تكفون، طلعت اقامه لولدي واخذوا علي ٣٨٠٠ رسوم وأمه سعوديه

Question

السلام عليكم
رحت اليوم ٥/١٢/١٤٣٨ ، جوازات الرياض
بستخرج اقامه لولدي عمره ١١ شهر ، أنا زوج مواطنه وهو ولدي الوحيد
قالي سدد الرسوم الي عليك قلت كم قال : اسأل المكاتب برا ؟
طلعت لمكتب برا طلعه لي ب الجهاز ٣٨٠٠ ريال اضافة مولود ،
علما جددت قبل شهر من جوازات القصيم اقامتي لمدة سنتين
اخذوا علي ١٠٠٠ ريال فقط ، ورسوم ما اخذوا افيدوني الله يعافيكم
الي اخذوا شي طبيعي ولا فيه غلط

Comments

وعليكم السلام ياخوي
طيب معناته ان الابناء المواطنة ليس معفيين من الرسوم؟

---

لانه على كفالتك انقل ولدك على امه بمهنه ابن مواطنه
وماراح تدفع رسوم ..

---

كيف انقله ياخوي وهو ماعنده اقامه

---

سويت له اضافه لي ، قالي عليك رسوم ٣٨٠٠ .؟ لمولود واحد ؟
وما شاء الله جايني الثاني في الطريق كما بيصير نفس الكلام

---

اخوي
كنت اكلم واحد قبل شوي بخصوص الموضوع هذا
قال لي ياطويل العمر والسلامة
اتوقع ان المبلغ الي دفعته3800 يسترجع
بس انت بعد تئكد واسئل

---

السلام عليكم ورحمه الله وبركاته ياصاحبي اسمع انا زوج مواطنة امس رحت جوازت الرحاب واصدرت إقامة لابنتي على امها مباشرة من غير ماادفع ولا ريال الطريقة صور اوراقك الثبوتية وهوية الزوجة وجواز ابنك وجوازك مع إحضار الأصل وتعلي الاستمارة وتدخل زوجتك قسم النساء وتوقعها وتعطيك وتروح انت شباك الرجال وتطبعها والله العظيم مااخذ معي كله سوا ١٨ دقيقة وهذا رقمي اللي يبي يستفسر أفهمه 0561248688

---

لازم اطلع له حواز خاف به او اقدر اضيفه على جوازي او جواز امه

Answer 1

الله يعوض عليك
أشوف أنه المبلغ مبالغ المكتب الي سددت فيه الرسوم ما قال لك ايش تفاصيل الرسوم
المفروض يعلمك ايش هي تفاصيل الرسوم

Comments

والله ياخوي قالي اضافة مولود ، والله فيني غبنه احس فيه خطأ

---

دامك جددت سنتين اتوقع المبلغ صحيح
لانه النظام حيحاسبك الين تاريخ انتهاء اقامتك
اتوقع اقامتك تنتهي في نص ذي الحجة 1440
في النظام حيدفعك الين تاريخ نهاية اقامتك وتقريبا يطلع 3800
هوا لو كان عنده اقامة وحتنقله على امه كان دفعك من تاريخ 1/7/2017 الين تاريخ النقل

Answer 2

السلام عليكم ورحمة الله
اعتقد ان المبلغ صحيح بما انك جددت قبل شهر ولمدة سنتين، لا ن السنة الاولى 100ريال للشهر ، السنة = 1200  ، والسنة الثانية 200 ريال للشهر فيكون مجموع السنة2400 ريال ، وعليه يكون مجموع المقابل المالي لسنتين اذا كان تاريخ انتهاء الاقامة في شهر 7 (يوليو ) هو 3600 ريال تقريبا ، مع ملاحظة ان الرسوم تحسب باليوم ، فاذا كانت الاقامة تنتهي يوم 7 من الشهر الميلادي ، فتقسم 100 على 30 يوم مثلا يكون استحقاق اليوم 3.3 ريال  اي اقل من 4 ريال ، وبما انه لديك 7 ايام في الشهر الذي تنتهي فيه الاقامة فتضرب 7 في 3.3 فيكون الناتج 23.1 ريال اي اقل من 24 ريال لسبعة ايام من الشهر وهكذا لكل سنة على حسب رسومها ، و يمكنك التاكد عبر احد التطبيقات المنتشرة على الجوال بادخال تاريخ انتهاء الاقامة وتحسب لك الرسوم المستحقة عليك.
..............ولانك لا تستطيع نقل كفالة الابن مباشرة على والدته ، فان لم يكن هنالك مفر من ان تدفع الرسوم لاستخراج الاقامة فافعل ، ثم قم مباشرة بعد ذلك بنقل كفالته على والدته المواطنة ... وبعد ان يتم النقل راجع حساب المدفوعات في حساب ابشر الخاص بك ، فربما يتم اعادة المبلغ المدفوع على الفترة التي سيكون فيها الابن على كفالة والدته ، او حاول الدخول من خلال الصراف لعمل استعادة للمبلغ اذا كان هذا الخيار متاحا .
 ويمكنك التواصل مع ادارة الجوازات عبر ارسال بريد الكتروني وطرح المشكلة وسيصلك الرد ، او التواصل معهم عبر حساباتهم عبر مواقع التواصل.
..........اخي تجربتك  تفيد الكثيرين وتسهل عليهم ، اتمنى بعد ان يسهل الله امرك ان تشاركنا كل خطوات تجربتك لفائدة الجميع .

Answer 3

نعم أؤيد كلام الاخ  mussaad4

لانه مافي نقل مباشر للأم ،، فلابد أصدار اقامه للابن على الاب و بالتالي سيتم احتساب المبلغ المالي بناء على تاريخ انتهاء اقامة الأب.
ومن ثم يتم نقل الابن للأم.

اقترح انه بعدما يتم نقل الابن لكفالة الأم.

تدخل الام من حسابها في أبشر و ترسل للدعم الفني وتشرح الحالة وتطالب باسترداد المبلغ
الدعم سيحيلها للجهة المناسبه و ربما يزودكم بأيميل للتواصل معه


موفق

Answer 4

السلام عليكم .... على ما سمعت تعبي استماره اضافه واستماره نقل كفاله وباقي اوراق مثل الشهاده والجواز السفر المولود واقامة الاب وهويه الام السعوديه وتروح الام الى قسم النساء في الجوازات يصدرون اقامه ابن مواطنه بدون اي رسوم لدي زملاء ازواج مواطنه فعلو كذا