نقل الكفالة الى الزوجة أصبح من وزارة العمل؟!!

Question

السلام عليكم


يا اخوان انا تعبت ومليت من كثر ما راجعت وسألت


مشكلتي باختصار اني مقدم طلب نقل كفالة وتغيير مهنة على زوجتي من جوازات الطائف ووقتها أخذوا الأاصول كلها من خطاب تنازل وغيرها

وبالفعل بعد اسبوعين تم تغيير المهنة الى زوج مواطنة

اما نقل الكفالة مضت عليه اكثر من شهر ولم يتغير شيء ولازلت على كفالة المنشأة التي أعمل بها

راجعنا الجوازات بالرياض والطائف أخبرونا ان اثناء عملية النقل في السستم يظهر لهم الخطأ التالي بالأحمر

(طلب نقل الكقالة من وزارة العمل تاريخه غير صحيح)

واخبرونا انه يجب علينا ازالة هذا الخطأ من وزارة العمل والعودة اليهم

قمنا بالذهاب الى مكتب العمل بالرياض وشرحنا لهم المشكلة وقدمنا شكوى وجاتنا رسالة بان الأمر ستتم معالجته بعد 48 ساعة هذا الكلام الاربعاء الماضي

جينا الجوازات الاحد قالوا لسه نفس الخطأ رجعنا ذهبنا هالمرة لوزارة العمل قالوا انتظر يومين لين السستم يتحدث

اليوم ذهبنا الجوازات وشيكنا وقالوا لسه الخطأ ظاهر بالسستم بالأحمر

رحنا وزارة العمل وبعد أخذ ورد ومن واحد لواحد رحنا مسؤول خدمة الوافدين قالي بالحرف الواحد اصلا نقل خدمات وافد من شركة الى فرد او الزوجة يتم عن طريق وزارة العمل وليس الجوازات !!

انا هنا انلحس مخي وهو مصر على كلامه وقالي هالنظام اللي شغالين عليه الجوازات غلط وانتهى من 4 شهور !!وحاليا لو تبي ننقلك كفالتك تجي وتجيب معك خطاب تنازل من شركتك + عقد النكاح + صورة من اقامتك وهوية الزوجة وراح يتم الأمر


هل هالكلام صحيح ويدخل العقل يا اخوان ؟ انا قريت بهالموقع وبغيره ومحد جاب طاري وزارة العمل !! وايضا وش سبب مشكلتي وهل يوجد احد ممكن يساعدني بحل هالمشكلة !!

Comments

السلام عليكم اخ مجد
حالتي حالتك انا لي 8 اشهر نفس حالتك تغيرت المهنه بإسبوع لاكن الكفاله ما تغيرت تطلع نفس الكلمه طلب سابق في مكتب العمل والمديريه رحت لها قالو رقم الكفيل يختلف عن الرقم الموجود في مكتب العمل
المهم رحنا وزاره العمل وطلبو فتح ملف استقدام في طريق عبدالعزيز مع الفرزدق فتحوه باقل من 10 ثواني راجعناهم وقالو نقل الكفاله يتم من عندنا جيب الخطابات وصك الزواج وجبتهم وارسلو طلب ربط مع الجوازات هل كلام من اسبوعين
المسخره ما تغير شي ونفس العلامه صارت
انا بكره رايح لهم اذا انت متواجد في الرياض داخل علا مكتب المدير حق مكتب العمل طريق خريص راسلني لعلو نلاقي حل ونضع حد لامهزله
الخلاصه المشكلم من مكتب العمل لا تلف ولا تدور ونقطه على السطر

---

وعليكم السلام هلا اخوي

انا لسه بانتظار شركتي تجبلي خطاب التنازل الجديد الموجه لوزارة العمل

ياليت تبلغني وش بيصير معك بكرة ارجوك عشان لا يضيع وقتي وانا انتظر خطاب التنازل لان مدير الشركة مسافر وبيرجع الاسبوع الجاي فلو العوة مشكلة فقط بمكتب العمل وجالسين يشتغلون فينا علمني ارجوك واكون شاكر لك

---

اخ مجد انت كفالتك شركه ولا مؤسسه ؟

---

شركة ....

لسه انتظر المدير يوقع على خطاب التنازل الثاني

---

الموضوع كل تالي
تروح مكتب الاستقدام اول شي طريق عبدالعزيز مع الفرزدق وتاخذ هويه زوجتك انت واقف يفتحلك ماف استقدام
بعدها تاني يوم خذ خطاب مصدق من الشركه وصوره من عقد الزواج وصوره من باسبورك واقامتك وصوره من بطاقت زوجتك واتجه الى مكتب العمل طريق خريص وخذ موعد علا موظف اسمه عثمان حق نقل خدمات زوج مواطنه واعطه الاوراق
يومين يوصلك رساله بس توصل رح الجوازات وخلصت
انا سويت نفس اللي كتبت والحمدالله اليوم سويتها من الجوازات وطبعوها لي بعد

---

وش الفلم الجديد هذا يا الهي !؟

وش مكتب استقدام ؟ وكيف حيفتحلي ملف استقدام وليش غريبة بعمري ما سمعت هالكلام

انا مقيم بالمملكة ومن المواليد

انا بس يوصلني خطاب التنازل الموجه لوزارة العمل بروح للموظف اللي اسمه عبد الله بشؤون الوافدين وبمشي على وعده لي ووقتها يحلها الحلال


بس سالفة الاستقدام غريبة ومين دلك عليها اخوي؟

---

نصيحه من رجال اوعطي له جميع الوعود
الكلام الصحيح انت على شركه يعني رقم 700 بمكتب العمل وليست موؤسسه وهنا من كلام عقيد في مديريه الرياض لازم الزوجه يكون عندها ملف استقدام او سبق وجابت خدامه او فرد
8 شهور وانا اروح اشبوعين وهاذا الحل ونذكر بعض

---

وش اسم مكتب الاستقدام بالضبط؟ ووين المكان انا قريب من شارع الجامعة ...وهل في رسوم ويشترط حضور الزوجة ولا يكفي بطاقتها ؟

بخصوص خطاب من شركتي تقصد خطاب التنازل المصدق ؟ هل احتجت حضور الزوجة باي خطوة من اللي سويتها ؟

والف شكر لك

---

لا حبي الموضوع سهل جدن ولاكن غياب الفاهمين فيه صعبه
خذ بطاقتها بس واي هو عشارع الجامعه جاي على الزاويه مقابل فندق اليمامه طريق عبدالعزيز عند الاشاره
مكتب العمل سهل بعد لا تروحلهم بدون مكتب ما تفتح ملف بس تفتح ملف روح بنفس اليوم على مكتب العمل ولا تنسى موعد والخطاب بس تنازل وانا عن نفسي ما صدقته بس صدقه لتجنب الروحه والرجعه
وبس

---

الف شكر ادعيلي استلم الخطاب هالاسبوع واروح اسوي اللي قلت عنه وابلغكم بالنتيجه

---

لا تخاف محلوله ان شاءالله

---

طيب سؤال اخير يوم اروح مكتب الاستقدام وش اطلب بالضبط وهل بيعطيني ورقة او شي وهل تحتاج تصديق ؟

---

ما جاوبتني اخوي وش اقولهم بالضبط ابي افتح ملف استقدام لزوجتي؟؟

---

بس خد الهويه وعند الموظف قله فتح ملف استقدام
انت واقف اقل من 10 ثواني ولا ورقه ولا شي

---

الف شكر انا رايح لهم الحين

---

زي ما تفضلت رحت للموظف وقلتله ابي افتح ملف استقدام وعطيته هوية الزوجة وثواني قلي خلاص

---

رح عند مكتب العمل وفيه موظف داخل اسمه فرج اسءل انت الاستقبال ويدلك وين وقدمك اوراقك هناك اسرع

---

رحت أمس وكملت اوراقي وخذت موعد وجيت للموظف عثمان قالي لازم حضور الزوجة وبعد اخذ ورد طلعت من عنده واتجهت لمدير مكتب العمل وما قصر شرحت له انه صعب اجيب زوجتي وقع على المعاملة وقلي روح عطها عثمان عطيتها عثمات وكتبلي ورقة تحويل لموظف اسمه عوض استلم عوض المعاملة مني وشيك عليها وكل الاوراق كاملة بس قلي ترا ما اضمن لك انها تخلص لان في يقول في مشكلة بالنظام واحتمال وقفوا نقل الخدمات للفرد !!

المهم خرجت من عنده بس السؤال هو ما اعطاني اي شي لا رقم معاملة ولا شي ويوم سالته قالي تشيك برقم اقامتكهل هذا الكلام صحيح؟

---

اي صحيح ما يعطيك اي شيء
بيوصلك مسج انه تم تنفيذ طلبكم
بس توصلك خلاص رح الجوازات من تاليها

---

لغاية اليوم لم يصلني لا sms ولا شي وايضا التشييك من خلال الموقع الخاص بالوزارة يظهر لي انه ليس هناك طلب خدمة نقل برقم اقامتي

وش الحل مليت يا ناس

---

تاخد معك اسبوعين اقلها لانها تروح للجنه باقيلك اسبوع

Answer 1

لا يا اخي الكريم نقل الكفاله وتعديل المهنه كلها عن طريق الجوزات نصيحه منى لا عاد تراجع الموظفين اطلع بكرا الساعه 8 صباحا وادخل على مدير مكتب العمل واشرح للسكرتير حقه ممكن يخلص موضوعك وانت واقف

Comments

عزيزي انا تعبت من كثر ما سألت وهذي النتيجة اللي وصلت لها ان الامر صار من وزارة العمل وليس من الجوازات

أرجوكم ممن يستطيع المساعدة لانهاء الأمر ترك رد هنا حيث ان اقامتي ستنتهي قريبا ووراي سفر وشركتي الحالية لديها مشاكل كثيرة بالتجديد وغيره

Answer 2

الموضوع عند الجوزات  
مكتب العمل ما له دخل
  اكرر عليك ادخل لمدير مكتب العمل يخلصك وانت واقف

Comments

والله دخلت لاكثر من شخص ومسؤول الكل اجمع على ان اقوم باحضار خطاب التنازل وصورة من اقامتي وجوازي واتقدم بطلب النقل من قسم شؤون الوافدين لديهم لان نقل وافد من شركة لفرد اصبح فقط من وزارة العمل

Answer 3

الاخ/Majed1983

                     السلام عليكم ورحمة الله
اخي لاتقلق ..حافظ على هدوئك ...سيساعدك ذلك كثيرا في انجاز اهدافك ...بخصوص نقل الكفالة في غير حالة النقل الى الوالدة او الزوجة المواطنة ...اي في نقل الكفالة من شركة او مؤسسة الى اخرى يتم ذلك عبر مكتب العمل الكترونيا من خلال حساب الشركة في مكتب العمل...ربما تمت بعض التعديلات على الانظمة ...كونك على كفالة منشأة ربما يتطلب تدخل منها  الكترونيا من خلال حسابها لنقل كفالتك ...ماقاله لك الموظف في مكتب العمل تاكد منه مرة اخرى بمراجعته واحضر له خطاب التنازل مرة اخرى موثقا مع بقية المطلوبات ..وبهذا اقمت عليه الحجة وانتظر ماذا يفعل ...ولن تخسر شيئا ...اسال الله ان ييسر امرك ..مع رجاء موافاتنا بما يستجد معك لفائدة الجميع ..تجربتك تستحق المشاركة.

Comments

وعليكم السلام

انا محروق دمي لاني مستعجل على الامر بسبب قرب انتهاء الاقامة وعندي سفر ولازم خروج وعودة وشركتي الحالية وضعها متخبط

على اي حال انا طلب خطاب تنازل جديد من شركتي الحالية

وبس يجهز بروح لقسم شؤون الوافدين بوزارة العمل بالرياض ونشوف اخرتها


بخصوص حضور الزوجة من عدمه اتذكر قلت للموظف ان حضور زوجتي صعب

قالي تسوي خطاب موجه لوكيل وزارة العمل لخدمة العملاء

بس يصراحه كنت مصدوم وما ركزت بكلامه

هل حد عنده علم بطبيعه هالخطاب ووش معناه؟؟

Answer 4

يا اخي الكريم انت مو موضع من شركه الى فرد  انت نقل على الزوجه بمهنة زوج مواطنه كلها عن طريق الجوازات
اسمع نصيحتي وادخل لمدير مكتب العمل واشرح له المشكله

Answer 5

الحمد لله يوم الخميس جاتني رسالة من وزارة العمل باتمام طلبي تقريبا استغرق الامر 3 اسابيع وراجعتهم قالولي روح الجوازات وبالفعل رحت الجوازات وتم نقل كفالتي وخصم مبلغ 2000 فقط مع العلم انها النقلة الثالثه لي

وطبعت الاقامة بالبيانات الجديدة


وللعلم في نموذج لازم تعبونه وتوفرون الشروط اللي فيه يوم تروحون لمكتب العمل بالبداية


ارفقته لكم للفائدة


http://s9.postimg.org/96g7wcflr/20160112_222208.jpg


وشكرا لاجميع وللاخ عبد الله