معامله زواج

Question

ارجوا الجواب
معاملتي تحولت من الشرطه الي الاماره واذا بحث عنها يقول استدعاء جديد قيد التنفيذ ايش يعني وكمان عندي سوال هل الراتب لازم يكون مرتفع او عادي اذا راتبي ٢٠٠٠ريال هل تقبل المعامله ام لا وكمان اختلاف المهنه بالجواز والاقامه فيها شي الجواز طالب ولاقامه سائق ارجوا منكم الافاده

Answer 1

الرقم الى تشيك فيه خطا لانه رقم الصادر
المفروض تشيك برقم قيد  معاملتك بالاماره وليس رقم صادر الشرطه
هناك يطلبو من اجراء اسمه تعبئة استماره هذا اذا ما سويته بالشرطه يطلبوه منك بالاماره

Comments

يعني اشياء بسيطه راح يطلبونها مافي خوف منها بالشرطه ماسويت بس قدمت اورقي كلها باقي شي يعني بالاماره

Answer 2

اخي الكريم لا تشغل بالك وخذ الامور ببساطه وخليها على الله
هو اجراء بسيط اسمه تعبئة استماره يطلوبك انت وولي امر خطيبتك واثنين شهود سعوديين لتعبئة بعض البيانات. الموضوع ما يستغرق نصف ساعه وبعده ما في شي   . مراجعتك  انت فقط

Comments

خطيبتي من جده وانا من مكه والمعامله بعد ماخلصت الخطيبه من جده حولها علي مكه كيف وضعها عشان احنا مو من محافظه واحده هي بجده وانا ممكن ولي راح اكمل انا اجراتي وتحول لين جده

Answer 3

المعامله تبدا وتنتهي بالمدينه الى قدمت فيها

Comments

يعني لو.رحت الاماره مارح يطلبوا ابو خطيبي وراح يخلصو مني وبعدين ترجع جده ويخلصو مع ابو خطيبتي ولي لازم راح  يجي ابو خطيبتي من جده

Answer 4

تعبئة الاستماره لازم حضور ولي امر المخطوبه
لا تستعجل اول شي راجع الاماره الى راحت لها معاملتك بعدين يسير خير

Comments

الله يكتب مافيه خير ويعطيك العافيه اتعبتك معايا

Answer 5

اللهم امين
بالتوفيق

Comments

رحت الاماره وطالبوا مني ٢شهود وابو المخطوبه ...ايش معنته هذا هل المعامله قبلت  ولي بس كذه هذا شي لازم بالمعامله ..ولما اروح مع الشهود يشهود علي ايش وايش الاسئله لي يسالها لهم ارجو الافاده ولكم الشكر والاحترام

Answer 6

اجراء عادي من ضمن الاجراءات اسمه تعبئة الاستماره تروح انت وولي امر خطيبتك واثنين شهود سعوديين تقومو بتعبئة استمارة وهي عباره عن بيناتكم الشخصيه مثل عنوان سكنكم وجوالاتكم وارقام هوياتكم
* وانت بيسالك سؤال  ليش تبغي تتزوج سعوديه؟
الاجابه (  النصيب  )
لا تنسي تاخذ معاك جواز سفرك

Comments

الله يعطيك العافيه طمنتي ..جواز ديما امشي وهو معايا حتي اولارق المعامله سويتها له صوره وامشي وهي معايا

Answer 7

الله يعافيك
بالتوفيق ان شاء الله

Comments

السلام عليكم
 رحت اليوم الاماره مع الشهود وابو المخطوبه وقعنا علي الورقه وقالوا لي ارجعهم بعد اسبوع ايش بعد هذا وين تروح المعامله..وهل المعامله ماشيه بالطريق الصح وهل وافقوا عليها اولسع ومن وين تجي الموافقه والرفض ارجوا الافاده ولكم الشكر

Answer 8

لكي يطمئن قلبك روح واسئال بنفسك عن هذا الموضوع

Comments

يعني ماعندك خليفه بهذا الموضوع

---

خليها تمشي زي كذه بس قلت لو عندك بس خليفه بهذا الموضوع

Answer 9

ما يقدر يعطيك اجابه صح لموضوعك الا الموظف الى معاملتك عنده

Comments

الله يعطيك العافيه وجزاك الله خير
انا لي افكرفيه الجواز والراتب ٢٠٠٠هذا لي افكر فيه

Answer 10

تدري . استودعها الله وان شاء الله تمشي وتجيك الموافقه

Comments

ونعم بالله متوكل الله الله يسمع منك

---

دخلت علي موقعه الاماره واستعلام عن المعامله طلع عندي.. احلت المعامله الي الصادر الخطي .باجراء موقعه....ايش معني كذه ارجوا الافاده اذا احد عنده خليفه ولكم الشكر والتقدير