السلام عليكم ورحمة الله وبركاتة
ابغى انقل تجربتي احد ماوصلت واتمنى الاخوان والاخوات يفيدوني لمسار المعاملة
طبعا انا والمخطوبة من مكة وهي مقيمة مولودة بمكة.
رحت للشرطة الي في كدي مكتب الزواج وارسل خطاب للمستشفى وسوينا التحاليل وجلست اسبوعين ورجعتلهم والاسبوع الثالث ارسلنا للأحوال شهادة الميلاد يصدقوها واخذت اسبوعين ورجعتلهم واخذت اسبوع لين افرزوها واعطانا نموذج موافقة ولي الامر مع انه ولي الامر بصم على اقرار كتبة بنفسه لاكن قال عبو النموذج طبعا كملت طلباتهم الي هي تعريف بالراتب وسكن العمدة لي وللمخطوبة وصور للإقامة والجواز سارية المفعول وعدلت مهنتي من بدري وكملت طلباتهم من دخلت الشرطة لين راحت للأمارة شهرين بالضبط.
وأمس بتاريخ 1440/7/25 راحت للأمارة
السؤال لمن جرب او عنده خلفية اكيده ماهو الاجراءات الباقية؟
وكم تاخذ وقت لين تروح للمحكمة ونملك خصوصا اني موظف بالمنطقة الجنوبيه واعمل حساب سفر وطيران واجازات هل في تبصيم او شاهدين بالامارة او تروح للداخلية يعني ايش الي بيصير كل ماسالت موظف الي يقول شهر والي يقول شهرين والعسكري بالشرطة يقول يومين ماني عارف الوضع
للتذكير انا الخاطب سعودي وهي مقيمة مولودة هنا
وشكرا لكم مقدما تجمعنا نفيد ونستفيد
