نقل الكفالة على الزوجة يتاخر اكثر من شهر ؟

Question

السلام عليكم

اخواني الغاليين . انا من جدة وقدمت معاملة نقل كفالة على زوجتي والاوراق تختمت من قسم النساء وسلمتها لموظف الجوازات وقالي راجعنا بعد شهر . عدت ٣ اسابيع والى الان ماصار شي . أشيك في ابشر مازلت ع كفالة الشركة والمهنة ماتغيرت والمبلغ ماتسحب.

مع العلم انا في النقلة الثالثة وحطيت رسوم ٧٠٠٠ في رصيد الجوازات .

ممكن تفيدوني اذا في اجراءات مختلفة ؟

جزاكم الله خير

Comments

وعليكم السلام

تصدق اني كنت ابغ انزل موضوع النقل الكفالة كويس انت نزلت

حتى انا مقدم اوراقي في جوازات مكة قسم الشؤون الامنية
الى الان لي 3 اسابيع ما اتغيرت المهنة
بكرة ان شاءالله براجعهم اشوف ايش صار

---

الله يسهلها يارب علينا وع جميع المسلمين . اذا صارلك جديد اعطينا الابديت .

---

وبالنسبه لسداد أنصح انك تسدد من حسابك الخاص عشان لو في إرجاع للباقي يرجع في حسابك لأنهم أحيان يأخذوا 2000 مهما كان عددالنقلات وبالتوفيق للجميع

---

ماشاء الله عليكم احسكم فاهمين النظام كويس .. انا ما عرفت من وين ابدا يارب رحمتك !!
هذا ونا لياتني خاطب فقط

Answer 1

وعليكم السلام ورحمة الله اخوي ترا الوضع عادي احيانا تاخد شهر وأحيانا أكثر من شهر انتظر كمان شويات بس حاول تشيك باستمرار في ابشر تبعك.. بالتوفيق

Comments

ان شاء الله بروح اراجعهم بعد اسبوع وان شاء الله تكون تنقلت وتمت .

Answer 2

صار لي نفس اللي صار معاك وما ساعدني بعد الله الا هذا الايميل
992@gdp.gov.sa
البريد الالكتروني للمديرية العامة للجوازات راسلتهم وطلبو مني بعض المعلومات وفرتها لهم وخلال 3 او 4 ايام بلغوني بمراجعة الجوازات
لطباعة البطاقة
والحمدلله رب العالمين

Comments

انا رحت اليوم الجوازات لسى ما تغيرت

قال روح الصادر شيك
رحت اشيك قال لسة كتبلي في ورقة رقم الصادر

ونا من اول كنت مراسل ايميل الجوازات طلبو مني رقم الصادر
اخذت رقم الصادر ورجعت ارسلت الايميل عالجوازات

انت سويت نفس اللي انا سويته ولا كيف

انا اول ارسلت لهم صور كل الاوراق المقدمة في الجوازات
فقط طلبو رقم الصادر

ياريت تقلي ايش طلبو منك الاشياء

ايوا شي اخر انا ما كنت مسدد الرسوم
الموظف سألتو قال سدد لا يرجعو المعاملة
سددت 6000 منتظر رد الجوازات عالايميل

---

انا راجعت الجوازات بعد 3 اسابيع تقريبا وسائلتهم اذا تم نقل الكفالة على الزوجة ام لا قالو لم تنتهي بعد
بعدها دخلت موقع الجوازات فوجدت الايميل الذي ذكرته لك سابقا
تواصلت معهم ثاني يوم ردو وطلبو رقم المعامله وتاريخها  ارستلها ارسلت لهم المعلومات المطلوبة
بعدها تقريبا بـ 3 او 4 ايام تم نقل الكفالة وبلغوني بواسطة البريد الالكتروني بمراجعة الجوازات لطباعة الهوية
اذا ماخاب ضني يمكن استغرقت 3 ايام وذلك كان بسبب اجازة نهاية الاسبوع يعني ممكن الشغله تاخذ يومين لا اكثر بواسطة الايميل

---

شكرا راسلتهم وطلبو مني رقم الصادر . حروح اخذ رقم الصادر من الموظف

---

فين الصادر وكيف شيكت برقم الهوية ؟

---

اخذت رقم الصارد من قسم الصادر في الجوازات
في قسم خاص للصادر تعطيه اسمك بالكامل يعطيك الرقم ويقلك فين المعاملة بالزبط

انا اخذت الرقم وارسلته لايميل الجوازات

الحمدلله اليوم خلصت كل اموري خلاص

سويت استرداد باقي المبلغ منتظر يرجع

---

اخذت رقم الصادر وارسلته بالايميل خلال 24 ساعه تم تغير المهنه والف شكر لك

Answer 3

السلام عليكم  اخواني اللي عنده معامله زي كذا يتصل على إدارة الجوازات في الرياض ع الرقم 0114771100تحويله3433ويعطيهم رقم الصدر وفي دقايق بأذن الله يراجع ابشر يلاقيها  انتهت هذا عن تجربه

Comments

حاول الاتصال محد يرد

---

عليكم السلام

انا من قدمت المعاملة اخذها وقالي راجعنا بعد شهر وماعطاني رقم صادر .

Answer 4

لا تجلس تنتظر . راجع الموظف الى قدمت عنده معاملتك وخليه يكلمهم لان اوقات يضيعوا اوراق المعامله

Comments

بروح اشيك واسالهم يعطوني رقم الصادر لانه مافي طريقه ابحث الا كذه

Answer 5

بالتوفيق ان شاء الله

Answer 6

الحمدلله اليوم اتغيرت مهنتي الى زوج مواطنة
طبعا بعد مراسلة ايميل الجوازات

بكرة ان شاء الله اطلع الجوازات اخلص باقي الاجراءات واستلم البطاقة الجديدة ان شاء الله

Answer 7

السلام عليكم

ابشرك انا خلاص اتنقلت كفالتي على زوجتي و جددت الاقامة

الحمدالله سحبو 2000 ريال نقل كفالة فقط

500 ريال سنة واحدة جددت الاقامة

بس مادري ليش مو راضي يسوي استرداد باقي المبلغ

Comments

ماشاءالله الف مبروك يارب ييسرلك امورك وتكون فاتحة عليكم .
انا اليوم شيكت الموظف قالي ماصار عليها شي واعطاني رقم الارسالية .
ممكن تقولي ايش المعلومات الي ارسلتها بالايميل ؟ وفين جهة الاحالة للمعاملة .

---

الله يبارك فيك
اللهم امين
ارسلت لهم
الإسم
رقم الاقامة
رقم الصادر
تاريخ الصادر
من اي جهة صدرت - اي بمعنى من اي جوازات قدمت المعاملة
وبس

---

معلومات الصادر والتاريخ اعطاك ياها الموظف نفسه الي استلم المعاملة او قسم ثاني ؟

---

تروح في الجوازات في قسم الصادر تعطيه اسمك بالكامل يعطيك رقم الصادر وتاريخه
ويقلك بالزبط المعاملة فين

---

اذا انت من جدة اي فرع قدمت وفين مكتب الصادر بالظبط . انا موظف الشباك اعطاني رقم الارسالية يقول.

---

انا معاملتي كانت في جوازات مكة

Answer 8

ابشركم الحمدالله خلصت كل اموري

كنت مسدد 6000 ريال

سحبو فقط 2000
جددت سنة واحدة اكثر من كذا ما طلع 500 ريال

باقي المبلغ رجع في حسابي

طبعت البطاقة الجديدة

خلاص الحمدالله

Comments

مبروك عليك والحمدلله خلصت امورك . انا لسة منتظر رد الجوازات على الايميل

---

الله يبارك فيك

لا تنتظر ايميل الجوازات
كل يوم شيك على ابشر حقك صباح وظهر
اذا لقيت المهنة اتغيرت
على طول ادخل ابشر زوجتك شيك تحصل كفالتك كمان اتنقلت
و روح الجوازات اطبع البطاقة عند نفس الموظف اللي قدمت عندو المعاملة

---

الحمدلله شيكت ابشر لقيت المهنة تغيرت زوج مواطنة والكفيل تغير لزوجتي .
دحين اروح اطبعها مباشرة ولا في اوراق تتقدم ؟

---

مبرووووك خلاص اعتقد معك اصل ورقة النقل الكفالة صح
راح ياخذوها منك مع اصل الاقامة ويطبعولك الاقامة الجديدة خلاص
تروح عند نفس الموظف
كم سحبو منك 2000 ولا كم ؟

لاتنسى تروح عند نفس الموظف اللي قدمت عندو المعاملة او موظف اخر مكانو يعني نفس المكتب

---

الله يبارك فيك يالغالي ويوفقك .

اذا قصدك ورقة التنازل من الكفيل السابق ايوا موجودة الاصل .
الطباعة تكون بنفس الوقت ؟

سحبو ٢٠٠٠ ريال بس اللهم لك الحمد .
ان شاء الله بكرة بروح عشان اطبع الجديدة .

---

الحمدلله طبعت الاقامة الجديدة وجددتها سنتين واسترجعت المبلغ .
فعلا الايميل الي فادني ولا ماكان صار شي ع الموضوع .
الله يعطيكم العافيه وجزاكم الله خير على كل فايدة تقدموها للناس في هذا الموقع .