قدوم الطرف الأجنبي وقت العقد اكرمونا بإجابة

Question

السلام عليكم و رحمة و بركاته
محتاجة أحد يأكد لي معلومة إنه ممكن وقت العقد في حالة اختياري إنه يكون هنا في السعودية
يدخل خطيبي للسعودية بزيارة عائلية يعملها أحد أقاربه هنا لإتمام العقد
بمعنى هل الوضع عادي و لا القاضي ممكن يرفض كحالة مشابهة قرأتها هنا اترفضت بسبب إن تأشيرته كانت عمرة
كيف وضع الزيارة ؟ يارب يكون ينفع
طيب ماهو الإجراء الرسمي المعتاد لحضور الطرف الأجنبي لإتمام العقد ؟

و سؤال آخر
هل ممكن يعمل و يجهز كل الأرواق المطلوبة من بلده و يجي بنفسه يسلمها لي و يسافر ثاني برضوا يكون جاي زيارة لكن ما هتكون أكثر من أسبوع و يرجع لبلده ؟

أرجوكم جاوبوني

Comments

وعليكم السلام ورحمة الله وبركاته

بخصوص زواج السعودية من الاجنبي غير المقيم ، انا قدمت من امارة الرياض ع اساس العقد يكون في الرياض لكن بعدين رجعوا اتصلوا علي انه مستحيل يتم العقد في السعوديه طالما الخاطب ماعنده اقامه سعوديه ، مع انه زوجي ابن مواطنة وعنده تاشيرة لكن قالوا مستحيل ولا راح تمشي من المحكمة نفسها ، فتم عقد القران في بلد (اقامة) الخاطب

واذا شايلة هم انك تحتاجين وجوده لاتمام اجراء المعاملة ، مايحتاج وجوده ويقدر يرسل لك الاوراق الرسمية مثل خلو السوابق وغيرها اللي تحتاج توثيق ع البريد

الله يوفقك وييسر امرك ويكتب لك الخير

---

ياربيييي بالله من جد عزيزتي G.A2018  ... أنا مصدومة والله . كيف ليش كذا .. طيب فيه تأشيرات منوعة زي الزيارة و زي تأشيرة دخول من ممثليات المملكة بالخارج يكون معاه اثبات يبين حاجته لدخول المملكة و يعطونه تأشيرة و فيه طلب شخص لزيارة جهة حكومية
كل هذة تلاقيها في موقع وزارة الخارجية
طيب كيف يخيرون في الأول و بعدين يرجعوا يقولوا ما ينفع
لاحول ولا قوة إلا بالله

ورقة خلو السوابق مو المفروض هو يصدقها من السفارة السعودية هناك في بلده ما يحتاج وزارة الخارجية هنا
هذا اللي أعرفه من الموقع و الكل يقول كذا

طيب ياعزيزتي اقدر اتواصل معاك واتس

---

والله مادري عنهم ليش كذا النظام انا حاسووني اول كانوا يقولون عادي اختاري وبعد ما قدمت الاوراق قالولي غير ممكن وان مشت الامور في الامارة والداخلية ، المحكمة بترفض لانه مافي اقامة سعودية هذا كلام الموظفة حرفيا .. ما ادري اذا تختلف الاجراءات من منطقة لمنطقة

بخصوص ورقة خلو السوابق ، نعم لابد ان توثق من الجهات المختصة في بلد خطيبك ثم السفارة السعودية في بلده ، بعدها يقدر يرسلها لك وانتي توثيقنها في الخارجية السعودية . انا كذا سويت والحمدلله مشت بس لاااازم تصدق من الخارجية عندنا كاخر خطوة

---

الله يكون في عونك ... بس أعتقد إذا كان موجود زيارة يمشي الأمر في المحكمة و على فكرة ممكن يعمل لأحد توكيل و يعقد بالنيابة عنه .. أنا متواصلة مع واحدة عملت كذا و خطيبها وكل أحد هنا و تم العقد الله يبارك لها ... يارب يكون في جدة عادي و يمشوها ...

والله كنت أحسب يكتفوا بوزارة خارجية بلده و السفارة السعودية في بلده و خلاص .. يلا الله يسهل

طيب يالغالية ما رديتي بخصوص نتواصل واتس

Answer 1

اذا انت سعودية لا ما ينفع يدخل يفيزة عمرة أو زيارة ، اذا تبغي العقد داخل السعودية فالإجراءات طويلة وتاخد وقت وطريقتها مختلفة ، لكن اذا طلبتي العقد في بلد الخاطب فهيا أسهل بكثير اذا كنتي مستوفية الشروط ومن شهرين إلى ثلاث شهور بتكون الموافقة صدرت

Comments

أنا قصدت وقت العقد بس يوم المحكمة يكون موجود بتأشيرة زيارة عائلية .. معقولة ما ينفع !! ليش ما ينفع
العقد داخل المملكة أسهل بالنسبة لي من بلد الخاطب
طيب إذا كان لنا حرية الاختيار فين مكان العقد يعني أكيد فيه طريقة يكون متواجد بها الطرف الأجنبي وقت العقد
مو معقولة يكون القرار هذا موضوع من الحكومة و يكون المقصد إن يتم العقد بشخص موكل من الطرف الأجنبي

---

لا ما يتم العقد بطرف موكل ولافي شي زي كدا أبداً ، الخاطب حيجي بس بعد ما تجي الموافقة ، واجراءات الموافقة طويلة وتاخد وقت اذا طلبتي العقد داخل السعودية .. يعني إلى قبل سنتين كانت تاخد ٦ شهور وممكن أكتر فلو انت ما عندك مشكلة في التأخير وحابة انو العقد يكون بين أهلك فيسير تنتظري الى ما تجي الموافقة

أنا من تجربتي قبل سنتين الموظفة قالتلي هذا الكلام وانها حتتأخر كتير وسألت كم شخص أكدولي انها حتتأخر فطلبت العقد خارج السعودية وخلال شهرين ونص وصلت الموافقة للسفارة في الدولة اللي اخترتها وسافرت أنا ورحت للسفارة مع خطيبي واستلمتها من هناك

انا بجاوبك من خلال معرفتي السابقة ممكن يكون حالياً الوضع اتغير ، روحي بنفسك للأمارة أو مركز الشرطة واسألي وخذي الجواب الأكيد
والله ييسرلك اللي فيه خير يارب

---

اذا انت تابعة لأمارة مكة ففي كلا الحالتين سواءً طلبتي العقد خارج أو داخل السعودية لما حتقدمي الملف للشرطة خطيبك مطلوب منه ورقتين فقط اللي هيا صورة من جواز سفره وشهادة عدم وجود قضايا جنائية عليه صادرة من بلاده ومصدق عليها من السفارة السعودية ومن الخارجية السعودية .. هذي الطلبات مكتوبة في ورقة الشروط اللي أنا أخذتها من مركز الشرطة

---

يسعد قلبك يا حبيبتي أنا اتواصلت مع واحدة هنا في الموقع عملت العقد في السعودية و قالت ما كان فيه وسيلة يحضر فيها الخاطب بنفسه و عمل توكيل لصاحبه و تم العقد عن طريقه  

مو مشكلة ننتظر ال6 شهور . و برضوا هأرجع أقول الله أعلم ممكن وقتها يوافق الوالد إن العقد يكون في بلد الخاطب
الله يسهل

---

هذي معلومة جديدة جداً بالنسبة لي وعلى أيام معاملتي ما قالوا لي أي شي عن انو ممكن يكون في توكيل ، طيب كدا كويس يعني سهلوا الموضوع للناس والأفضل يكون هوا موجود بنفسه طالما ما عندك مشكلة بالتأخير ، الله يسهلك أمورك ويوفقك يارب

---

الله يسعدك ووفقكً ايش هي الإجراءات الطويلة للي يبغى العقد داخل السعوديه ؟
لانه انا كنت سمعت انه زواج السعوديه من اجنبي حالتين لا ثالث لهما:
سعوديه مع اجنبي مقيم عقد داخل السعوديه حتى معامله تمشي اماره شرطه اماره داخليه اماره محكمه
سعوديه مع اجنبي غير مقيم العقد خارج السعوديه هي تسافر له و المعامله تكون اطول لانها اماره شرطه اماره داخليه خارجيه سفاره سعوديه محكمه البلد الأجنبي !!
الله يسعدك نورينا بالأكيد الله ينور حياتك

---

زواج سعودية من أجنبي غير مقيم لها حالتين عقد داخل السعودية أو خارج السعودية ، والعقد خارج السعودية أسهل

من تجربتي أنا رحت لمركز الشرطة قدمت أوراقي + صورة من جواز خطيبي ، بعد كدا المعاملة راحت للأمارة وتابعتها من الموقع الين ما وصلت للداخلية وكل فترة كنت اتصل عالداخلية اتابع الين ما راحت للخارجية وبعد كدا للسفارة في أنقرة ، وسافرت انا لهناك ورحت للسفارة مع خطيبي .. والموضوع كله من وقت ما سلمت ملفي للشرطة الى ما وصلت المعاملة لأنقرة ما أخد أكثر من تلات شهور

هذا الكلام قبل سنتين بالزبط وما عندي فكرة إذا النظام اتغير الآن أو لا

---

ما شاء الله تبارك الرحمان الله يسعدكم و يخليكم لبعض
لو عندك فكره اختي عن محامي او معقب ثقه عطيني رقمه
الله يجزاكي خير شكراااا على جواااابك ربي يسخر لك الأرض و مر عليها ❣️

---

ما اعرف معقب شاطر أو مضمون كل اللي اتواصلت معاهم يطلبوا مبلغ مقدم وهذا الشي لازم تحذري منه لاتمشي مع أي معقب يطلب مبلغ قبل

في هذا المعقب ممكن تسأليه عن وضعك وشوفي ايش يقلك
‭٠٥٥ ٧٨٧ ٨٩٠٠‬ / العثيري

وأرجع أقلك لا تدفعي أي مبلغ مقدم

والله ييسر لك أمورك

---

أختي rudy  حتى اللي خبرتني كان واضح انه ما أحد عرفها عند التقديم على طريقة التوكيل . اختارت العقد هنا و لما جاء وقته كانت أسرع طريقة عشان يتم العقد في وقته إنه يوكل أحد عنه و ربنا يبارك لها تم على خير ... بس أكيد أكيد يعني البلد ما أتاحت هذا الاختيار إلا و فيه طريقة يدخل بها الطرف الاجنبي للبلد عشان العقد .. أكيد بس مين يعرفنا بالصح

---

الله يجزاااكي خير الجزاااااء حبيبتي و يسعدك ربي ممنونه لكي

---

ايوا حبيبتي انت لو طلبتي العقد داخل السعودية يقدر يدخل بعد ما تطلع الموافقة بس كل الموضوع انو المعاملة حتتأخر، فإذا انت ما عندك مشكلة بالتأخير خلاص اتوكلي على الله وقدمي واطلبي العقد في مدينتك

انا بس كل اللي أعرفه انو دخوله ما حيكون بفيزة عمرة او زيارة عائلية ، اظن لها طريقة تانية ، وانت لو رحتي مركز الشرطة حيعطوكي كل التفاصيل وما حيقصروا والموظفات متعاونات جداً..

---

الله ينور علييييك ... أنا بقى أبغى أعرف ايش الطريقة اللي هيدخل بها ...  أتمنى لو واحدة من الأخوات اللي هيروحوا يقدموا ورقهم يسألوا لنا السؤال هذا ... أنا ما هأقدر أروح اسأل

---

مو انت لازم حتروحي بنفسك تقدمي اوراقك وتوقعي وتبصمي وبالمرة تسأليهم

---

أنا أبغى يكون عندي علم بكل الأمور عشان أعرف اتكلم مع الوالد و يكون موضوع المعاملة كله من بدايته لنهايته واضح له

---

المشكلة حتى لما تتصلي عليهم ما بيعطوك جواب واضح ، انا اتصلت على امارة مكة استفسر عن شرط من الشروط الموظف قلي لا مافي شرط زي كدا ومين قلك دا الكلام ، لما رحت مركز الشرطة اتفاجئت بالشرط موجود ونحتاج معقب عشان يمشيلنا المعاملة

ممكن تتصلي على المعقبين عندهم فكرة عن هذي المواضيع ممكن يعطوك جواب واضح

الله ييسر أمورك ويكتبلك الخير

---

اللهم آمين .. الله ييسر على الجميع و يسعد قلوب الجميع
أنا ودي يكون أحد مر بنفس التجربة يجاوبني عشان لا أحد يقول لي ممكن كذا و ممكن كذا
ابغى إجابة أكيدة
يارب أحد هنا من الموقع يرد يفهمنا

Answer 2

أرجو من لديه خلفية عن الموضوع أو يستطيع أن يسأل الجهات المعنية أن يتكرم علينا بالتوضيح

Comments

طيب اخت رودي انا مصري مقيم وقدمت المعامله ونزلت مصر نهائي هل اجي اعقد في السعوديه ام في مصر ؟؟