ممكن افادكم بالله

Question

كم تاخذ مدة التحقق في معاملة الزواج انا في المدينة وخطيبي في جدة الحين جات المعاملة عندي تقريبا من ثلاث اشهر خلصنها بس باقي ما رجعت  جدة على اساس انهم بيتاكدوا  ويتحققوا مني ومن معلوماتي بالله متى ترجع جدة هي لو ترجع جدة تخلص الامور بس مادري ليش للحين مارجعت بالله  طمنوني والله خايفة .

Comments

راجعيهم وتابعي وين المعامله

---

يا خوي كلمناهم قالوا لسه بشرطة المدينة صار لها 3 او ار4 شهور وللحين ما رجعت جدة

---

بالله ردو والله خايفة لان صار لها اكثر من شهر بشرطة المدينة والمفروض بعد ما خلصنها ترجع جدة من جديد ونخلص بس ابي اعرف ليش للحين ما رجعت واحنا مخلصينها
تكفون ابي احد يرد علي رد يفك ازمتي والله اني متازمه
لحد يبخل على برده تكفون

---

اختي استهدي بالله ، ترا في ناس مثلك واكتشفو انه الموظف معطل المعامله وما مشاها من عنده ، روحي شرطة المدينه او ولي امرك يدخل عليهم ويتأكد على الموضوع

Answer 1

الافضل بنفسك تروحي الشرطة وتشوفي فين المعاملة وليش ماخرجت من الشرطة، المفروض ماتاخد اكتر من شهر، هو الاكيد مافي حاجة ان شاءالله وماتطول كدة.

هو على حسب مين الطرف السعودي تسير في بلده المعامله هذا  يلي اعرفوا.

بعد الشرطة تروح للمحافظة وبعد المحافظة الامارة وبعدين تتحول للمحكمة ان شاءالله لمن تجي الموافقة

Comments

والله مدري ليش متعلقة هنا في المدينة خطيبي صار له من نهاية شهر 3 الين الحين يروح ويرجع لهم في شرطة جدة يقلوا لسه ماجات مني عارفة ليش هي اساسا رجعت المعاملة لي في المدينة عشان التحقق وتصديق شهادة الميلاد خلصنا كل شي باقي تنرسل جدة من جديد بس الله كريم ادعولي يا اخوان وذا عندكم معلومات لا تبخلوا علي الله يرضى عليكم .

Answer 2

السلام عليكم

اولا لتعرفي وين المعاملة وايش صار فيها لازم يكون عندك رقم قيدها بامارة المدينة ومتى واصله عندهم

ثانيا المعروف ان امارة المدينة لازم رجال او الطرف السعودي الي لازم يتفاهم معاهم، ف خلي خطيبك اذا كان سعودي او بابا او حد من اخوانك لو كنتي انتي السعودية يتاابع مع امارة المدينة (ليس باتصال عن طريق التليفون) بل زيارة

ثالثا التليفون مو دائما حل، لازم زيارتهم مرة ومرتين وثلاثة

رابعا دام مستوفين الشروط واموركم طيبة، ورجعت ثاني من الداخلية بطلب استيفاء باقي النواقص يعني مافي رفض ان شاء الله، فقط مجرد وقت , والي مأخركم دحين عدم المتابعة بشكل شخصي والله اعلم

ف لا تخوفي حالك او تتوتري اختي
بس عليكم بالمتابعة وربي يوفقكم