اشاعات الشروط الجديدة الثلاثين للسعودية والاربعين للسعودي

Question

يا جماعه حرام عليكم ارحمونا صاحبتي مقدمة على معاملة زواج من مولود والآن انهارت لما سمعت اشاعاتكم كفايه ارحمونا .. اللي يقولون العمر صار ٣٠ للبنت السعودية و ٤٠ للرجل السعودي انتم متأكدين ولا مجرد يقولون وقالت واقول شفتوا الشروط بعيونكم بموقع الداخلية ؟ رحتوا لاماراة منطقتكم و أعطوكم ورقة الشروط وشفتوها ؟ او اتصلتوا عالاقل فيهم ؟ انا شفت كل اللي كتبتوه اغلبكم يقولون موظف قال لاماراة الرياض وموظفة قالت بمكة طيب ترا الموظفين ساعات يكونون بس سامعين ومو متأكدين يعني زيكم وبعدين انتم صارلكم من قبل بداية شهر محرم تقولون اول يوم بمحرم بتنزل القرارات ولا شفنا اي قرار جديد بس طلع قرار الفحص الطبي للمخدرات للزوج الاجنبي اما الاعمار ماطلع شي رسمي والآن بعضكم يقولون يوم ٢٠ محرم بتنزل القرارات طيب وبعدين مره تقولون اول يوم بمحرم وبعدين تقولون يوم ٢٠ ياريت احد يروح يسأل او اللي سأل ومتأكد يفيدنا

Comments

اخواني هل هذي شروط تنطبق على الي يبي يتزوج اجنبيه من مواليد السعوديه وامها سعوديه ؟

Answer 1

انا بالنسبه لي متاكده راجعنا الاسبوع الي فات الداخليه والموظف قال في شروط جديده حتى الاماره قالوا في شروط جديده بس ندعي ونقول الا لايسمح وتنزل لانه التعقيد بصير عيني عينك والناس مقدمه من اشهر والداخليه تقلك تحت الاجراء ما ادري ايش المرمظه وطول المده يعني واسطتنا ربنا وانتوا ماترحموا مو للهدرجه والله انا ع اعصابنا ماندري ايش نقول انا مخطوبه من سنه وشهر تخيلي معاملتنا صار فيها مطمطه الله يعلم فيها وتاليها الموظف جالس واحنا ع اعصابنا مانقول الا الله يسير الامر للجميع

Comments

وانا شفت الشروط ع برنامج صباح الخير ياعرب فحص طبي مخدرات ماسمعت عن العمر ماتدري همه يبهروها ولا كيف وضح الموضوع رسمي بيان ينزل ولا تخلي الناس ع اعصابها

---

الإماراة اللي قالوا لك في شروط جديدة وين مكة ولا الرياض ؟ وما قالوا لك الشروط عن ايش عن العمر ولا اشياء ثانية ؟ الله يسهل عليك ادعوا انها ما تتم الشروط الجديدة لو فيها شر بصراحة لو تمت بيكون مافي قدام الناس إلا يخالفون او ينفصلون والأغلب بيخالفون وبيتزوجون بعدبن يصححون وضعهم لان للاسف صعبوها الموافقة النظامية و شروطها

---

اماره تبوك ويقولوا عن العمر مثل ماسمعتي وفعلا الله يسهل الامور لانه الوضع من سئ الى اسوء والله يسلها لنا ولكم ومالنا غير الدعاء هذي الفتره

Answer 2

انا شفت شروط امارة الرياض بعد التغيير و فعلا اتغيرت مو اشاعات
و صار العمر ٤٠ هناك..
اما عن باقي الامارات ما ادري وما شفت شي الى الآن

Comments

وين شفتيها ؟ بموقع الداخلية ولا رحتي للاماراة واعطوك ورقة الشروط ... لان انا دخلت بالنت موقع الداخلية وموقع امارة الرياض مازالت على الشروط القديمة

---

لا انا اعرف وحده بالرياض راحت تقدم واعطوها هيا وشفتها انا
بس حقت السعودي الي يبغا اجنبيه، لكن ما شفت حقت السعوديه الي تتزوج اجنبي

---

حقت السعودي اللي يبغى يتزوج اجنبية شفتيها بورقة الشروط بالاماراة ؟ الله يعينك ويسهل عليك

---

ايوا شفتها بعيني ولو اتصلتي عليهم تقدري تتأكدي :/ الله يعيننا بس

Answer 3

يقولوا  مكتوبة  في الموقع حق الامارة  اماارة الرياض حاليا