ان شاء الله الف مبروك الخطوبة
والله يشافيلك ابنك ويرزقه بالزوجه الصالحه الي تصونه وتحافظ على بيته
بالاول وهذا اهم شي دامك انتي والدته وراضيه عنه ربي من عنده بيوفقه ان شاء الله وراح تتسهل اموره باذنه تعالى
وثاني شي خدي تقرير طبي من (مستشفى حكومي) بحالة ابنك واعملي خطاب استرحام اشرحي فيه حالة ابنك والي دوبك قولتيه (خطاب الاستراحام استعيني باللي موجودين جنب الاماره او حد يجيد كتابة الخطابات) اهم شي يكون مختصر مفيد. خدي هالاستراحام وصدقيه من عمدة الحي بحضور شاهدين على صحة كلامك واختميه من شرطة الي تابعه انتي لها والعمده تابعه له.
ارفقي هالاسترحام والتقرير الطبي وصورة الهويات وارسليه لوزارة الداخلية بالبريد السريع لو كنتي خارج الرياض
لو انتي بالرياض زوري الخدمة الذاتية بوزارة الداخلية وارفعي طلب استرحام من الجهاز
لما ترسلي الخطاب للداخلية احرصي يكون رقم الجوال (مفعل) ويكون واضح ومكتوب بالكومبيوتر وليس خط اليد (عشان لا تتلخبط الارقام) وراح تقدري اتابعي المعاملة بالرسائل وموقع وزارة الداخلية بعد كذا
ارجو من الله ان يبشركم بكل مايسر قلوبكم ويفرحكم يارب وتشوفي عيال عياله
لاتنسوا من الأكثر من الاستغفار والصلاة والسلام على رسول الله وقول لاحول ولا قوة الا بالله
الله يسهل امركم ان شاء الله
