المعامله تحولت من شرطه جده الى شرطه الرياض بس ما وصلت للاسف

Question

سلام عليكم

انا مواطن سعودي بتزوج من يمنيه مواليد السعوديه انا من جده ،هي في الرياض

قدمت المعامله من اماره محافظه جده و تم الموافقه عليها و راحت المعامله من الاماره الى شرطه جده ، سويت التحاليل و كل اوراقي كامله

وقالولي حنرسل المعامله للرياض عشان الزوجه تسوي نفس الاجراءات و ترجع المعامله لنا


والى الان ما وصلت الى شرطه الرياض

ارسلوها تقريبا من قبل شهرين وما وصلت

ابو الزوجه راح لاداره الاحكام الحقوقيه في الرياض كذا مره قالو ما وصلت

ولما اشيك مع شرطه جده قالو انها بالرياض

ياليت اللي مر بنفس حالتي يفيدني ربي يسعدكم

وايش يطلبو من الزوحه غير التحاليل

وايش الاجراءات لما تخلص المعامله من الرياض فين حتروح ومتى توصل المحكمه و يتم العقد


الله يسعدكم يارب منظر افادتكم


شكرا

Answer 1

ايش قالوا لك شرطة الرياض عن معاملتك

Comments

ما وصلت يقولو ، و شرطه جده يقولو وصلت

Answer 2

جده  يقولوا ارسلناها والرياض يقولوا ما وصلت وانت تقول لها شهرين ؟
معناها معاملتك ضاعت. روح لشرطة جدة وقول لهم انك مستعد اقدم  معامله من جديد اذا ضاعت الاوراق وشوف ردهم

Comments

‏والد زوجة كان يروح لي إدارة الأحكام الحقوقية في الرياض لم يسبق له أن ذهب إلى شرطة منطقة الرياض سؤالي هل المعاملة ممكن تروح لشرطة منطقة الرياض هل لهم مكتب زواج زي مكتب الزواج اللي في جدة ؟؟ و فين موقعه عشان اقول له بكره يورح لمكتب الزواج في الرياض

Answer 3

اكيد شرطة الرياض فيها مكتب زواج . راجعهم واستفسر عن معاملتك