الحمد لله صدرت الموافقة

Question

السلام عليكم ورحمة الله وبركاته
ابشركم ياخوان الحمد لله صدرت الموافقة
والمعاملة راحت عالشرطة بسبب انه الخاطب اجنبي مقيم في قطر ..فقالوا لنا انه العقد لازم يتم في اي بلد اخر ماعدا قطر بحكم انقطاع العلاقات .. فلله الحمد والشكر كما يحب ربنا ويرضى ..عقبالكم جميعا يارب الله يوفقكم ويسهل امركم وشكرا جزيلا لكل من دعى لي جزاكم الله خيرا.

Comments

الف مبروك اخت سهام الله يتمم لكم على خير ....بس عند استفسار كم عمرك وعمر خطيبك وايش جنسيه الخاطب

---

حابه استفسر كم المده للمعامله في الشرطه لانو لنا 45 يوم و ما ردو علينا ع العلم مستوفين الشروط كامله !!
السؤال التاني كم مده صدور الموافقه
و اسفه ع الاطاله و اتمنى الافاده و شكرا

---

بالنسبة للشرطة ماتتاخر ...والموافقة جلست بالداخلية اربع شهور

---

هل راح تعيشي معاه في قطر؟ كيف نتواصل خاص؟

---

الف الف مبروك ربي يسعدك
انا لي 3سنوات  معاملتي لسى ما خلصت  والآن تحولت ع المحكمه الجزائيه! !؟هل  هدا المرحله  تطول او فتره بسيطه يعني مافهمت أحد يفهمني   الخاطب يمني وانا سعوديه.

Answer 1

الف الف الف مبروووووووووووووووك اختي سهام

بالله علميني ويش الإدارات اللي مريتي بها بالتفصيل

Comments

انتظر ردك اختي سهام
لا تنسينا بعد صدور الموافقه ههههههههههههه

Answer 2

الف الف الف مبروووووووووووووووك اختي سهام

بالله علميني ويش الإدارات اللي مريتي بها بالتفصيل من بداية التقديم

Answer 3

معاملتك أرسلت من الداخلية للخارجيه ولا كيف
اشرحي لنا تجربتك اختي سهام

Answer 4

الله يبارك فيك اخي وشكرا لك

اول شي رحنا الشرطة اعطونا الطلبات اللي هي ورقة موقعة  من العمدة وسوينا التحليل هو سواه في قطر  وصادقو في السفارة السعودية في قطر وارسلوا وورقة عدم سوابق جنائية بعدين الشرطة ارسلتها للامارة والاماة طبعا كانت ترجع المعاملة كل مرة للشرطة يقولولنا فيه اوراق ناقصة ...اخر شي بعد ماكملنا الاوراق كلها صدرت المعاملة الى الامارة جللست 4 ايام وراحت عالداخلية يوم 11رمضان قسم سكرتارية الزواج قعدت اربع شهور وخمس ايام بعدين صدرت عالاتصالات الادارية جلست يوم واحد ورجعوها عالامارة والامارة رجعتها للشرطة جات الحمد لله بالموافقة بشرط يكون عقد القران في السعودية او بلد الخاطب .

Answer 5

لا لم ترسل للخارجية لان المفروض  الخارجية حترسلها للسفارة السعودية في قطر ..لكن بسبب انقطاع العلاقات مارحت رجعوها عالامارة

Comments

الف الف الف الف الف مبروووووك الله يبارك لكم ويبارك عليكم والله يتمم لكم على خير ان شاء الله وبالتوفيق اختي سهام

---

امين يارب ..جزاك الله خير وعقبالك يارب ولجميع الاخوان والاخوات.

Answer 6

الف مبروك سهام الله يسعدكم


حبيت اسالك
انا معاملتي كانت في امارة الرياض
واتحولت للداخليه سكرتارية الزواج لمدة ٤ شهور
وصدرت بعدها للاماره مره ثانيه وبعد اسبوع رجعوها للداخليه ولها الان اسبوعين

عندك خلفيه ليش صار كذا بالمعامله؟

Comments

الله يبارك فيك حبيبتي نايا ..
مدام رجعت للداخلية مرة ثانية ان شاء الله تصدر الموافقةيمكن كان فيه شي ناقص بس اكثري من الدعاااااء والاستغفار والله انه سبب عظيم في تسهيل الامور ..الله يسهلك امرك.

---

امين يارب واياك ..لا ان شاء الله ماتتاخر ..التحاليل حتى انا حعيدها الله المستعان بس مو مشكلة كله يهون اهم شي الموافقة.

---

امين الله يبارك فيك

Answer 7

رقم التواصل 0564734477

Comments

الله يبارك فيك ..امين واياك يارب

Answer 8

السلام عليكم و رحمة الله و بركاته
 عندي استفسار ضروري
أريد أن أقدم طلب تصريح زواج من أجنبي اردني الجنسية مقيم في قطر،   و بحكم عدم وجود سفارة سعودية في قطر هل يقبل تقديم طلبه من خلال سفارة سعودية في بلده الأردن أو الامارات و هل هناك احتمال أن يرفض الطلب بحكم مكان اقامته
 أرجوكم افيدوني و جزاكم الله خيرا

Answer 9

وعليكمالسلام ورحمة الله وبركاته
لازم يقدم من بلده الاردن او اي بلد اخر ..اذا كانت الشروط كاملة ومافيه شي ناقص فما راح تجي بالرفض ان شاء الله لكن حيشترطوا انه بعد العقد ماتدخلي قطر نهائي ولازم ولي امرك يكتب تعهد انكم ماتعيشوا في قطر وتختاروا اي بلد ثاني سواء الاردن او السعودية او اي بلد ثاني

Comments

يعطيكي العافية حبيبتي ان شاء الله تنحل الامور و تتسهل يا رب انا لسة حقدم اخر الشهر و حشوف ايش الاوراق المطلوبة
يا رب خير يا رب يسهل

---

امين الله يسر امرك

---

أختي سهام سؤال ثاني
هوا حيكون متواجد في السعودية للزيارة في الفترة اللي حقدم فيها للداخلية، عندك اي فكرة اذا عادي يقدم من الداخلية في السعودية في نفس الوقت ولا لازم السفارة بحكم انه غير مقيم في السعودية
حاولت اكتب السؤال في مكان الأسئلة لأستفيد من الاجابات لكن ما بيظبط معايا يطلعلي اني لا أمتلك الصلاحية للقيام بالعملية
شكرا لك يعطيكي العافية

---

ممكن توضحي موضوع التعهد ؟؟

Answer 10

احنا ماقدمنا من السفارة ...قدمنا من الامارة والامارة ارسلتها للداخلية ...لانه لازم يحضر للشرطة عشان يبصم ويوقع ويسألوه كم سؤال اجراءات عادية ..بالنسبة للتحليل اذا سواه في بلده او في البلد المقيم فيه لازم يترجمه للغة العربية لانهم ماحيقبلوه في الامارة وحيطلبوا منكم الترجمة للعربية.

Comments

شكرا على ردك،
يعني هوا جاي السعودية في شهر 1 يجيب معاه تحليل الدم و نقدم مع بعض من الامارة؟ ينفع حتى لو هوا مو مقيم؟ لأنو قريت انو تتحول لوزارة الخارجية الأوراق اذا الخاطب غير مقيم في السعودية و مافي خارجية في قطر بحكم الأوضاع
اذا قدم كل شي معايا وقت ما يجي ما تتحول على الخارجية؟
سامحيني طولت عليكي