بليز فيدوني كفيل خطيبي يبغى يسوي له خروج نهائي

Question

معاملتي ف وزارة الداخلية بس كفيل خطيبي يبغى يعمل له خروج نهائي او بلاغ هروب لأن مايبغى يشتغل معاه ! سؤالي لو ربنا تمم امورنا واتزوجنا يقدر يعمل له خروج نهائي او بلاغ هروب قبل ماينقل عليا ؟؟ واحد يعرف كم حتاخذ ف الداخلية دحين هيا ف سكرتارية لجنة الزواج ! بلييييزز ففيدوني

Answer 1

كم لها في سكرتارية لجنة الزواج
خليه يفاوضه حتى تجيكم موافقه وتتزوجو والله ييسرها ان شاء الله يكلمه يعطيه مهله كم شهر والله يسهلكم

Answer 2

دام انها بسكرتارية الزاوج الحين تاخد وقت احيانا اسبوعين احيانا 20 يوم احيانا شهر احيانا اكثر (كل معاملة ومدتها)
عسى ربي يأجل بأمرها لكم ولكن للاحتياط
خلي خطيبك ويدورله على كفيل بديل بالوقت الحالي وبس يلاقي
يروح مكتب العمل ويسبق كفيله بالشكوى على الكفيل
بهالحالة هذه الكفيل ماراح يقدر يسوي بلاغ هروب لان في شكوى مقامه عليه بمكتب العمل ويقدر يرفع خطيبك بلاغ كيدي لو الكفيل عمل بلاغ
وموضوع البلاغ هذا والنقض فيه ياخد شهور واحيانا سنين

ربي يصلح الحال وييسر امركم

Answer 3

اولا هل هو جاء على كفالته مباشره ام انه نقل عليه إذا هو نقل كفاله عليه ما يقدر يعمل له خروج نهائي على حسب مكتب العمل يعطيه مهله ٦٠ يوم يدور كفيل واذا ما حصل كفيل تقدري انتي تكفليه حتى تطلع الموافقه على حسب النظام الجديد بدون سجل تجاري وبدون فتح محل والشي الثاني ما يقدر يعمل له هروب وهو مداوم معاه وفي الاخير خليه يصبر ويسايسه حتى تطلع الموافقه وبعدين ينقل كفاله وخلاص. وربنا يسهل لكم ولنا وييسر اموركم وامورنا

Answer 4

خليه يسايسه لين تجي الموافقه ترى بتاخد باذن الله اقل من ٢٥ يوم دام انها في سكرتاريه لجنة الزواج معناها انها بس تاخد تقريبا ٤٠ يوم وانتي عاقده باذن الله .. وبعدها انقلي كفالة زوجك عليكي وخلاص .. خليه يقوله بتزوج وحنقل الكفاله .. اسال الله العظيم رب العرش الكريم بأن ييسر اموركم يا رب