اتحولت معاملتي

Question

الحمدلله اتحولت معاملتي للمحكمه وللامانه ماشالله مشيت بسرعه وماتوقعتها تمشي

بس الغريب كاتبين تم تحويلها للمحكمه الشخصيه وزارة الداخليه
وكاتبين رقم من اظن ٥ ارقام

اش يعني دا

Comments

الف الف مبروك اختي
ان شاالله للمحكمه واظن انها محكمة الاحوال الشخصيه اللي بحي الورود والله اعلم
عندي كم سؤال ممكن تفيديني؟
معاملتك راحت  الداخليه؟
وكم اسبوع جلست في الاماره؟
جزاك الله خير

---

لا ماراحت الداخليه
وجلست اقل من شهر يعني تقريبا تلاته اسابيع

---

معليييش بأتعبك معايا شويا
ايش الادارات اللي مرت فيها معاملتك بالاماره
لاني انا معاملتي في الاماره

---

ألف مبروك أختي والله يتمملكم على خير
واحنا بعد اتحولت معاملتنا للمحكمة وإن شاء الله الأحد نروح عشان يحددولنا موعد
عقبال عند الجميع يارب الله يسهل وييسر الأمور ويصلح الأحوال

---

ادارات كتير والله مو فاكره بس افتكر ادارة القضايا والمطالبات الخاصه والاداره العامه للحقوق الخاصه والوكاله المساعده للحقوق والصادر الخطي كانت اخر شي وجلست بس يوم فيها وراحت للمحكمه

---

الله يبارك فيك اخ عبداللطيف والله يسهل امركم و امري
بس انا حروح بس ١٠ ايام من صدور المعامله للمحكمه عشان تكون وصلت لهناك

---

السلام عليكم اختي انا نفس طريقتك بس الشي الى اقراه انه لازم برنت للزوجه من الاحوال هل انا الى اروح الاحوال ام هي وابوها واتمنى اي شي يصير معاك تعلمينا اي طلبات عشان تكون عارفين وشكرا

---

الله يتمملك ع خير بالله ساعديني ابغي اقدم طلب زواج خطيبي يمني ومو عارفه من فين نقدم ع الطلب وايش الطلبات الي اقدمها لانو كل واحد يقلنا شي

---

اول شي تروحي الاماره وتقدمي طلب للزواج او ممكن تقدميه عن طريق الموقع حقهم
بعدين تجيكي رساله بعد اسبوع انو اتحولت للشرطه وتروحي تقوليلهم الرقم اللي فالرساله وتاخدي الطلبات وبعدين لمن تكملي الطلبات ترجعي لنفس مكتب الزواج وتقدمي الاوراق وبعدين تستني الين تجي رساله من الاماره

---

اخ عمر هيا لمن تروح الشرطه تعطيها طلبات ومن ضمنها برنت يوضح حالتها هل هيا ربة منزل او تشتغل وخليها تتاكد انو المهنه صحيحه لانو انا طبعولي البرنت ومكتوب ربة منزل وانا اشتغل وسارت مشكله ورجعت تاني وسارت حكايه
ولازم لو تشتغل تجيب خطابين تعريف موجه للاماره والتاني موجه لشرطة النسيم

---

اخت nana بخصوص البرنت من الاحوال هل ضروري انا مكتوب في حالتي اني طالبه وهل عندك خلفيه اذا كان ربت منزل او طالبه ياثر ع سير المعامله

Answer 1

يعني ع المحكمه على طول على قسم الموافقات .. هالرقم يخصهم الصادر حقهم والف الف مبروك

Comments

اللله يبارك فيك يارب
طيب اروح ايت محكمه بالظبط؟؟

---

المحكمه اللي بحي الورود

Answer 2

الف مبروك . الله يتمم لكم على خير

Comments

الله يبارك فييييك اخويا بركات
والله مو عارفه كيف اشكرك انتا مره ساعدتني كتير وياما طمنتني و رديت على اسالتي
الله يسعدك ويدبرلك الخير فين مارحت

Answer 3

لا شكر على واجب اختي
الله يتمم لكم على خير وعقبال حفلة زواجكم

Comments

امين يارب
لسه ههههه اول شي حفلة الشبكه بعدين الزواج

Answer 4

والله ما لها داعي المصاريف حفله الخطوبة ف البيت والزواج فالقاعه

Comments

للاسف دي عادات اهلي :(

Answer 5

الله يوفقكم......