افيدوني الله يسعدكم

Question

شيكت اليوم على معاملتي بالموقع جاني حفظ دائم
قسم الارشيف/الحقوق الخاصه
ايش معنى دا الكلام
انا و خطيبي مستوفين كل الشروط مافي و لا شررط ناقص !!

Comments

لو سمحتي ممكن تقوليلي كم جلست فالشؤون الامنية ؟

Answer 1

فين كانت قبل ؟؟؟
ل فين وصلت معاملتك ؟
و مين الطرف الاجنبي وشو الجنسية

Comments

كانت بالشوؤن الامنيه بعدين صدرت للبرقي السري الطرف الاجنبي خطيبي فلسطيني من ام سعوديه

Answer 2

طيب اختي اتصلي فيهم شوفي السبب او روحي انتي بنفسك اذا فيكي

Comments

والله ي لانا اتصل مافي اي رد او تجاوب احنا بس نبغى نعررف سبب الحفظ لانو عمري 26 حاليا و وقت التقديم كان 25 و خطيبي32 فلسطيني من ام سعوديه  و ما عليه اي سوابق و التحاليل سليمه من الطرفين و لله الحمد و راتب خطيبي كويس فوق المطلوب !  انا اؤمن بالقضاء و القدر و النصيب و الحمدلله على كل حال بس لابد انو يذكرو سبب للحفظ مو كدا .. ع العموم اليوم اخويا طالع مكه يقدمها هناك و بنجرب حظنا و الله يكتبها لنا و يتمم بالخير

---

الله يعينك يارب ويفرجها عليكي ليش اول مره من وين قدمتي
بس بدي أسألك هما عطوكي رقم جديد لما طلعت من الشؤون
وحاله القيد كانت مغلق ولا تحت الإجراء

---

امين حبيبتي و ربي يسهلك امورك و تفرحي قريب .. انا من جده و قدمت بجده و ادوني رقم قيد جديد مكون من سته ارقام و دخلت و شفت بنفسي حاله القيد كانت حفظ دائم

---

الله يعينك و ييسرها عليكي ..
انتي اخدتي رقم قيد جديد و فحصتي فيه ع موقع الداخلية ؟؟؟
لما كنتي تفتحي رقم القيد الاول وهيا بالشؤون كان مكتوب مغلق ولا تحت الاجراء ؟؟

---

الحمدلله طلعت بالمحكمه من شهر يب برقم القيد طلعت حفظ

---

حبيبتي رقم القيد الجديد ما ينفع للفحص من خلال موقع الداخلية ! هو فقط رقم داخلي ، لهيك طلعلك حفظ ، اصلا بتكون المعاملة مو الك اللي ظهرتلك

عموما ألف ألف مبارككككك فرحتلك من قلبي

---

ان شاء الله الف مبروك  تستاهلي كل خير الحندلله انك طمنتينا
بس كم طولت بالسري بتعرفي ولا لا

وكيف اخدتي الرقم يلي مكون من 6 ارقام

---

ممكن تعطينا رقمك نتواصل معك واتس اذا في مجال

---

اخدت الرقم من قسم النساء بالداخليه بالنسبه لرقم قسم النساء 0118178185 اديهم السجل المدني للطرف السعودي و يعطوكي رقم القيد الجديد
اما بالنسبه لرقم الداخليه 0114011111

---

والله ساره ماعندي خبره عميقه بدا الموضوع بس الحمدلله كنت وراهم و عرفت الموضوع

---

ولو عذبتك بالاسئله بس كانت معاملتي بالشؤون بعد الشؤون الحقوق وراحت سريه كم ضلت سريه لحت اعطوكي الرقم
وماتحولت عالاماره بعدين للمحكمه

---

لا عادي حبيبتي نفيد و نستفيد..:) بالنسبه لمعاملتي بس راحت الشؤون الامنيه ما راحت لاي مكتب تاني من الداخليه لانو خطيبي فلسطيني من ام سعوديه و مولود بالمملكه و تقريباً لنا شهر ندور عليها و ما حصلناها لانو اتغير اسم المعامله لانو قدمتها باسم اخويا و لمن راحت الداخليه سارت باسمي و ما كان عندنا خلفيه بالموضوع لا تشغلي بالك عليك بالاستغفار و الدعاء و الصدقه و ربي يفرجها عليك و تيجي تفرحينا بالموقع بحول الله ...:)

---

ان شاء الله الله يسعدك ويوفقك

---

امين ي رب .. و طمنيني ايش يسير معاك الله يفررح قلبك قريب :)