حبيت انقل لكم تجربتي
الخاطب يمني مواليد السعودية
26 سنه ، موظف قطاع خاص
عايش بجده
المخطوبة
سعودية 23 سنه ، ربه منزل
عايشه بمكه .
بالبداية بدأت المعامله في مكه وخلصو طلباتهم من برنت الأحوال وصوره الهوية والفحص الطبي وباقي الاوارق وبعدين تحولت المعامله إلى شرطة جده مكتب الزواج واعطوني أوراق تحويل لعمل الفحص البصمات وورقة للعمده اني لم أتزوج بسعودية من قبل وانا كنت مجهز بعض الاوراق المطلوبة من فتره لما بدأت المعامله بمكه ، بعدين سلمت كل اوراقي المطلوبة والفحص والبصمات كلو الحمدلله سليم وبعد أسبوعين تحولت المعامله الى مكان البدايه شرطة مكه مكتب الزواج وجلست اسبوعين وتحولت للاماره وجلست عشره ايام وبعدين الحمدلله إلى المحكمه ،
بدايه المعامله من مكه بدأت تقريبا بتاريخ 1/11/2019
بعد شهر ونص تحولت إلى مكتب الزواج بجده يعني تقريبا 15/12/2019 وخلصت كل الاوراق وسلمتهم
وتحولت إلى مكه مكتب الزواج بتاريخ 23/1/2020 وبعد أسبوعين تحولت إلى الامارة وجلست عشره ايام وبعدين تحولت إلى المحكمه بتاريخ 24/2/2020 والحمدلله على كل حال والله يسهل اموركم ويوفق الجميع.
