ساعدوني ارجوووووووووكم

Question

اخوتي افيدوني انا سعودية متزوجة من اجنبي و اخي ايضا سعودي متزوج من اجنبية و كلانا  
متزوجون بدون موافقة المملكة بحكم إقامتنا خارج المملكة و وقتها لم نكن نريد اخد الاذن
الان نريد زيارة السعودية مع اطفالنا هل يسمح لي كسعودية ادخال زوجي و أولادي للسعودية لزيارة الاهل ؟ هل من طريقة استطيع ادخال زوجي و اطفالي كتأشيرة عمرة مثلا .. سبق ان قرأت هنا بالموقع انه يمكن لي و لزوجي دخول السعودية ولكن ليس كزوجين ( كل شخص بمفرده ) ولكن ماذا عن أطفالي هل استطيع ان أدخلهم مع والدهم بتأشيرة عمرة او زيارة او عمل   ؟ انا لا اطلب الإقامة لزوجي او أطفالي ، فقط  اريد زيارة لاهلنا هنا بين فتره واُخرى .. ارجوكم دلوني على طريقة استطيع بها ادخال اطفالي للسعودية  

ايضا بالنسبة لأخي هل يستطيع ادخال أطفاله للسعودية متى ما اراد و اضافة أولاده له بالاحوال ؟
هل هناك عقوبات هنا تقولو في تصحيح وضع بعد خمس سنين ومافي عقوبات وغرامات و بموقع تاني واحد يقولي مافي تصحيح وضع والمخالفة داخل السعودية لها عقوبات يسفرون الزوج الاجنبي بحالة الإنجاب و يسجنون ولي الامر ايش الكلام الصح فيهم ؟ وبحالتي انا خارج السعودية ممكن يسوون لي شي

Answer 1

اللي عنده علم واللي خالفوا قبل ياليت يعلموني

Answer 2

لا تسمعي كلام إلا إذا كان من مصدر موثوق و اكيد والا بعدين ما تنامي الليل
شوفي حبيبتي  مادام زواجكم تم خارج السعودية و بدون موافقة يعني السعودية ما تعترف به للأسف
(انا اتصلت على القنصلية السعودية بعد كمية اتصالات كبيرة عشان اجدد جواز السفر...و لما كان في إلتباس في فهم الموظف عن عقد النكاح قال لي : ما اقدر اسوي لك شي ...وبعد ما فهم اني متزوجة في السعودية و بموافقة قال :إي إي كذا عادي )
انتي و اخوكي دخولكم عادي للسعودية بس طبعا لازم احد يوقع لك على تصريح السفر و انتي راجعة لبلدك
عيلتك و عليته يقدروا يدخلوا باي فيزا (عمرة -سياحة-زيارة) حتى ممكن احد من السعودية يعمل لهم استدعاء
للأسف الشديد انا مرة تعبت الين طلعت فيز عيلتي لأنه بطبيعة الحال القنصلية السعودية و لا السفارة ما يردوا على تلفونهم ابدا ...
انتي دحين اللي تسويه انك تتصلي على مكتب سياحي موثق من القنصلية و لا السفارة(لأن الفيزا من عندهم مو عن طريق السفارة ولا القنصلية و هذا اللي سار معايا) و تسالي عن نوع الفيزا لعيلتك و عيلة اخوكي
آخر شي و سامحيني إذا طولت عليكي
لازم لازم لازم و ضروري جدا انك و اخوكي تاخذوا موافقة على زواجكم و إجراءاتها صح تأخذ وقت بس على الاقل لو لا سمح الله سار اي شي في البلد اللي انتوا فيها تقدروا ترجعوا السعودية بطريقة نظامية
و الله يختار الخير لكم

Comments

انا اتصلت على القنصلية السعودية بعد كمية اتصالات كبيرة عشان اجدد جواز السفر...و لما كان في إلتباس في فهم الموظف عن عقد النكاح قال لي : ما اقدر اسوي لك شي ...وبعد ما فهم اني متزوجة في السعودية و بموافقة قال :إي إي كذا عادي )


يعني قصدك مايجددوا جواز سفري اذا كنت مخالفة عشان كذا قالك ماقدر اسوي لك شي ولا قصدك انك سألتي عن فيز لعائلتك وعباله انك مخالفة قال ماقدر اطلع لهم فيز ؟


انتي و اخوكي دخولكم عادي للسعودية بس طبعا لازم احد يوقع لك على تصريح السفر و انتي راجعة لبلدك

وانا راجعة لبلدي !! انا اعرف انو اذا رحت لبلدي السعودية من كندا ما احتاج اخذ تصريح سفر بس بالعوده لكندا احتاج ، يعني طلوعي من السعودية لكندا هو اللي يحتاج تصريح سفر فقط

ومشكورة والله على جوابك علي الله يسعدك وياليت توضحي لي النقاط اللي فوق لان مافهمتها

---

صح الكلام حتى انا لما كلمتهم عن تاشيرة زيارة لبنتي اول شي سألوني هل زواجك تم بموافقة قلت لهم ايوه قالو لازم ترسلي لنا ورقة الموافقة عشان نصدر التأشيرة مع العلم انه الاوراق عندهم ملفي كامل اوراق الزواج والموافقة لديهم

Answer 3

عفوا حبيبتي و يا رب استفدتي
بالنسبة لتجديد الجواز انا قصدي لازم لك ولي أمر عشان يوقع لك على خطاب موافقته على التجديد و بما انه كان في ظن الموظف اني متزوجة بدون موافقة يعني زوجي الأجنبي مهو معترف بتوقيعه عشان كذا قال ما اقدر اسوي لك شي
بس انتي اذا اخوكي عندك ممكن هو يسير ولي الأمر الله يخليه لك
الفيز كلها سارت عن طريق المكتب السياحي زي ما قلت لك القنصلية معد تصدر فيز هذا كلام الموظف ليا عشان كذا اقول لك اتصلي على مكاتب عندكم في كندا و شوفي أفضل فيزا لهم
آخر شي تصريح السفر
ايوا انا قصدي لما ترجعي بلدك (كندا) اللي عايشة فيه لازم لك تصريح سفر بالخروج من السعودية لكن دخولها ما يحتاج
الله يوفقك و يسهل عليكي