انا سعودية عمري ٥٢

Question

انا مواطنة سعودية عمري٥٢ تقدم لي شخص اجنبي متزوج في بلده عمره ٥٣
هل اقدر اقدم معاملة زواج
وهل فعلا ماتجيني موافقة بسبب عمري وقالوا لي لانك موظفة

Answer 1

بالنسبه للعمر كل مره يقرروا شي مره خمسين مره خمسه وخمسين روحي الاماره وخذي ورقه الشروط الجديده ولو كانت ه
خمسين قدمي استرحااام ليش يعني وحده تبغى تتزوج بالحلال يتدخلوا في سنها المهم بالنسبه لانك موظفه هذه اول مره اسمعها ليش ممنوع الموطفهً تتزوج ولا لانك من الوظائف الحساسه الي ممنوعين من الزواج من اجنبي ؟؟؟؟

Answer 2

في امارة مكة شرط العمر الى ٥٠ سنة ، وفعلاً المعاملة ممكن تترفض بسبب العمر ، قريبتي عمرها ٥٣ وخطيبها عمره ٤٠ سنة ومصري الجنسية ومقيم في السعودية قدمت على المعاملة ٣ مرات وكلها اترفضت حاولت بالمعقبين كمان ما قدروا يمشوها ، فأتزوجت بدون موافقة وكان رأيها انه طالما ما حيكون في اطفال فما في مشكلة واعرف كم وحدة مثل حالتها ، فلو انت شايفته رجل جيد فممكن تتزوجي بدون موافقة ولكن تنتبهي وتكوني حذرة في الأمور المادية معاه والتوكيلات هذا أهم شي في الموضوع .. الله يكتب لك اللي فيه الخير

Comments

كيف يكون الزواج بدون موافقة ....وهل يكون في عقد نكاح يقدروا يروحوا بيه مثلا فندق لو سافروا أو لو مسكوهم في مكان الشرطة يعني هل معترف بيها
وايش المخاطر لو اكتشفوه

---

ايوا تعقدي عند امام في مسجد بوجود شهود وولي أمرك وتكتبوا عقد بينكم وتوقعوا عليه والإمام والشهود كمان يوقعوا او اذا احد من معارفك الرجال يعرفوا مأذون شرعي ممكن يعقدلكم ولكن العقد غير موثق وغير رسمي ، تقدري تسافري طالما ولي أمرك عاملك تصريح سفر ، وبالنسبة للفندق خارج المملكة مافي مشكلة ابداً ولا أحد يسأل اما داخل المملكة كمان اعتقد انو حالياً مافي مشكلة ولو شافوا العقد خلاص حيعرفوا انكم متزوجين ، والشرطة نعم لازم يكون معاك ورقة العقد في كل مكان للإحتياط ولكن بشكل عام حالياً ما ساروا يوقفوا أحد ويطلبوا عقد نكاح ، لكن طبعاً ورقة العقد هذي مو معترف بيها في أي مكان حكومي

Answer 3

عذراً دوبي الآن رجعت لورقة الطلبات والشروط اللي اخذتها قريب من شرطة كدي في مكة وشرط العمر إلى ٥٥ ، يعني تقدري تقدمي على المعاملة ، انت قدمي وشوفي ايش يسير معاك

Answer 4

علی ما اعتقد الشرط  الا يكون فرق في الاعمار بين طرفين اكثر من ١٥ سنه

Comments

شرطين اللي هيا العمر ما يزيد عن ٥٥ وان لا يزيد الفرق بينهم عن ١٥ سنة