بخصوص اوراق المعامله ارجو الرد

Question

دحين بخصوص اوراق المعامله طلع تعميم جديد اللي هوا ورقه من بلد الخاطب الاجنبي انو م عليه سوابق مختومه من السفاره السعوديه والخارجيه والعدل بخصوص اليمن عشان الوضع اللي فيها الحروب وكدا بسال الناس اللي مرت بنفس حالتي واخده يمني كيف ختموها من السفاره السعوديه اليمنيه ولا مافي بس اتختمت من الخارجيه والعدل ارجو الرد وشكرا

Answer 1

يروح القنصليه اليمنيه بيعطوه الخطاب خلو من السوابق بس يجيب معاه صوره من الجواز والاقامه وايضأٌ الصحيفه الجنائيه ومبلغ 150 ريال وتصدر في نفس اليوم

Answer 2

انا معاملتي  حاليا بالداخليه  من شهر وصارت بقسم  سكرتاريه لجنه  الزواج  وبخصوص كلامك عن التعميم  متاأكد من كلامك ؟؟؟ وفي اي  اماره ؟؟  هل  يعني بفهم معاملتي  رح  ترجع  اللاماره عشان  هذي الورقه ؟؟؟؟؟ علما انه جنسيتي سوري

Comments

التعميم دا من شهر رجب طلع جديد في امارة المدينه راحت معاملتي الاماره ورجعوها الشرطه مرا تاني بسبب التعميم دا انو خطيبي يجيب ورقه من بلده اليمن انو م عليه سوابق ومختومه من السفاره السعوديه اليمنيه والخارجيه والعدل بس هوا ختمها من العدل والخارجيه لانو اليمن وفيها حروب والوضع معروف ف ما اعرف ازا فيه سفاره سعوديه فيها والوضع كدا عالما انو اهله قالو له انو مافي سفاره وبس وبعدين راحت الاماره ومن الاماره اتحولت للداخليه في تاريخ ٧/١٢/١٤٣٧ ودحين هيا في سكرتاريه لجنه الزواج بس انتا من اي منطقه انا مستغربه انو م طلبو منكم او يمكن تعميم بس في اماراه المدينه الله واعلم

---

اختي  الكريمه  انا  معاملتي  رفعوها  من الشرطه  للمحافظه  بنهايه  رمضان  وعطونا موعد بالمحافظه  وخلصنا موعد وراحت  لاماره منطقه مكة  والحمد الله  تحولت  للداخليه    بتاريخ  ١٤٣٧/١٢/١  والحين  انتقلت  من لجنه الحقوق الخاصه الى سكرتاريه لجنه الزواج  ومنتظر  ايش  بعدها  مدري  وماطلبوها  مصيييبه  لو طلبتها الداخليه  م اعرف  جيبها من سوريا  ياارب تعدي ع خير

---

ان شاءالله تعدي ع الخير اتفائل يمكن الكلام دا بس في اماراه المدينه الله يسهلك امورك وامور الجميع ياارب