أحيلت من الاتصالات الإدارية الى الشرطة !!

Question

السلام عليكم ي ليت إللي عندو خلفيه يجاوبني ..
معاملتي صدرت من الإمارة بإجراء موقعه وراحت للمحافظة ومن المحافظة ع الاتصالات الإدارية جلست كم يوم وبعدين صدرت الى شرطة محافظة جدة من يوم الثلاثاء اللي فات كل يوم أتصل ع الشرطة اسأل برقم الصادر يقولو م وصلت .. انا صراحة طفشت ليا سنه ع دا الحال والمشكلة الأوراق كاملة ومختومة وكل شي يعني ايش ممكن يكون الإجراء دحين وليش رجعت  !!

Comments

هل المعاملة اختي راحت الداخلية ولا ماراحت.

---

م ادري بس أتوقع لا لانو مواليد السعودية وابن مواطنة قالو م تروح الداخلية  الإجراءات لها سنة وآخر شي الأسبوع اللي فات رحت الإمارة قالتلي المعاملة اتوقعت وانتهت وصدرت للمحافظة وزي م قلت اخر شي راحت للشرطة ..

---

تمام.  باذن الله تفرحون بالعيد والعرس.  بس ادعي الله بالبركة وانه يرزقكم الود والرحمة. هذا اهم شيء.

---

لازم تروحوا الشرطه وتراجعوا الاتصال ما يفيد بشي لو حتى الطرف الاجنبي الخاطب مافي مشكله يروح يسال ع المعامله بالرقم الصادر
وان شاءالله تفرحوا عما قريب

Answer 1

باذن الله يكون خير.  بس أفضل شيء مراجعتهم هناك في مكتبهم.  الاتصال مابينفع احياناً.  حتى يكسلون يبحثوا عن رقمها.   او الخاطب يروح لهم بنفسه.

Comments

ان شاءالله خير .. انا استغربت إنو الموظفة اللي ف المحافظة طمنتني إنو ان شاءالله حتروح ع المحكمة وقالتلي مافي شي ناقص انصدمت لما راحت للشرطة وناس قالولي هما أخدو رقم صادر من الشرطة ع المحكمة عشان الموعد وكدا هل صحيح دا الكلام !

---

اطمأنك اختي هذا اللي قرأته فعلا من تجارب الاخوان اللي في جده مثل حالتك فيه تروح للشرطة ومنها محكمة يعني عادي.  
وهذا يختلف عن الرياض. لكن هذا قرآتة في جدة.

والحمد لله ان معاملتك ما راحت الداخلية بالرياض ترين بتطول كثير.

ادعي الله ييسر اموركم وتعقدوا في رمضان وتنتهون.  باذن الله تحصلوا الخير.

---

الله يسمع منكم يارب ويسهل اموركم سواءً زواج أو غيره . شكراً ع تعاونكم ❤️