طيب اخوي
جدا سهله الاجرائات لازم تسويها بالترتيب
اول شي ( نقل الكفاله ) :-
تروح ياطويل العمر والسلامه مع ابوها الى الجوازات وقبل ماتدخل الجوازات في ناس متواجده في خارج الجوازات اللي معاهم طابعات وكذا ، عندهم النماذج
اول شي تعبيه نموذج تنازل من ابوها
ياخذون:-
صوره من هويتك
صوره من اقامتها
وصوره من اقامه الاب
وصوره من جواز الزوجه
ياخذ ابوها ورقه التنازل مع الصور ويوقع عليها وتختم من الجوازات
بعد كذا يجي دورك الحين
تاخد الاوراق هذي + تعبي نموذج نقل الكفاله وقبل ما تدخل الجوازات سدد عن طريق الصرافه رسوم نقل الكفاله وهي ٢٠٠٠ ريال
تختار عن طريق الصرافه ( نقل تابع الى رب اسره جديده ) وتحط رقم اقامتها وتطلع لك القيمه وهي ( ٢٠٠٠ ريال)
ملاحظة
أتاكد انت بعد من الشخص اللي يطبع لك لانه بعضهم بيخلوك تدفع زياده عن ٢٠٠٠ ريال عشان هو يستفيد فا انت تدفع عن طريق الصرافه او عن طريق برنامج البنك اونلاين افضل لك
نسيت اقلك شي مهم ..... نموذج نقل الكفاله لازم معاك صوره شخصيه لها (شمسيه) عشان تحطها في النموذج
بعد كذا تدخل على الجوازات في ظرف ١٠ دقايق بالكثير يطبع لك البطاقه قدامك ويعطيك البطاقه الجديده وانتهى
اما بالنسبه (تغيير المهنه) تتجه الى الاحوال المدنيه بدون موعد
اذا انت موظف ، تجيب خطاب موجه الى الاحوال المدنيه موجوده فيها معلوماتك وتبين انك على رأس العمل وتجيب صوره من هويتك وتعبي النموذج اللي يعطيك ياه الموظف ويغيروه لك في خلال تقريبا ١٥ دقيقه ان شاء الله
اهم شي اذا رايح الاحوال المدنيه بالمره كمان طلع كرت العائله و الافضل انك تحجز عن طريق الموقع (واقعه زواج )
وتجيب معاك
عقد النكاح الاصل ( اذا معاك طبق الاصل عادي جيبه )
صوره من عقد النكاح
صوره من هويتك
صوره من اقامتها الجديده ( بعد نقل الكفاله )
صوره من جواز السفر
وتعبي النموذج او هو يعبي لك ياه الكترونياً ( وتقدر تلاقي النموذج موجود في الموقع )
احتياط خلي معاك صوره شمسيه لها عشان اذا يبغا يشوف الصوره حديثه او لا
ملاحظه
وكمان في بعض الناس كلموني لمن راحو الاحوال وقابلو موظف من الموظفين قعد يقله غير اسم الزوجه اذا تبي وهذا الشي مو من حق الموظف بيقول الكلام هذا واصلا اذا تم التغيير بيتبهدل الشخص عشان يغير كل شي مثل عقد النكاح و اقامتها والخ.....
لا تطيح في الموضوع هذا
وسلامتك اخوي اتمنى اني افدتك
