مسيتو بالخير اخواني واخواتي بعد طول انقطاع رجعت لكم ابي نصيحتكم وخبرتكم تعبت من التفكير ونفسيتي تعبت من هالموضوع
بعد دوخه وتعقيد بنكمل سنه و7شهور على موضوع موافقه الزواج بعد ذل وكل اللي خابرينه طلعنا تصريح اعاده التحاليل وصارت لخبطه في السالفه اضطرينا نوصل نجيب تقرير مختوم رسمي من الاقليمي بان انيميا الفول لايعيق الزواج ابدا وبموجب هالتقرير قدمت خطاب استثناء لاماره جده ودخلت عالامير ولكن مع الاسف خرجت مكسوره بعد مابنيت الامال وقلت هانت كلمه وحده قالها مافي استثناء
وطلعت مغبونه وبعد تفكير رفعنا طلب للداخليه بالرياض ومعلق موضوعنا للان وفي ناس اشارو علينا نرفع اوراقنا من جديد في جيزان عندنا حلين وكل حل اصعب من الثاني طبعا غير الوسيط اللي تعامل معنا يبي مقدم 35 الف ويطلع لنا الموافقه وفوق ذا كله يماطلنا وطبعا غضينا عنه البصر وقبل يومين رجعنا نبحث في المعامله رحت امس عالموعد المهم في موظف قالي المفروض ما اعلمك بس اعتبرتك اختي المهم وراني المعامله حقتنا
بعد مادخت سبع دوخات من الاماره للمحافظه لين المستشفى المهم من مكتب لمكتب وناداني وقالي تعالي
وراني بسرعه قبل لاحد يجي ورب الكعبه كن الموضوع يخصه قالي هالخطاب اللي قدامي سري المهم قالي التقرير اللي معكم حق الشهاده اللي سواها لكم راح فيها لانه ممنوع يسوي تقارير وكمان الامير مشعل بن ماجد معمم على كل المستشفيات مايعطو هالتقارير لاحد وبيحققو معه قلت له هو وربي لانعرفه ولايعرفنا وسواها لوجه الله قال عند الله مايضيع اجره قالي اقسم باالله ودي اساعدك بس شوفه عينك ='( ابي فزعتكم ونصيحتكم ياوجيه الخير .
لو قدمنا من جديد في جيزان وحاولنا نطلع ان التحاليل سليمه ممكن يسير هالامر ؟!! وهل نظام جيزان مرتبط بجده ومكه ولا لحاله .
الحل الثاني نعقد عن طريق السفاره اليمنيه هل ممكن يعترف بالوثيقه ويعتبر شرعي بس غير رسمي او ايش الحل في نظركم تكفون .
