سوال يختص بموقع المعاملة او اش الي صاير فيها

Question

السلام عليكم كيفكم ي اخوان عندي استفسار وابا احد يفيدني لان حقيقي بدات احبط انا مقدم على زواج من سعودية وتميت الورق وبكل سهولة الحمدلله وقدمت وخلصت وراحت من المحافظة للداخلية ومن الداخليه لشؤن الامن او شيء كدا وكل م جيت اسال يقولو معاملة سرية ماني فاهم اش وضعها ووين هيا واش الي صاير ف رجاءا احد يفهمني او يشرح لي لها 4 شهور تقريبا

Answer 1

وعليكم السلام صحيح هي تمر على الشؤون الأمنيه للبحث عنك وعن خطيبتك انا معاملتي كانت في الرياض قدمت ومرت الشؤون الامنيه اخذت 11 يوم تقريبا بعدها صرت اتصل عالداخليه قالولي في البرقي السري اخذت حوالي اسبوع وراحت للحقوق الخاصه اسبوعين وحولوها للخارجيه بما انه زوجي غير مقيم
اخذت موافقتي كامله 3 شهور واسبوع او اسبوعين

Comments

يعني دحين ادق على الداخلية او اروح اراجع المحافظة انا وولي امر البنت وانا من مواليد المملكة 1992 حيرونا بالمعاملة

---

اللي بإسمه المعامله هو اللي يروح ولي الامر او البنت انا كانت بإسمي واذا بردو عليك وتاخذ نتيجه دق وهذا الرقم ممكن يفيدك 0118179965

وهذا رقم ثاني يردو من الصباح ل12 مساءً
8004399999

---

اختي العزيزة انا كمان خطيبي غير مقيم ممكن تفيديني بالاجراءات اللي صارت معاكي و فين حيتم العقد في السعودية او بلد الخاطب

---

رحت امارة الرياض وقدمت بإسمي مع ولي امري عشان يعطيني الاقرار من قسم الرجال
اول مره رحت اعطتني ورقه مكتوب عليها الطلبات لغير المقيم نفس الموجوده بموقع الداخليه بالضبط ممنوع ورقه ناقصه اهمها خلو السوابق ومصدقه من السفاره السعوديه من البلد اللي مكان اقامة خطيبك بس خلو السوابق اجباري من بلد الخاطب حتى لو فيها حرب مارح يمشوها الاماره لازم تجيبيها
وبس تروحي تسلمي الاوراق بتعطيكي ورقه لمستشفى حكومي تعمليها وتقولك المطلوب تحاليل لخطيبك يرسلك ياها للسعوديه وتكون مصدقه من وزارة الصحه عنده وبعد مايرسلك تحاليله وتطلع تحاليلك حطيهم سوا مع الاوراق الاولى واشتري ملف علاق بلاستيك اخضر وفهرسيهم من المكتبه اللي قدام الاماره هو يعرف وش يعني فهرسه ياخذ 50 ريال خلصي كل شي وادخلي الاماره وسلمي الملف بتعطيك رقم المتابعه وبتبصي على اوراق وتعبيها وبس بعدها اذا وافق امير الرياض على معروضك ومعاملتك بحولها لوزارة الداخليه انا اخذت 3شهور وكم يوم بعدها حولوها للخارجيه بإسبوع بما انه غير مقيم اجبروني احط في الاماره العقد بالسفاره مكان اقامة خطيبي وبعدها وصلت لسفارة السعوديه وسألت عنها برقم اللي اعطونياه الخارجيه صادر لهم وسافرت ومشيت الاجراءات بالسفاره وحولوني لمركز صحي حللنا انا وخطيبي سوا بفلوس وبس طلعت رجعنا للسفاره وحولونا للمحكمه والمحكمه طلبت موافقة الداخليه للبلد اللي انا رحت لها بعدها عقدو لنا المحكمه الحمدلله

---

السلام عليكم أختي،

أنا نفس وضعك كملنا الاوراق و كل شي وراحت الداخلية شهر والمفروض تطلع الخارجية لكن اليوم الداخلية قالولي رجعت للامارة موافقة لكن لتحديد المكان؟ هل صار معاكي نفس الشي؟ لانه هوا مقيم في الاردن و كل شي و كملنا كل الطلبات لكن ما طلبوا العنوان في البداية و لما كلمتهم اليوم قالتلي رجعت الامارة هيا على الاغلب موافقة بس محطوط تحديد مكان، فهل انتو حددتو المكان من الامارة و بعدين رسلوها عالخارجية على طول ولا ايش صار بااظبط؟ أرجوكي افيديني االه يسعدك