فحص ماقبل الزواج

Question

السلام عليكم أخواني وأخواتي...
حقيقة هذا اول دخول لي..فااشكركم ع جهودكم.
سؤالي هو:هل يظهر الحمل في فحص ماقبل الزواج؟
للتوضيح ياحبايبي انا مواطنه تزوجت قبل ماتجي الموافقه الرسميه،والحبن المعامله نزلت وطلبو التحاليل وانا الحين حامل في الثالث.سؤالي هل سيظهر الحمل في النتايج ام انه لايظهر لان التحاليل تختص باامراض معينه؟؟أفيدوني الله يجزاكم خير ويفرج كرباتكم

Comments

انتي لان غيرتي بشهادة زغرتي بنتك بشهادة ميلاد مادققو اما انا بالنسبة الي تاريخ  واضح لو فرق شهرين ثلاث او اربعة عادي يمكن تعدي بس شهر  مصيبة

---

انتي معاكي شهادة ميلاد؟؟؟

---

انتي لو أوراقك كامله صدقيني محد بقولك شيء خلاص انتوا حاطينهم عند الأمر الواقع توكلي على ربك وروحي واذا تقدروا تعدلوا في الشهادة عدلوا وبعد كم شهر قدمي مع انه ماراح يتكلموا

---

زوجي رافض اروح متخوف يقولي انا لو برحلوني ماعندي مشكلة مهم البنت تتسجل

---

رحنا نسجل الطفلة بالاحوال لكن الاحوال كشفني مافعل يسجل الطفلة لنا الله

Answer 1

وعليكم السلام ......

انا بصراحه ماعندي اجابه اكيده بخصوص الموضوع هذا مع اني عملت الفحص هذا العام  بس انشاءالله الاخوان هنا يساعدوك بس يااختي  عندي لك نصيحه  تروحي اقرب مستشفى خاص او مستوصف وتسوي فحص ماقبل الزواج عشان تتاكدي وتشوفوا مطابق ولا غير مطابق وباالمره تسالي الدكتور انه الحمل يبان في الفحص ولا مايبان لانه لاقدرالله طلع غير مطابق ممكن الدكتور بعدالله يقدر يعالج الموضوع باالادويه والمتابعه ...
لانه لو اتجهتي على طول لمستشفى الولاده هدا ادا كنتي من سكان جده لانه يعملوا التحليل حق فحص الزواج هناك وسويتي الفحص وطلع لاقدر الله غير مطابق ممكن راح يتسجل عندهم في السيستم وبعد كده ماتقدروا تسوه وتضيع عليكم المعامله حاولي ماتوصلوا هناك الى وتكونوا متاكدين من كل اموركم في مستشفى خاص .....

اسال الله العلي العظيم ان يسر اموركم واسف على الاطاله

Answer 2

السلام عليكم ورحمت  الله وبركاته يا اختي الفاضله انا نفس تجربتك وكانت زوجتي حامل في اربعه اشهر او خمسه المهم حامل ورحت وسويت تحليل زواج والحمد لله ما طلع شي لعنهم يسحبو دم ويحللوه من الامراض الوراثيه توكلي على الله وروحي سوي التحليل عادي انا اكلمك من تجربه سارت لي والله يوفقكم

Comments

الله يجزاكم خير ويسهل اموركم.

---

السلام عليكم اخ فهد اريد منك جواب جزاك الله الخير هل عملت تحليل لزوجتك وهي حامل ومابين الحمل لاني بصراحه عندي نفس المشكله ومابعرف هل اروح احلل ام اجهض جنيني برغم اني ماودي لاني اجنبيه اخاف يطلعو الحمل وتروح عليا المعامله ونفترق انا وزوجي

---

السلام عليكم ورحمة الله وبركاته اخوي هل يدققوا في المستشفى عن بداية الحمل وبداية العقد هل يكون فيه مشكله ايش صار معاكم وايش وضع طفلكم رجاءا الرد انا صار لي نفس وضعك وما اعرف اخاف يسووا مشكله على عمر الجنين وانه مايتوافق مع تاريخ العقد رجاءا الرد

---

اخ فهد هل بين الحمل بالفحوصات هل صدرتلك موافقة

---

اختي ايش صار معاك هل يدققو ع  عمر جنين و تاريخ العقد

---

ياجماعة الخير هل بين الحمل بالفحص

---

كيف اصدرولك شهادة ميلاد انا وقفت هنة قال تاريخ عقد الزواج بعد شهر تاريخ ولادة رفض يعطيني شهادة ميلاد

---

والله انا رحت اولد في اليمن عند أهل زوجي تخيلوا لأن الموافقة على الزواج تأخرت وبعد ما ولدت جات الموافقة وتحولت المحكمه وانا في اليمن وطلب القاضي حضوري وتركت بنتي وعمرها شهر وجيت للسعودية بس عشان اسوي العقد ولما رحنا المحكمه قالوا التحليل منتهي عيدوه ورجعنا وسوينا تحليل جديد ورحنا المحكمه وسوينا العقد وسافرت اليمن وهالشيء اخذ مني ٤٤ يوم الضبط وبعدين بعد مت كمل للبيبي ٧ اشهر من تاريخ العقد بلغنا عنه وسويناله فيزة استقدام ابن مواطنه وطلبوا شهادة ميلاد وجواز والعقد ووكالة مني وبس طبعا ما بلغنا عنها إلا بعد ٧شهور عشان ما يستغربوا تاريخ العقد والولاده والحمد لله انا الحين في السعوديه قبل ١٧ يوم جيت بعد مضي سنه من تواجدي في اليمن . والله يوفق الجميع

---

فهيمة اختي ممكن تفهميني اكثر انا نفس مشكلتك قدمت ع موافقة تزوجنا يوم ملكت كنت حامل بالمحكمة ولدت برياض طلعت شهادة ميلاد انا خايفة بجوازات يدققو ع عقد زواج وشهادة ميلاد بينهم شهر

---

والله انا بين عقد زواج والولادة شهر هشي صار غصب زوجي مايقدر ياخذني ع سوريا انجب هناك تعرفي هنة اذا رحنا ع مستشفى خاص مستحيل يطلعو تبليغ ولادة لما ولدت بالحكومي تعرفي طلعولي تبليغ ولادة انجبرت يكون ع شهر  هل يدققو جوازات ع تاريخ عقد و ميلادية لان الاحوال دقق رفضو يطلعولو شهادة ميلاد طلعتهابفلوس والله

---

ياقلبي انا ولدت في اليمن وانتظرت ٧اشهر بعد والولادة وبعدين سويت تبليغ وشهادة الميلاد اصدرتها من اليمن عرفتي انتي ولدتي في السعودية وبالتالي مدري إيش بيقولولك الله يفرجها لك.

---

انا طلعت الشهادة من اليمن ولسا ما رحت للجوازات انزل إقامة لبنتي بس انا انتظرت وقت بين العقد والولادة وضعكم انه ولدتوا هنا في السعودية.

---

ايوا يعني مانزلتي بجوازات سويتي اقامة من 2017انتي حامل اتوقع ابنك عمره الان من العقد انتظرتي ٧شهور لبلغتي عنها اتوقع عمره سنة طيب متى تبين تروحين تسويله اقامة

---

إن شاء الله في ذي اليومين بروح بسويله اقامه وهي بنت مش ولد واذا رحت ببلغك إيش صار معايا بإذن الله والله يكون في عوننا.

---

الي فهمته انو شهادة ميلاد اليمنية مافيها اي خربطة العقد نظامي شهادة  طفلة جاية بعد سبع اشهر روحتك ع يمن كانت مفيدة

---

السلام عليكم ورحمة الله وبركاته نعم رحت للجوازات ونزلت اقامه لبنتي صراحه محد تكلم عن العمر لانه احنا اساسا مغيرين في عمرها من اليمن لاني ولدتها هناك ومع ذلك اقولكم انه ما يدققوا طالما معاكم شهادة ميلاد خلاص هي تعطيك ورقه بالطلبات وانتي تنفذيها وعلى طول تطبعلك الاقامه وبس.

---

اخ فهد انت  طرف الاجنبي؟

Answer 3

ايش صار معك هل ظهر الحمل يا اختي رجاءا ابغى اجابه الله يفرج همومكم

Comments

لا يتم عمل تحليل حمل .انما ينم عمل تحاليل امراض الدم الوراثية والفيروسات فقط...متاكد مليون فى المليون

---

ما يظهر الحمل ابددددددا في التحليل عن تجربه اطمنوا اللي داخل في تجربه جديد اقول لا تخافوا التحليل للأمراض فقطططط ولا علاقه له بالحمل فما يظهر .

Answer 4

اختي ايش صار على طفلك هل يدققوا لما تروحي تولدي على تاريخ عقد الزواج وبداية الحمل  عشان لانه صراحه ما ابغى طفلي يكون مجهول هويه رجاءا الإجابة!!

Comments

اخت فهيمة انتي سعودية متزوجة اجنبي انا الحين نفسك  ارجو تردين علي ضروري الله يوفقك

---

انا ولدت في اليمن ياقلبي وبعد ٧شهور من الولاده بلغت عن المولود لأن الموافقة جات متأخره كلامي فوق بالتفصيل اقريه الله يوفقك.