معامله زواج سعوديه من اجنبي غير مقيم

Question

بعد ما جمعت كل الاوراق وموافقة ولي الامر ختمتها من العمده وكل شي جاهز
رحت اقدمهم للامارة الشرقيه بس دخلت الاستقبال قالولي لازم ولي الامر يقدم بقسم الرجال مو انا اللي اقدمهم وبعدين عندهم هما
وكمان سالوني انه مقيم او من مواليد السعوديه قلت لهم لا مقيم ولا مواليد السعوديه وجوهم صارت مصدوم  تقول اول مره يسمعوا هذا الطلب
في الاخير قالتلي لازم الولي الامر هو اللي يقدم لي الاوراق بقسم الرجال
انا قريت من قبل هنا انه عادي البنت تقدمهم بالاماره احد صار معه كذا؟؟

Comments

السلام عليكم ابغا اعرف بنسبة لزواج الخارجي الخاطب مقيم في الخارج كيف يسوي التحاليل والأوراق الي في الشرطة وهو في بلده و في النهايه العقد في السفارة السعودية في بلده!!!!

---

وعليكم والسلام  يسوي تحاليل عنده باي مختبر تحاليل مخدرات وكمان يسوي خلو سوابق يطلبها من عنده ويختمها بالخارجيه وبعدين بالسفاره السعودييه وبعدين يرسلها لك وانتي هنا تقدميهم مو ضروري يكون هنا

---

لازم حضور ولي الامر عشان يكتب اقرار بذالك او وكيل معا وكالة

Answer 1

و عليكم السلام
لازم ولي امرك او اخوك اذا عنده توكيل بالولاية نفس الشي صار معاي

Comments

طيب انتي قدمتي طلب زواج من اجنبي غير مقيم
ممكن بس تقولي لي بالتفصيل ايش سويتي  لو سمحتي

---

اسفه على التأخير بس اذا انتي في الرياض لازم تأخذي ورقة الطلبات من الشرطة و بعدها فيه تعهد لازم الوكيل و اثنين شهود يسوونه و بعدها تروح للإمارة و بعدها الداخليه و بعدها الخارجية لو يتعقدون خارج السعوديه و اذا العقد في السعوديه تتحول من الداخليه مره ثانيه للإمارة

Answer 2

ايوه عادي يمديكي، قدمي طلب على النت من الاماره حقت الشرقيه وراح يطلبو بس ابشر حق الوالد او ولي امرك ، ورقم بطاقه الاحوال حقتك وبعدها حتروح للشرطه هناك حتروحي يدوكي الطلبات وطبعا معاملتك زواج سعوديه من اجنبي غير مقيم فلاتشيلي هم

Comments

طيب بس اروح للشرطه ماراح يطلبوا ولي الامر ؟؟

---

لما تروح للشرطه يجي مسيج على جوالك او جوال الوالد وتروحي لوحدك الشرطه وانتي تكملي كل المعامله .. ابوكي ماحد يسال عنو غير بعد ماتكملي الووق وترسليه للشرطه الشرطه ترسلو للاماره والاماره يطلبو ابوكي يروح لهم بموعد يرسلولك الرابط حقه في مسيج جوال ومعاه الشهود كمان

---

انا معاملتي من جده، ولا احد سال عن بابا ولا شي.. اصلا تروحي الشرطه قسم النساظ تاخدي الورق ، ابوكي مايحتاج حيروح يقولوله هيا تجي تستلمها . الورق طبعا حتاخديه البيت وتعبيه وفيه اوراق لبابتك يسويهافهمتي بس بعد كدا مايحتاج بابتك يسوي اي شي لما تروح الاوراق كامله للاماره او المحافظه حسب انتي فين

---

اوك حبيبتي اول شي بقدم اون لاين  وبعدين يجيني مسج اروح للشرطه وهما يرفعوا الاوراق كذا صح
طيب بس انا مو عارفه ايش اسم الشرطه اللي اروح لها
وشكراً حبيبتي ♥️♥️

---

كدا تمام صح عليكي،، والمبنى الرئيسي لشرطه المنطقه حقتك.. مو اي قسم شرطه.. يعني في عندنا الهيدكوارتر حق شرطه جده وطبعا حسب مدينتك في مبنى شرطه رئيسي لو رحتي اي مركز شرطه وسالتيهم حيدلك فين مركز الشرطه الرئيسي اللي فيه مكاتب قسم الزواج.  
ومن دحين جهزي ورقه خلو سوابق للخاطب تكون مترجمه ومختومه من السفاره السعوديه في البلد اللي هوا مقيم فيها ، وفي اوراق حتديكي هيا تعبيها بس دي الورقه مهم تبداي فيها عشان لما تاخدي الاوراق تكون وصلتك بالبريد وجاهزه عندك.

---

اوك حبيبتي انا عندي ورقه خلو سوابق والتحاليل ومختومه من كل مكان ومن السفاره وصورة طبق الاصل من الجواز ومختومه اوراقي كلها جاهزه
راح اقدم اون لاين  وان شاءالله خير
شكراً ما قصرتي حبيبتي

Answer 3

ضروري ولي الامر هو اللي يقدم

Answer 4

لازم ولي أمرك يكون معاك حيوقع ويختم على انه موافق وهوا يقدم الأوراق من عند الرجال وانت كمان حتدخلي عند النساء ، وهذا الإجراء المعتاد سواءً زواج من مقيم أو غير مقيم

Comments

طالبين ع الخاطب فحص مخدرات والخاطب غير مقيم في السعوديه وين يسوي الفحص

---

السلام عليكم انا من مصر كنت عايش في السعودية وقدمنا علي معامله زواج ونزلت مصر والآن تم الموافقة والتأشيرة في الخارجيه هيرسلوها الي مصر في السفارة مسمي زياره حكومية عشان اجي اخلص المعامله الزواج الان سالنا قالوا في الصادر في وزاره الخارجيه افيدوني بالله مامعني الصادر كده تطلع؟؟؟