الحمدلله أموري تمت بس راح اكتب التجربة كامله عشان الكل يستفيد
أو شي اتقدمت بطلب زواج سعوديه من اجنبي عن طريق موقع الاماراه. بعدها جاتني رساله أن المعامله في الاماراه.
بعد أسبوعين تقريباً جاتني رساله أني اروح المرور. طبعاً في المرور راح يطلبو تحليل دم في المختبر الإقليمي + برنت من الأحوال + تعريف بالراتب من العمل + صوره من جواز سفر الخاطب و شغله. تعطيهم الأوراق بعدين يقولو أسبوعين و اتصلو على قسم الاتصالات في الشرطه عشان رقم الصادر.
تتصدر الأوراق إلى الداخليه و تقعد المعامله في سكرتاريه لجنه الزواج إلى ما شاء الله. بس انا قعدت بالضبط شهرين ونص
الخطوة التأليه و الا فيها خلاف. بما ان خطيبي ليس مقيم في السعوديه المعامله راحت عالخارجيه وقعدت تقريباً شهر و بعدين اتصدرت عالسفاره في بلدو هذي الخطوات كلها لازم لها متابعه و اتصال بالجهات
بعدها كلمنا السفاره و قالو عندكم سنه من تاريخ الموافقه عشان تجو وتكملة الاجرات. رحت انا وولي الأمر لازم أو وكيل عشان يستلم الموافقه و بعدين تبدا اجرات بلديه بلد الخاطب و الحمدلله زواجنا نهايه الشهر
في حال ان الخاطب مقيم في السعوديه المعامله راح تتحول من الداخليه إلى الاماراه إلى المحكمه عشان يتم العقد
و كل شي ممكن يصير في السعوديه. هذا الفرق بين الاجنبييي المقيم و غير المقيم
أتمنى أكون أفدت و ساعدت لان الموقع هذا فادني كثير
اهم شي المتابعه بس مع الداخليه لازم الصبر و أفضل تتبع المعامله عن طريق الموقع اول ما يطلع الطلب مغلق تتواصلو معاهم عشان رقم الصادر و الجهه المحول لها المعامله
