الحمد لله اليوم حصلت حاله القيد مغلق

Question

حالة القيد
مغلق
رقم القيد
000000
إسم سجل القيد
إتصالات ديوان الوزارة
تاريخ القيد
04 / 12 / 1440
الإدارة الداخلية المحال اليها
سكرتارية لجنة الزواج
جهة الوارد
رقم آخر صادر على القيد
تاريخ الصادر
صدر لجهة
رقم بيان تسليم الصادر
0000

Answer 1

الف الف مبروك كلها بالكثير 10 ايام وتتحول للجهه وعقبالي انا تحت الاجراء
12/19 و اوراقي كلها كامله وليست من دول الصراع.
صبراً جميل والله المستعان. .

Comments

الله يبارك فيك
يارب ان شاء الله
عقبالك يا اخ سامي الله يسهل عليك

---

معاك
تحت الاجراء من ١٧\١٢

---

صار معاك شي خلاص ماعد اقدر اصبر !!!!

---

اصبر يا رجال الله كريم ان شاء الله تتسهل لك
اكتر من استغفر
ايش جنسيتك

---

سعودي ..........

Answer 2

وصلت رساله من الاماره؟

Comments

لا ماجاني اي اتصال منهم انا كلمتهم اليوم اخذت منهم رقم صادر حقت إمارة مكه المكرمه
قال لي كلامهم بعد عشره ايام....

---

اخذ المعاملة تقريبا شهرين وعشره ايام
من تاريخ 1440.12.04 من الحج

---

انت ايش صار معاك كان عندك مغلق زيي

---

اللي صار معي انه مغلق ومستني رساله تجي من الاماره اتاكد وش الحاله وبعدها ع المحكمه، ابي الرقم الوارد عشان اتاكد

---

اوكيه بس انت لازم  على الداخلية هما راح يعطوك رقم صادر لاماره تابعه لك

---

ايه اعطوني بس انت طلعت معلومات من الاماره ولا لسا

---

لا والله بس ان شاء الله اسبوع الجاي يبان
انت من اي مدينة جده؟

---

تحاليل باقي لها اسبوعين تنتهي تكمل ٦ شهور

---

ايه نعم من جدة وحتى انا اعتقد بعيد التحاليل

---

روح موقع الاماره منطقه مكه، وطلع رقم القيد

حط الرقم الصادر اللي من الداخليه وتاريخها ويطلع لك

---

طيب هيا ٥ أرقام صح

---

يس
روح ع موقع الاماره منطقه مكه لانه اتوقع انتا من جده
بعدها روح ع الاستعلام عن المعامله
حط برقم الخطاب
تحط ال 5 ارقام
تحط التاريخ
وبعدها اعمل اوك ويبحث لك

---

السلام عليكم
اخ زكريا  ايش صار معاك...
تواصلت مع الماره انت اعطوك رقم القيد

---

طلع لي رقم القيد عن طريق الموقع حق اماره مكه

وأنت؟

---

ماشاء الله
كويس لسه

---

والله مدري، لسا الحاله تحت الاجراء

انت وش حطيت في موقع الاماره ممكن سويت شي غلط

---

ان شاء الله ممكن اليوم او بكره يبان عندي رقم القيد
انت من متى طلع عندك رقم القيد

---

لسه حتا الان ماجاني شي

---

الاحد بان عندي، بطيء الموضوع يمكن تاخد فعلا 10 ايام

---

ايوا طبعا إجراءاتها

---

امورك تمام عليك صبر اسبوع او اسبوعين بكتير

---

انا عندي تساؤل، هل المهر في يوم العقد ولا عادي بعد العقد

---

كيفك اخ زكريا
الحمدلله معاملة تحولت الى محكمة الاحوال الشخصية بجدة

---

بالله من جدك؟
كيف جتك رساله؟

---

انا حالتي انها في قسم الحقوق الخاصه باجراء تأشير كذا جالك؟

---

ايوا جاني رساله منهم انه معاملة تحولت للمحكمة الأحوال الشخصية بجدة

---

طيب انا كمان ، اش اسوي نروح المحكمه و لا كيف ؟

---

جاتك رسالة منهم

---

لا ما جاتني رساله بس تتبعت الطلب في موقع الامارت

---

ايش كاتبين حقين الاماره المعاملة انه تحولت للمحكمة
لو كده روح محكمة الجزائية اللي في شارع الملك
تروح عند مكتب موافقات تسأل عن معاملتك

---

الان وين وصلته معاملتك

---

مكتوب في موقع الاماره صدرت الى فضيلة رئيس الدوائر الانتهائية بمحكمة الاحوال الشخصية بجدة
انت رحت اخذت موعد ؟

---

آهااا كويس طيب من متى اي تاريخ وصلت محكمة
روح بكره اسال
أمس كنت عندهم معاملتي ممكن بكره توصل عندهم

---

لا بكره ان شاء الله ارجعهم

---

اخ احمد ، شيكت بموقع وزاره العدل برقم المعامله ؟

---

السلام عليكم
ياليت تقولنا الخطوات بالتفصيل اش حصل لما رحت المحكمه

---

احمد اش صار معاك؟

---

وعليكم السلام ورحمة الله وبركاته
حياكم الله معليش كنت تعبان
الحمدلله وصلت للمحكمة بس كان عندي مشكلة انه انتهت فحوصات حق تحاليل اتعد عليها ٦شهور
قالي لازم أعيدها  دعواتكم

---

الف لاباس طهور ان شاء الله
و كمان ندفع تاني للتحاليل ؟
و اعطوكم خطاب ؟

---

الف لا بأس عليك
كلها ايام وتعقد ومبروك،
بس حبيت اسألك انا معاملتي امس صدرت للمحكمه متى توصل لهم باعتقادك؟

---

معاملتي اتصدرت الاسبوع الي راح بس ابلكيشن لازم تعبيه و تنتظر عشره ايام بعدين تراجع المحكمه
الابلكيشن في موقع وزارة العدل - الدوائر الانهائيه- عقد الزواج
فيه بيانات التحاليل و المهر و الشهود

---

يعني اعبي الابليكيشن قبل ما اروح لهم واشوف وصلت عندهم ولا لا؟

---

انا عبيت و اخويا عقد قبل شهرين هوا قلي
انا الخميس رح اراجع المحكمه

---

الله يعين، يبغالي اروح بكره واسأل كمان

---

طيب انا في الشرطه قالولي ما صار لها تاريخ
و هل كل التحاليل تتعاد يعني حق المخدرات كمان؟

---

لا حقت المخدرات ما يحتاج
بس تحاليل حقت أمراض الدم الوراثية

---

مبروووووووووووووك

---

الله يبارك فيك وعقبالك ان شاء الله

---

اش صار معاك زكريا خلصة من المحكمة ولا انا تحت الاجرا

---

صدرت للمحكمه ، ويبغالها ١٠ ايام عبال ما توصل وبعدها احدد موعد واعبي ابليكيشن موجود ع موقعهم واروح جاهز يعني يمكن ياخد ٣ اسابيع عشان اعقد

---

كيف التحاليل انا باقي لها اسبوع ؟؟

---

موضوع التحاليل هرجتها هرجه يمكن يمشوها اذا اسبوع متاخره

---

الله يبارك فيك وعقبالك bezlol

---

الله يعينكم على تحاليل انا اليوم سويت تحاليل راحت عليها
٤ ايام الشيخ قالي لازم تعيدها لو يوم ماتمشي

---

طيب بعد التحاليل تروح تاخذ الموعد و لا ايش الهرجه؟

---

ايوا بس يمشيها لك الموظف حقت موافقات تاني يوم
مش زي زمان زحمه

---

مبروووك اخ زكريا الله يسهلك
انا  لي اسبوعين جنوني حقين المحكمة والاماره خطأ من اماره رجعوا المعامله لها عشان نسي موظف حقت اماره ورقه...............
بس انتهاء تحاليل قبل اربعه ايام مفروض من اسبوع انا مملك للزواج

---

رحت اعيد التحاليل سعرها 900 ريال :(

---

احمد، كم يوم ووصلت المعامله في المحكمه؟
واش الورقه دي؟

---

اسبوع وصلت مادري هما حقين اماره كان منهم نقص
ايوا ٩٠٠ريال أمس دفعت انا

---

ان شاء الله من اسبوع لي عشره ايام معاملتك عندهم بس اهم حاجه راجعهم انت

---

ايه براجعهم واشوف ان شا الله يوم الثلاثاء الجاي

---

زكريا كم يوم اخذت معك تحت الاجرا في الاماره ؟

---

يا بيزلول قعدت حول الأسبوعين، شيك عليها برقم الصادر او رقم القيد عن طريق SMS

---

لها ١٠ ايام احيلت في ٢٨ الي الادارة العامة للحقوق الخاصة اجرا للتآشير

---

كويس باقي عليها تتحول ل توقيع المدير العام وبعدها المحكمه

---

نقول مبروك يازكريا كتبت ودخلت القفص ولا
انا توقيع المدير العام <<<<<<<

---

ههههههههه لسا رحت امس قالو تعال الاسبوع الجاي عشان نشوف اذا وصلت ولا لا

يلا باقي لك القليل
يارب تتسهل معاك

---

لما رحنا المحكمه كذا قالولنا ما وصلت و لما ريناهم حالة تتبع المعامله في الاماره دور برقم الصادر و لقاها و اعطانا خطاب بالموافقه و اعطانا خطاب للمختبر الاقليمي

---

ايه كانو يشيكو برقم الصادر ،قالي لسا ماوصلت

---

انا حللت يوم الخميس تقريبا متى تطلع النتيجه ؟

---

هما كمان يسوو 10 ايام عمل ، يعني استني الى الاحد الجاي وجربي

---

اخ زكريا كيفك أسألك انت كم مره على تحاليلك أقل من ٦شهور

---

بتنتهي عليا الشهر دا   :'(
للحين مستني المحكمه

---

آهااا كويس ان شاء الله قبل ما تنتهي تملك

---

اخ احمد اش الطلبات الي يحتاجوها وقت العقد غير التحاليل ؟

---

اخ احمد، ان شاء الله اقدر املك اذا مافي نقص من الاماره هذا قلقني مره لانه حصل لك وحصل لشخص ثاني هنا في المنتدى

---

تروح مكتب موافقات اللي في محكمة تعطيي رقم معاملتك هو راح يطلب منك صورة الهوية ولي أمر  لو ابو متوفى صورة هوية اخوه مع صورة حصر ورثة بعدها يعطيك موعد ممكن تاني يوم أو بعدها بيومين تجيب معاك شهود وقت الموعد

---

ان شاء الله تتسهل أمرك حبيبي زكريا لا تشيل هم

---

الله يجزاك الخير
طيب الشهود لازم نفسهم الي جو الاماره ؟

---

اه احمد يعني مواعيدهم قريبه؟ حلو وان شاء الله خير

---

Moly ماعتقد هما نفسهم اللي كانو معاك في الاماره
عادي ممكن تجيب معاك أشخاص غير

---

ايوا تاني يوم ممكن يعطيك موعد أو بعدها بيومين دا كلام موظف حقت مكتب موافقات اللي في محكمة

---

نا الين ذحين من يوم ٥ الصادر العام توقيع مودير عام

---

اخ احمد ابي اطلبك طلب، ادخل ع نظام ناجز في موقع وزاره العدل وابيك تدخل باسمك، وتشوف الاشعارات هل ظاهره عندك معامله الزواج ام لا؟

---

هلا حبيبي زكريا وصلت الحمدلله عند مكتب موافقات
باقي بس منتظر تحاليل

---

اقصد اونلاين يا سيدي

---

من فين تشيكوا ؟
دورت ماعرفت

---

استعلام عن معاملة في محكمة الاحوال الشخصية بجدة

---

بس اي رقم الي استعلم فيه ؟
في رقم الطلب حق الابلكيشن و في رقم الصادر الي من الاماره و كلها تطلع لي ملاحظة الرجاء التاكد من رقم المعامله و التاريخ

---

انا بتكلم عن الاشعارات في حسابك في نظام ناجز، توي اتصلت ع وزاره العدل يقلي اي معامله باسمك بتظهرلك في الاشعارات

---

انا فاهم عليك اخ زكريا عندي المعاملة باين في موقع ناجز. وزارة العدل.. وارد من الاماره.... صادر إلى قسم موافقات يعني خلاص انتهت باقي بس العقد زواج إن شاء الله اسبوع الجاي تجيني نتائج التحليل راح  أعقد دعواتكم لي
والله يسهل لكم

---

الله يوفقك حبيبي ، والله انا مستني الاشعار الله يعيننا

---

كم يوم تاخذ على توقيع المدير العام كآنها طولت ؟؟؟

---

اخذت معي ٣ ايام

---

انا من يوم ٥ احتاج ارجع ولا ؟

---

اصبر عليها  ممكن تتوقع منه بكره وتتصدر على طول على المحكمه

---

اااه ياربي.... لقيت المعامله رجعت للاماره في اخطاء اداريه

اخ احمد كم يوم قعدت ورجعت للمحكمه ثاني مره؟

---

الله يكون في عونك مثلي انا كذا رجعت للإمارة وانتهت التحاليل وارجع اسوي تحليل أن شاء الله اسبوعين ترجع للمحكمة لازم تتواصل مع للإمارة

---

اش اسوي في الاماره، ثالو لي استنا خبر مننا ما يحتاج تروح للاماره

---

الحمدالله اليوم صدرة محكمة الاحوال الشخصية بجدة كم يوم واراجع لا يكون فيها نقص ؟؟؟

---

كلنا رجعت للاماره

يبغالك 10 ايام عمل وتروح المحكمه

---

زكريا شوفت ضوابط العدل الجديدة عمر الرجل لزم بين ٤٠ و ٦٥ اخاف تترفض من المحكمة ؟؟؟

---

لا يارجال اذكر الله، جات الموافقه خلاص باقي تعقد وربنا يوفقكم
وش صار معاك في المحكمه؟ وبعدين من وين جبت المعلومه؟؟

---

اليوم على جريدة الاقتصادية
ليس الخميس تحولت يمكن الاسبوع الجاي توصل

---

زكريا اش صار معاك نقلو مكتبهم من الورود الى المحكمة الي عند الردسي راجاعتهم واخذت رقم المعاملة والشيخ ما حصل الملف قال تعال راجع الاحد ذوبنا نقلنا .

---

حبيبي انا رجعت معاملتي للاماره عشان في غلطه من جهتهم ومستني ترجع ع المحكمه

---

الحمد لله و توفيقه تم  قراني اليوم

---

مبروووووووك الف الف مبروك يا مولي

---

مبووووووووووووووووروك مولي

---

مبروووك عقبال الشباب الباقين

---

اسمع يا بيزلول ، خش ع موقع وزاره العدل واستعلم عن المعامله يمكن رسلوها للاماره

---

كيف استعلم من الموقع

---

كيف استعلم من الموقع من اي خيار

---

الله يبارك فيكم و عقبالكم ربي يسهلكم

---

يجني كذا الرجاء التأكد من رقم المعاملة والسنة

---

اجل لسا ما سجلوها اصبر
او احتمال موقعهم فيه مشكله احيانا يظهر المعلومات واحيانا لا

---

قبل شوي شوفتها في الموقع في مكتب الموافقات نفس المكتب قالي تعال الاحد يمكن نحصل الملف

---

الله يبارك فيكم و يسهل لكم امركم
انا صار لي نفس الشي ما كانوا لاقيين المعامله بس لما وريناهم صورة الاستعلام حق الاماره الي هي مكتوب فيها اتحولت لفضيلة الشيخ في محكمه الاحوال طلعوها من ذاك الرقم

---

اليوم كتبت العقد وشهود ومزكين اعطوني نسخة من الأصل مختومة قال الأصل في الملف بعد العقد كيف اغير حالة الزواج في الأحوال لزم تنقل كفلها ولا وش الإجراءات

---

مولي انته اخذت الأصل او نسخة من الاصل

---

يعني عقدت ماشاءالله؟؟ نقول مبروك؟
بالنسبه للاجرائات هذي ماادري عنها بس في قروب في الواتساب عندهم خبره اكثر مني تعال هناك

---

اها ممكن الرقم أو رابط

---

ايوه عقدت وخلاص زواج رسمي عقبالك الأصل قال معاهم كيف كذا

---

مبروك بيزلول
لا بس اعطوني نسخه و ختمتها و جاتني رساله على الجوال انه تم اصدار صك زواج و رابط موجود فيه التفاصيل
من جد ماكنت اعرف انه في اصل من وين اخذه ؟

---

يقولو الاصل في المحكمه يكون

---

ممكن تضيفني في القروب ذا لو موجود

---

انا كمان ضيفوني في القروب ادا في

Answer 3

كم يوم اخذت؟

Comments

لازم فوق ٢٥ سنه

---

لا بس انت سعودي عادي اهم حاجه البنت ماتكبرك

---

انا عمري 31 والمخطوبه 22 هل فيه اشكال لا سمح الله. !!

---

السلام عليكم ممكن اعرف كيف انها جت موافقه من وزارة الداخليه غير كلمة مغلق ؟ وكيف استفسر عن معامله في موقع الاماره

---

جاتك مغلق انته ماشي تمام لما تغلق وترسل علي الاماره تتصل علي الداخلية وتسئل عن رقم القيد وهاذ الرقم تتابع فيه مع الامارة.