنت الاحوال المدنيه لك انتِ يوضح حالتك الاجتماعيه موظفه او طالبه او ربة منزل وهذا اللي موجود في ملفي حالياً وطلبوه مني والله يتمم لك على خير ويجمع بينكم على خير وعافيه

Comments

السلام عليكم ورحمه الله وبركاته
وورقة خلو سوابق من بلده (هذه الورقه اللي موقفه معاملة زواجي استغفرالله بس من بعض القرارات)

اخوي الله يسعدك من اي بلد تحتاج الورقة ان شاء الله اقدر افيدك ،، تحياتي

---

هلا اخوي
الورقه من سوريا الله يحفظك والاوضاع حالياً مو ذاك الشيء لانه ضروري يطلع للبحرين او مصر عشان السفاره السوريه ويعمل وكاله لاحد من اهله يسعى ب هالورقه ويخلصها وللان والله ما لقيت لها حل .. ما اقول غير الله يفرجها من سابع سماء

---

انا خطيبي سوري
وكل محامي في سوريا وطلعلو ورقة خلو سوابق وبعتها مع احد يعرفه الى السعودية بعدين رسلنا الورقه بالبريد الى معقب في البحرين. المشكله لازم احد سوري الي يقدر يدخل السفاره السوريه فلازم تعرفو احد سوري هناك او احد يشتغل في السفاره ياخد الورقه من المعقب ويختمها. بعدين لازم تتختم في الخارجيه البحرينيه وبعدين السفاره السعوديه. وبس تجي الورقه السعوديه لازم تتختم من الوزاره الخارجيه. طبعا الموضوع حياخد وقت بس مافي غير تصبري وتتوكلي على الله. ربنا يسهللك

Answer 4

اول شي انتي من اي منطقه ؟ ، اذا من منطقه حدة تقدمي اكتروني من موقع الامارة ، تقدمي طلب زواج سعودية لاجنبي ، وادا من مدن ثانيه روحي الاماره وقولي لهم ابغا اتزوج اجنبي وهما يدلونك ، لاتخافي الموضوع سهل ، لكن اتحركي روحي بكره الاماره

Answer 5

العمر ما يهم اذا عندكم صك القرابه