معاملة إثبات جنسية

Question

السلام عليكم
سؤالي عن معاملة إثبات جنسية لإبنة سعودي من مواليد خارج المملكة و عمرها فوق ال ١٨.
البنت الحمدلله رجعت لابوها و دخلت بتذكرة مرور. و عمل ايوها معاملة إضافة في الاحوال و اكمل جميع المستلزمات و الاوراق من شهادة ميلاد و عقد نكاح و مناقشة و صور بطاقات اخوانها السعوديين من الاب مع تعريف بعملهم الى اخره.

الان معاملتها في مكتب إثبات الجنسية النسوي..

نبغى نعرف هذه المرحلة او هل هناك مراحل أخرى. مع العلم ان ابوها معاق و مريض و يبغى يضمن اوراق بنته الله يطول في عمره.

وجزاكم الله خير

Comments

مافي احد عنده تعليق أو إجابة؟

---

معقولة محد عنده جواب او تعليق ؟

---

وعليكم السلام .. اختي ابشرك باذن الله انها اخر خطوة وراح تستلمي الجنسية ممكن يطلب منك فحص DNA لاثبات النسب من الادلة الجنائية وانتي باخر خطوة وان شاء الله تفرج لك قررررريب

---

كم لها المعامله بالأحوال

---

شكرا ابو عبدالله
تم رفع المعاملة للجنة و تم الاعفاء من الفحص ال DNA

---

هلا اختي
لها سنة و نص
الان المعاملة عند وكالة الاحوال المدنية بالرياض
و ربي يسهلها

---

طيب دام جاء اعفاء من الفحص ليه ماانتهت لحد الان
طيب البنت بصمت والوالد بصم واخذوا صورتين شخصيه للاب وللبنت ورفعت بصماتهم للادله حتى يقارنوا البصمات؟؟
سؤالي غير بصماتها هي بالادله لانه لازم تبصم هي حتى يبين اذا لها بصمة خروج اوجنسيه اخرى وغيره
بس بصمت هي وابوها وطابقوا البصمات
وهل ابوها سعودي اصل ولا تجنس وهل خدم عسكريه أو لا

---

ليش ما انتهت لحد الان؟ الله اعلم ما نعرف.. اللي نعرفه انها تحت الدراسة..
ابوها سعودي اصل و لم يخدم عسكرية..
التبصيم صار في الجوازات .. و طلب ايضا في الشرطة الادلة الجنائية للتاكد انه مافي سوابق..
تم تبصيمها و تبصيم الوالد و اخذ الصور وجميع المتطلبات..

انتم هل رقع ملفكم لوكالة الاحوال المدنية؟

---

انشاء الله ربنا ييسر لنا جميع يااااارب
بس استغربت انه تحت الدراسه لحد الان لانه الموظفه قالت اذا تجاوز من الفحص على طول تصوير للبطاقه..

---

غير صحيح.. والله اعلم..
الفحص جزء من المعاملة.. ويجب اكتمال المعاملة كاملة من قبل مكتب الاحوال المدنية في المنطقة اللي انتو فيها..
ثم تحول الى وكالة الاحوال المدنية بالرياض قسم الجنسية و التجنس.. يراجع الملف ثم يحول الى مكتب اثبات الجنسية.. هذا حسب المعاملة اللي مشيت عندنا..
و معاملتكم تسمى استرداد جنسية.. والله اعلم

---

اكيد الفحص جزء من المعامله بس اذا جا تجاوز على طول تصوير لانه اخواني جاهم تجاوز وخلال اسبوع استلموا بطاقاتهم
يعني لو انتي فعلا جاكي تجاوز كان معاملتك انتهت نفس خواني اقولك هالشي عن تجربه ونعم هي معاملة استرداد جنسيه
تحياتي...

---

ايضا غير صحيح.. من المستحيل اتمام المعاملة خلال اسبوع الا اذا وجود شهادة ميلاد سعودية..
اما اثبات الجنسية فلا تتم الا بالموافقة من وكالة الاحوال المدنية و يعتمد فترة المعاملة حسب حالتها..
للمعلومية انا رجل..

---

لا هذا اللي حصل انا ماقلت جلست اسبوع قلت بس جاء تجاوز على طول صوروا وبصموا واستلموا بطايقهم..يعني لوانت بالفعل جاك تجاوز..كان خلصت معاملتك..
وانا للتوضيح ماقلت جلست المعامله اسبوع قلت بعد ماجاء التجاوز لهم من الفحص استلموا في أقل من اسبوع

---

للتوضيح مرة اخرى.. المعاملة ليست لي.. لكن لابنة صديقي..
نحن هنا في الموقع هذا نشارك الجميع بخبراتنا و تجربنا..

حسب خبرتي المتواضعة.. مستحيل يصير تجاوز لفحص ال DNA و تخرج البطاقة في اقل من اسبوع.. اصلا المعاملة ليست اخراج بطاقة بل اضافة في بطاقة العائلة للاب.. و بعد الاضافة تصدر لهم رقم احوال (سجل مدني) و يتم بدء معاملة جديدة لاصدار البطاقة..

ممكن اعرف اش اسم الجهة اللي عملت تجاوز لفحص ال DNA لاخوانك؟

---

شوف صلي على النبي
اخوي مقدم المعامله الكبير كون الوالد متوفي
وخواني كانوا خارج المملكه اقسم لك اخوي استلم بطاقته اليوم وبعد اسبوع اخواني دخلت المملكه عبر تذكرة مرور تمام
واختي اليوم بصمت بالأحوال وكان اخوي مجهز جميع اوراقها من صور من شهادات دراسيه شهادة ميلاد كل شي كان جاهز راحت الأحوال قسم النساء بصمت صورت وروحت بالليل جاها مسج على جوال اخوي استلام بطاقة الأحوال غدا راحت ثاني يوم استلمتها حتى الموظفات استغربن قالن لها موانتي جيتي امس ..  انا اخوي الثاني اللي جا مع اختي مو الكبير الثاني بعد دخوله السعوديه بأسبوع فقط استلم البطاقه ولهم الحين ٣سنوات وبالنسبه لكرت العائله اللي تقول عنه اخواني ماطلعوه إلا قبل شهر علشان اختي كانت بتمشي لها راتب شؤون... وطلبوصورة كرت العائله واخوي الكبير طلعه من شهر بس
وبالنسبه للجنه اللي عفتهم من الفحص لااعلم بس هذا كلام الموظفات بس اختي شافت وحده طلبو فحص لها اختي سالت وانا لي فحص قالت الموظفه انتي وخوانك جاكم تجاوز من الفحص... وبعد التجاوز خلص تكون المعامله انتهت لانه ماضل شي

---

اللهم صل و سلم على نبينا محمد

مادام اموركم تسهلت.. فالله يبارك لكم..

واذا قدرتوا.. سووا موضوع في تفاصيل معاملتكم عشان تفيد الحالات اللي مثل بنت صديقي و غيرها..

والله يسهل و يبارك

---

انشاء الله رح انزل موضوع اخواني كامل
ورح نزل معاناتي انا واختي لانه انا واختي نفس الشي بس معاملتنا تعركست لانه الوالد عسكري وتزوج من دون امر يعني دوخه

---

ربي يسهل
خلي الوالد يقدم برقية استرحام للديوان الملكي عن طريق موقع شركة الاتصالات..

---

استرحام لوشو..

---

استرحام انهم يتساهلوا بمعاملتك ويمشونهت ويتقاضوا الطرف عن الزواج الي سواه والدك وهو عسكري ورحمه بكم انتو الابناء اكتبي انتي برقية للداخلية وبرقية للديوان الملكي وسلميها للبريد السعودي يرسلها وباذن الله بتتسهل

---

بشر ي حبيبي عساها خلصت معاملة البنت لاننا معاملتنا الحين في نفس المكان كم جلست بقسم اثبات الجنسيه النسوي وبعد كم اخذتو البطاقه

---

ي اخوي الله يعافيك رد علي كم جلست المعامله ف قسم اثبات الجنسيه http://saudi-sons.net/q/user/mustady

Answer 1

وضعي نفس وضعك تماما

Answer 2

اختي الله يعافيك انا عندي معامله نفس معاملتك ابي اعرف كم جلست بمكتب اثبات الجنسيه النسوي

Comments

عملت فحص ولا لا

---

لا لسه ماعملت مااحد طلب مني بس اختي الصغيره سلموها البطاقه الحمدالله من غير فحص

---

وابي اسألك انتي معاملتك خلصت ولا لسه اشوف تعليقك من شهر 4 عساها خلصت يارب