تقدري تسوين له خروج نهائي .. لاكن بهمس في اذنك همسة من أخ لك ..
اتمنى تتقبليها وتفكري فيها ..
الطلاق موجع ما نختلف .. ولكن الإنتقام ظلم ..
الله سبحانه يقول ولا تنسو الفضل بينكم ..
انتي الأقوى في حال الطلاق .. ولكن تذكري ان دعتك قدرتك على ظلم الناس فتذكري قدرة الله عليك ..
عامليه بإحسان حتى لو هو بنظرك مسئ ومايسوى وما يستاهل
بري ذمتك وقوليله دور لك على كفيل بعد ما تضمني طلاقك وحقوقك منه
وما تدرين امكن ما يلقى كفيل ويسافر من نفسه بس اهم شئ انتي ما تكوني سبب في تسفيره عشان بنتك مو عشانه ..
اذا كبرت البنت وسألت عنه تقولي لها راح من نفسه وما تحملي نفسك ذنبه ..
ادري صعب انك تحسن لمن اساء لك .. ولكن تخيلي معي انه سعودي
كان ماراح تقدري تسوين له شئ ..!!
انا مو معه ولا معك انا بس ابيكم زي ما دخلتو بمعروف تطلعو بمعروف خصوصا بينكم طفله طال الزمن او قصر بتكبر بتكون ملزومه ببر والديها ..
حاولو تمشو الأمور عشانها واذا غلبت الروم خذي حقوقك وصك طلاقك
وقولي له دور على كفيل غيرى واحتسبي اجرك على الله ..
وسيغني الله كلن من فضله .. ونامي مظلومه ولا تنامي ظالمه ..
وأخيرا تقدري تسوين له خروج نهائي وتضرينه ضر ما بعده ضر
وتقدري توريه نجوم الظهر .. ولكن بدون وجه حق و ظلما وعدوانا ..
والقرار لك اللهم بلغت اللهم فاشهد ..
