وصلت الموافقه بس الاجراءات الي بعدها - السفارة

Question

السلام عليكم ورحمة الله وبركاته


قدمت على الموافقه من الزواج من اجنبية غير مقيمه و الحمد لله وصلتني الموافقه و رحت وزارة الخارجية وقالو لي ارسلوها للسفارة في واشنطن

المشكله لي اسبوعين وانا اتصل على السفارة في واشنطن وبدون اي نتيجه وعندي كم استفسار اذا احد يقدر يجاوبها اكون شاكر له وممتن
1- وش المطلوب لانهاء الاجراءات في امريكا وكيف احصل فورم تحليل الزواج؟
2- كيف استخرج لها تاشيرة وهل اجيبها ب تاشيرة استقدام او تاشيرة زيارة عائلية مع العلم انها ساكنه بالسعودية ومعها تاشيرة زيارة بغرض العمل؟

شكرا لكم

Comments

السلام عليكم

معليش اخي ممكن تقول كم يوم جلست في الداخليه ؟

---

من بعد ما أرسلوها الإمارة جلس شهر بالضبط وراحت على الخارجية

---

ربي يكتب لك الي فيه خير

متى تسجلت في الداخليه ؟
انا اتسجلت في الداخليه شهر ٣ عشان كذا ابغى اشوف وضعي

Answer 1

١ - تاخذ رقم الصادر الي ارسلت فيه المعاملة من الخارجية إلى السفارة
٢- تأكد على الخارجية انهم يرسلو الصادر إلى الأحوال المدنية وإلى الجوازات عشان المراحل الي بعدها
٣- تروح لأي مستشفى معتمد من السفارة؛ بتلقاه على موقعهم أو اسأل المكاتب الي تسوي خدمات العمرة والحج بيعرفون؛ وهناك تقولهم انك تبغى تسوي تحاليل الزواج حقت السفارة السعودية، هما بيكونو مرسلينها ويعرفونها.
٤- تاخد التحاليل؛ والزوجة؛ وجوازها و صورتين شخصية وجوازك ورقم الصادر حق الموافقة "وأي أوراق ثانيه عندك لسا منها نسخة :) " وتروح للسفارة و ان شاء الله يعطونك موعد ويعقدولكم في السفارة ويعطوكم عقد زواج ..
٥ - لما ترجع السعودية تصدق العقد من الخارجية والعدل والأحوال المدنية عشان تحول اقامتها عليك وتسجلها في أبشر زوجتك ..

وسلامتك..

معانا أخذت اسبوعين على ما وصلت من الخارجية للسفارة، بس اتأكد ان السفارة مداومين هاليومين، وروحلهم أفضل لا تناظر يردون عليك.

Comments

الف شكر لك على ردك بس هل عطوكم فيزة زيارة عائلية أو أو فيزة زوج وكم جلست التحاليل لين خلصت وياليت إذا تعرفين عيادة فاهمه التحاليل بمنطقة دي سي تدليني عليه

Answer 2

اعطيني اميلك هنا وارسلك الطلبات الي جاتني من مكتب شؤن السعوديين في واشنطن.

وزي ماقالت الاخت مواطنه ١٠٠
اتصل ع الخارجيه الرياض وخد رقم الصادر واتصل على شؤون السعوددين عاد الله يعينك كسر التلفون ونفس الوقت ارسل ايميل للسفاره انهم مايردو عليك وحط موضوعك و يومين ويرجعو يردو عليك بالاميل.

لمن توصل السفاره باذن الله تاخدلها اسبوع ونص من تاريخ ارسالها من الخارجيه ، تطلع انت باذن الله وتعقد في السفاره وتجيب الطلبات وتوثق الزواج في السفاره .


والله يسهلك

Comments

Alalal666@hotmail.com

ياليت ترسليهم لي لان لي اكثر من أسبوعين اتصل وماحد يرد ولا حتى ع الإيميلات و سؤال هل العقد يكون بالسفارة أو في محكمة أمريكية ومسجد برا والسفارة تصدق عليه؟