السلام عليكم ..
لو سمحتو انا حتجنن من دي المعاملة خلاص كل شويا يطلعولنا شغلة
دحين قالولنا اعملو تحليل السموم قبل ٣ شهور ورحنا عملناه وطلع إيجابي والخطيب طلب يعيد التحليل لانو متأكد انو سليم قالو تعيدوه بعد ٣ شهور قلنا طيب أخدنا خطاب تاني من الشرطة ويعد ٣ شهور عملناه وطلع سلبي يعني سليم ودينا الورقة للشرطة ورسلوها والورقة الإيجابية م اترسلت راحت الامارة كم يوم بعدين اتوقعت وراحت للمحافظة والمحافظة رجعتها الشرطة قالو انو الفهرس ناقص عملتولهم الفهرس ورجعت الأوراق بعد يومين اتصلو المحافظة ع خطيبي قالو تعال بكرا الظهر وراح الصدمة انو عملولو تحقيق ع التحليل كيف اول إيجابي ودحين سلبي علما انو لما أرسلنا التحليل السلبي م اترسل معاه التحليل القديم بس لما ارسلو الفهرس ارسلو التحليل القديم معاه وخطيبي يقول مدبس التحليل الإيجابي اول ورقه ف الملف المهم قالهم السبب انو حتى اللي كأنو معاه داك اليوم نفس الشي ونصهم بيعيدو التحاليل وانا سليم ولو تبغو دحين نروح نحلل يالله م عندي مشكلة قالوليش عدتها بعد ٣ شهور عشان ينضف جسمك من السموم يعني م ادري ايش اقول الصراحة هما حاطين القرار انو بعد ٣ شهور وهما اللي معترضين ع المدة طيب ايش نعمل احنا المهم اخر شي قالو احنا حنرد عليك واليوم جاني مسج صدرت المعاملة لمدير الشؤون الصحية ايش السبب !! يعني مدير الشؤون الصحية دا ايش حيعمل حيشرح ع الورقة ولا ايش م فهمت !!
