مساعد وكيل الوزارة الداخليه

Question

السلام عليكم اخواني ارجو المساعده
انا معاملتي تصحيح وضع زواج بوزارة الداخليه ارسلوا لي مسج عالجوال عزيزي العميل صدرت معاملتكم بالاتصالات الاداريه والوالد اليوم راجعهم اخذ تذكرة مراجعه مكتوب عليهاصدرت لوكيل وزارة الداخليه هل كذا صدرت الموافقة ام لا؟
المعامله لوالدي وامي لتصحيح وضعنا انا واختي

Answer 1

المعامله كدة لسا تحت الاجراء وان شاء الله اموركم طيبة

Comments

أشكرك اخوي بس شلون بحصل رقم القيد الجديد القديم مغلق واللي بتذكرة المراجعه رقم الصادر فقط هل اكلم الوزاره واعطيهم الصادر بيعطوني القيد الجديد وباي الاوقات يصلح اني اكلمهم لأني بالخارج؟

---

نعم كلميهم بوقت الدوام الرسمي من الاحد للخميس ومن 8 صباحا لحتى 4مسا
ويعطيك رقم قيدها الجديد وان شاء الله تتيسر اموركم

---

اشكرك اخوي الله يجزاك الجنه ماقصرت وإنشاء الله ربنا ييسر لنا وويسر للجميع

Answer 2

سير المعاملة بالسليم
ان شاء الله بعدها بتحول لسكرتارية لجنة الزواج للاطلاع عليها او الحقوق الخاصة اذا ما راحت لهم من قبل وبعدها باذن الله الموافقة اذا تم اكمال كل الاجراءات المطلوبة منكم.
الله يوفقكم يارب.

Comments

السلآم عليكم ورحمة الله وبركاته نعم اخوي هي كانت بالحقوق الخاصه وصدرت للاتصالات الاداريه ثم صدرت للاحوال والحين ماعرف عنها شي كلمتهم يقولون ماوصلت لنا للحين والله يجيب الخير للجميع

Answer 3

اهم شي لاتتحول للاحوال المدنيه ..! والباقي سهالات

بس باين بتتحولهم

Comments

السلام عليكم ورحمة الله وبركاته ليه ماتروح للاحوال هي صدرت للاحوال؟؟

---

بسبب الداخل مفقود والطالع مولود في وكالة الاحوال

المهم الاحوال بيطلعون على الاجرائات ويردون للداخليه

سؤال ؟ الاحوال قدرت تراجعهم برقم معامله او قالولك مافي شي؟

---

لاحول ولا قوه الا بالله نعم كلمتهم اليوم حتى احصل رقم القيد الجديد لانه القديم مغلق طلبوا رقم الصادر قالوا للحين ماجانا شي

---

عادي هذي الاحوال ياسيدي .. المهم انت مالكم علاقه بسكرتارية الزواج الله يهديهم بعضهم يفتي وهو مايعرف ..

انتو بين وكيل الوزاره وبين الاحوال .. الخين اوراقكم كلهااا بالنسخ الاصليه ارسلت للاحوال ... تبي تتاكد كلم الداخلية
وقولهم مرفق معاملتي كم صفحه عادي يقولك ... اذا اترسلت كامله معناتو انسا الداخليه وركز في الاحوال ..

الاحوال المدنيه عندك حلين لاثالث لهم ياتضيع معامله ... او ينسخو كل صوره منهه ويرجعون الملف الاصلي للداخلية

ضاعت المعامله حالك من حال الناس وقتها بعطيك ايميل مكتب الوكيل حقهم ترسله ...

نسخو معامله ورجعت للداخليه قدامك حلين ... يايكتبو انو اوراق سليمه ووقتها الداخلية تعطيك موافقه ..

او يقولو عندو نقص وقتها معاملتك الاصل بالداخلية والمراجعات في الاحوال ..

نجي للاحوال مره ثانيه .. اذا انت مو في الرياض معاملتك بتصدر لمنطقتك .. وقتها ترتاح .. والنقص في الاوراق

بتكملو .. وترجع للاماره اللي ترجعها للداخلية ... الطريق طوووويل اكن بالصبر يعدي

---

الله يعطيك العافيه اخوي ماقصرت بيض الله وجهك لكن المعامله لها4سنوات من جهه إلى جهه مره نقص بالأوراق ومره ومدري وشو والحين اكتملت جميع الأوراق الحمدلله والنواقص حتى يتصحح زواج امي وابوي ونقدر ندخل انا واختي ويتصحح وضعنا ونتمنى انهم ينظرون بامرنا ومايطلع لنا شي لانه كل مره يطلع شي سؤالي ليه ماماصدرت بعد الاتصالات الاداريه للمحكمه ليه تحولت للأحوال هل حتى يتم اضافتنا بكرت العائله او الاحوال تحولها لوزارة الخارجيه حتى نحصل على تذاكر مرور من السفاره هنا

---

اول شي وش دخل المحكمه ؟؟ اذا زواج ابوك وامك معترف فيه بالدوله اللي تزوجو فيها .. مالو دخل المحكمه ..
يرسلون موافقه للخارجيه اللي ترسلها للسفاره اللي تناديهم وتشوف العقد وتقدم رقم موافقه على العقد نفسه .. هنا
اقولك مبروك ... تجي امك وانت واختك بورقة عبور عليها سيفين ونخله ....
تدخل المطار يصورونها ويكتبون عليها رقم .. هالرقم هو رقمك الوطني انت واختك واقامة امك ...
بعدها يروح الوالد يفتح ملف استقدام وبعدين للجوازات وبعدين للاحوال ... انا ليش عورت اصابعي عشان
اقولك مافي محكمه .. لكن هل زواجهم معترف فيه ببلدهم ومختوووم من خارجية بلدهم ؟؟

نجي لسؤالك ليش تحولت للاحوال .. وارجع واقولك .. ياانو يقولون لهم ضيفوهم الاولاد بس ..
بعدين يتسنا لنا النظر في طلبه ... او انهم الاحوال يرجعون الملف لهم ويقولون جارى استكمال الاضافه
وهنا الداخليه في نفس الوقت بتصدرها للخارجيه

الحين نجي للمفيد .. معاملتكم احوال الرياض .. احوال الوالد اي منطقه ؟؟؟
لازم لازم تصيد معاملتك بالاحوال ... تحت الاجراء بيقولك خذ رقم القيد معامله ياصاحبي ..
اهم شي انت عندك صادر الداخليه .. المهم علمنا وش صار معك ؟؟

---

الله يعطيك العافيه اخوي ويجزاك الجنه نعم زواجهم هنا مصدق بالمحكمة الشرعيه والداخليه والخارجيه الوالد صدق العقد هنا وشهادة ميلادي انا واختي مصدقه من السفاره والوالد ارفقها بالملف حق المعامله والوالد ماشي بالإجراءات رقم قيد المعامله بوزارة الداخليه 453755 ادخل على الرقم يعطي حالة القيد مغلق وارسلو للوالد رساله من فتره تقريبا اخي المراجع صدرت معاملتكم برقم 11078 تاريخ 15/1/1440تم تحويلها للإتصالات الاداريه وزارة الداخليه كل ما الوالد يراجعهم يقولون تعال بعد أسبوع ومدري وش وضع المعامله انا واختي جالسين على اعصابنا ونصبر نفسنا بالدعاء والله يجيب الخير خوفي بس انهم مايعترفون فينا لانه الوالد متزوج دون امر

---

لا ماعليك ... لاحظ كلامي ( كل اللي عندهم شهادات ميلاد لاولادهم مصادق عليها من خارجية البلد الاجنبي يتم منحهم الجنسيه وورقة العبور ) ولاحظ ( كل اللي متزوجين بعقد زواج رسمي مصادق عليه من البلد وكملو سبع سنين ومايكون من الوظايف الممنوعه .. يتم منحهم موافقه )  انت معاملتك اللي عطيتني رقمها اي سنه مقدمينها ؟ لان فعلا لقيتها مغلقه وبس لاعليها لاصادر لاشي
وبالحاله هذي معناتو معامله تم رفضها !!  لكن تطمنت من شفت عندك رقم صادر لكنك لخمتني ... الحين معاملتكم صدرت للاحوال او كانت بالداخليه وصدرت وللان ماتدري وين ؟؟

---

الله يعطيك العافيه معاملتنا لها 4سنوات لانه كان في نواقص بالأوراق هذا اول شي وغير كذا الوالد متزوج سعوديه وطلبوا منه تقارير لزوجته واضافها بالملف وبرنت عنه من الاحوال بعد وارواق كثيره واحضرها لهم كامله ومن 6شهور تقريبا اكتملت جميع الأوراق وكانت بالاماره وحولها للداخليه وأخر تذكرة مراجعه أخذها الوالد مكتوب فيها جهةرقم الصادر 1078 جهة الاعداد إدارة الحقوق الخاصه تاريخ الصادر 15/1/1440جهة الصادر وكيل الوزارة المساعد للأحوال المدنيه ؟؟؟ وبالنسبه للورقة العبور لايتم أعطانا إياها الا بأمر دخول المملكه لانا فوق سن18سنه هذا كلام السفاره هنا وبالنسبه للوالد نعم يعمل عسكري وبس ادخل عالموقع بالقيد الجديد يعطي مغلق تحولت لإدارة شؤون الباديه وموفاهمه شي لكن اطلب من الله يحل أمورنا