انا قدمت المعاملة شهر 5 و قعدت ليين شهر 11 ذورالقعدة و كبرنا ادخل اشيك احصلها تحت الاجراء المهم اتصلت عليهم و اعطيهم رقم المعامله اللي يقول ما وصلت واللي يقول رفضت مع العلم انو معاملتي سرية و هادي كلها كانت تصريفات منهم لانو ما يقدرو يقولو شيء عنها بس خلاص تعتب وانا انتظر و رحت راجعت شرطة النسيم قسم النساء و كنت بقدم على معاملة الا وحدا جزاها الله خير قالت لي انتي عندك معامله ليه تقدمي تاني راجعي بمعاملتك و شوفي ايش حاصل عليها قلتلها انو بلغوني في الداخليه انها مرفوضه قالت انا فاتحه على معاملتك مافيها ولا شيء كل شيء سليم عطتني رقم صدورها و قالت راجعي محافظة جدة و رحت عطيتهم الرقم عطوني ورقه زي الفاتوره وقالت معاملتك في الامارة رحت و قالو في قسم الرجال لازم رجال يدخل ابوي دخل وما استفاد شيء رجعنا البيت دقينا على الداخليه و قلنا عندنا معامله سريه قالو دقو على الشؤون الامنيه دقينا وقعدنا منتظرين لانهم ما يردون بسرعة بس لا تقفلو خليكم وراهم المهم رد اخد رقم الهويه للخاطب والمخطوبة وعطانا رقم قال دقو على الامارة و دقيت انا على الامارة وطلبت قسم النساء رديت عطيتها الرقم اللي من الشؤون وقالت فلانه قلت ايه قالت مبروك وينك انتي معاملتك من شهر 7في المحكمه والله اني انصدمت قلت في نفسي شلون كل ما ادخل تحت الاجراء و كنت على اعصابي و اتاري معاملتي كل اللي خدته بس شهرين تقريبا و لا وصلني مسج ولا احد اتصل قال معاملتك في المحكمه لين قربت افقد الامل طولت كثير بس يارب لك الحمد وطبعا و رحنا المحكمه الشيخ قال لازم نعيد التحاليل بس مو كلها اللهم تحاليل الامراض الوراثيه و ايه الخاطب رح يرجع يدفع 900 ريال حبيت اقولكم اللي حصل معاي لان انا كنت ادخل هنا و كنت على عماي و ادور حلول اللي معاملتهم سرية و الخاطب او المخطوبة من فلسطين سوريا العراق اي بلد فيها حرب بتكون سرية ولا رح يبان عندكم في الموقع لازم تروحو تراجعو بنفسكم والله يوفق الجميع و عقبالكم جميعاً
