رفض فيزا الشنغن لزوج المواطنة

Question

بعد ازنكم انا دوجي اترفض فيزته الشنغن مع العلم قد سافرنا قبل سنتين وهوا قدم انو تجديد فقط
وكاتبين السبب انه ممكن يروح ومايرجع مع انه قدم جوازي معاه وهويتي

ايش ممكن يكون السبب؟
المبلغ في البنك كان ٢٠ الف هل ممكن يكون السبب؟؟
جنسيته يمني

Answer 1

ممكن تقدمو طعن او اعتراض على قرار الرفض، مكاتب الفيز يقولكم الطريقه. اتوقع السبب مو كشف الحساب، بعض الجنسيات عليها ملاحظات او تحذيرات وكون المتقدمه زوج مواطنه فهو يسهل اموره داخل السعوديه فقط، لكن خارج السعوديه ودول الخليج، وخصوصا اوروبا وامريكا مره ما يعترفو بيها. الله يكون في عونكم حاولو تحصلو على شنغن من دوله اوروبيه تانيه.

Answer 2

ممكن تقولي لنا لأي دولة قدمتوا؟

Comments

قدمنا على شنغن ورحنا فرنسا وسويسرا دا في شهر العسل
والشهر الجاي على اساس نروح فرنسا وهولندا بس اترفضت

ولازم تقدمي على سفارة البلد اللي حتجلسي في اكتر

---

السفارة تنظر لمدى استقراره في السعودية ماديا وعائليا, كون الزواج جديد والرصيد البنكي ضعيف هو السبب في رفع شكوكهم باحتمال عدم عودته, وجود عقد عمل ضروري كثير من الحالات مثلك حصلت.

Answer 3

سبب الرفض من اللي جهز الاوراق والابلكيشن او الحجوزات وهمية .. لان السفارة الفرنسية تمنحك التاشيرة بناء على نقاط وربما عدم تاكيد دفع فلوس تذاكر الطيران والفنادق عملكم عائق .. ونصيحة خلي تقديمكم عبر شركة ريكسون ٣٠ سنة في السفارات وعارفين كل نقطه وكل سفاره .. وقدموا الان للفرنسية مرة ثانية وبيعطوكم وصارت مع صديقي اترفض وما استأنف دفعلهم واكد الحجوزات وسافروا.. واذا رحتوا فرنسا اطلعوا شامونيه لا تفوتكم ولو تقدموا عالالمانية حلوه وسهله والتشيك واليونان وايطاليا مررره سهاله

Comments

معليش اخوي كيف ممكن نتواصل مع شركة ريكسون لان ودنا نتواصل معهم عشان التقديم

---

روح لشركة ريكسون بمركز المأمون البلازا الدور الارضي  طريق المدينة بعد ما تتعدى حراء عاليمين وانت متجه عالمطار.. ممتازين جدا وفاهمين شغلهم صح .. وابعد عن الهنود والمكاتب اللي بطريق المدينة تعبئتهم وحجوزاتهم غير دقيقة

---

غير صحيح اللي يقول انتظر ٦ شهور هذا كان نظام قديم واتلغى ايام الختم عالجواز بالرفض .. الان فيك تقدم مرة وثاني وثالث ورابع عادي طالما بتدفع

---

مشكور اخوي ....كم رسومهم تقريبا عل الجواز وهل تشوف انهم فاهمين مزبوط لان احيانا تترفض بسبب المكاتب اللي تقدم لك غلط

---

المشكلة لو جاك رفض في الغااب حتى لو قدمت ثاني بتترفض حتى لو ماانتظرت فترة ......يعني بس خساير فلوس ....عشان كدا الواحد يحرص انه يكون دقيق اثناء النقديم

---

صدقني بيعطوك بس انت رتب ملفك وجهزه عند ناس خبره وبتتيسر امورك

---

شركة ريكسون خبراء اصدار تاشيرات ويظبطوا ملفك كامل بس تروح تبصم وبالنسبة للجواز الواحد مع الرسوم حسب الشنغن تقريبا ٨٠٠ او ٧٠٠  وامريكا ٨٠٠ بس يستاهلوا ..

Answer 4

ماينفع تقدموا ثاني لانه راح تجي رفض
لازم ينتظر شوي
الجنسية مو مشكلة مرة لان الرفض بيجي ممكن لاي جنسية خصوصا للمقيمين في السعودية
لازم اللي قدم الطلب يكون مكمل اوراقه كويس واهم شي كشف الحساب يكون كويس ويكون فيه راتب شهري ينزل عليه بانتظام
لازم ماتستهينوا في الامور دي وتتحروا الدقة مع الشخص اللي راح يقدم لكم المعاملة
وخير يارب
حاولوا مرة ثانية بعد ٦ اشهر