ارجو المساعده بخصوص مشهد السكن

Question

السلام عليكم..لو سمحتم بالنسبه لمشهد السكن المطلوب ضمن خطوات التقدم للزواج من مواطنه..هل اروح للعمده مباشره او اخد الخطاب من الشرطه قسم الزواج واوديه بعدها للعمده؟؟  ارجو الافاده اخواني
وماهو المطلوب مني احضاره حتى استلم المشهد

Answer 1

اخي الفاضل مايحتاج الى خطاب من الشرطه كل الذي عليك الذهاب لعمدة الحي الذي تسكن فية بموجب فاتورة الكهرباء او احد المعرفين بنفس الحارة العمدة يسوي لك تعريف بالسكن والامر سهل جدا

Comments

يعطيك العافيه اخوي  بس العمده طلب عقد ايجار

Answer 2

خذ الخطاب من قسم الزواج  وقدمه لمركز شرطة الحي اللي ساكن فيه هناك بتلاقي العمدة له غرفة خاصة بالقسم.
تختمها من العمدة وتروح تصدقها عند مدير المركز.
بالتوفيق.

Comments

بس اخوي  اكثر من واحد يقول مايحتاج تجيب خطاب من الشرطه .تروح للعمده عطول

Answer 3

من عمدة الحي اللي انت ساكن فيه روح عنده وقله ابي ورقة تعريف ليا اني من سكان الحي بقدمها لشرطة العاصمه على اساس بتزوج سعوديه .. ما يحتاج لا خطاب ولا أي شي .. ربي ييسرلك امورك يا رب

Comments

امين يارب وياك .العمده طلب عقد ايجار مختوم من مكتب عقار   وانا ساكن بدون عقد
مدري كيف اجيبه

Answer 4

روح أقرب عمدة للحي الا انت ساكن فيه وقله ابغا ورقة تعريف للسكن
راح يطلب منك فاتورة كهرباء وعقد الإيجار ويعطيك التعريف بنفس الوقت.
دوام العمد في المكتب من بعد صلاة المغرب  مباشرة الين أذان العشاء.
حاول تروح له بدري.
وإذا ما قدرت تطلع التعريف كلمني اخدمك فيها.
لاتنسانا من دعواتك في ظهر الغيب
الله يسهل الأمور لنا ولكم يارب

Comments

يعطيك العافيه اخوي. بروح للعمده ان شاء الله .الله يجزاك خير يارب بحق هاليوم الفضيل وييسر لك امرك

بس انا ساكن بمكه بدون عقد ايجار  كيف اسويه

---

الله يعافيك يارب
انت روح ومعاك فاتورة الكهرباء
واطلب منه التعريف راح يعطيك على طول
لأنه راح يكتب في التعريف بخط يده أن تم التعريف بموجب فاتورة الكهرباء.
لا تشيل هم الموضوع جدا سهل

---

بإذن الله الاحد اروح والله يسهلها. يعطيك العافيه اخوي

---

الأحد اليوم الوطني
الاثنين وانت طيب

Answer 5

الله يسعدك مشهد السكن تاخذه جاهز من شرطة الزواج وتعبي البيانات فيه وتروح للعمدة تختمه وتصدق عليه من قسم الشرطة اللي فيه العمدة.
واذا انت ساكن تبع شركة قوله السكن تبع الشركة ايجار فقط .
هذا طبعا عن تجربتي قبل كم شهر.
بالتوفيق.

Comments

يعطيك العافيه وماقصرت اخوي