Question

انا من مكة وخطيبي في الرياض واللحين انا جزهت اوراقي وخطيبي باقيله كم ورقتين بس السؤال هل هوا يقدم من عنده ف شرطة الرياض وانا ف شرطة مكة ولا لازم يكون التقديم ف مكة يعني يجي مكة ؟؟؟

Answer 1

يقدم الطرف السعودي بالمدينه المتواجد فيها
وبعد استكمال الطلبات لطرف السعودي تتحول المعامله لمكتب الزواج للمدينه الذي يقيم فيها الطرف الاجنبي ويكمل باقي الاجراءات

Comments

يعني اقدم متطلباتي بس وبعدها تتحول لمدينته وهوا يكمل متطلباته هناك ؟؟؟ لانه يبغو الاصل والصورة من المتطلبات حقتنا ؟!وفي فحص لسى مااتعمل ؟!

---

نعم قدمي في مكة وتستكمل جميع الطلبات حقك وبعدها تروح لمان اقامة الخاطب ويسوي الفحوصات وهذا الاشياء عن طريق مكتب الزواج المتواجد بمكان اقامته وتستكمل الاجراءات هناك وتروح ع الداخليه

---

طيب اللحين احنا مكتوب عندنا طلبات للخاطب والمخطوبة وعندنا اوراقه وهوا قال بيجي مكة عشان يجيب اورقه عادي ولا لازم يرجع ؟؟؟؟

---

الطرف السعودي يوفر المطلبات الذي عليه وقت ما تسلموا طلبات الطرف السعودي وقتها الموظفه تسالك وين اقامة الخاطب وتسحلها بالملف بعد الاستكمال لطلبات الطرف السعودي تتحول المعامله لطرف الاجنبي لو جا مكة واتضح بالاخير انه من سكان الرياض راح تنعاد جميع الاجراءات هذا عن تجربة لصاحبي
ان شاء الله وصلت المعلومة

---

شكررررررا لك وجزاك الله خير

Answer 2

قدمي عن طريق النت افضل لان بعد مسافه

Answer 3

الطرف السعودي حيقدم على الموافقة من المدينة الي عايش فيها و لما يقدر الاوراق في الشرطة راح تتحول على مدينة الطرف الاجنبي عشان يكمل الاوراق

Comments

طيب مانقدر نقدم اوراقه بالمرة وبعدين هما يحولوها اذا في اوراق تانية لانه عندنا الاوراق حقته ؟؟؟؟ ولا الافضل يرجع ب اوراقه ؟!

---

لما تقدمي الاوراق خذي اوراقه معاكي واسألي احسن احتياط يعني

Answer 4

أنا في جدة و زوجي في مكة ... قدمت من موقع المحافظة و بعدين رحت الشرطة و قدمت الاوراق ... اخذو اوراقي و اعطوني الطلبات اللي اكملها .. و قالو حتترسل مكة عشان الخاطب يكمل اوراقه من مدينته ..
و بعد ما راحت مكة و كمل اوراقه ... رجعت شرطة جدة و حولوها عالامارة في كم يوم