الي جاب صورة مصدقة من شهادة الميلاد من احوال جدة مؤخرا

Question

السلام عليكم

اخواني انا باقيلي من طلبات الزواج صورة مصدقة من شهادة الميلاد، لكن للاسف كل ماروح الاحوال في جدة يقولو الارشيف مافتح ومانعرف متى يفتح. اذا احد سوا صورة مصدقة من شهادة ميلاده مؤخرا من احوال جدة يفيدنا بالله، مع العلم الشرطة ماعطوني خطاب للاحوال عشان اصدق صورة شهادة الميلاد.

- عند اي قسم عملة تصديق صورة شهادة الميلاد ؟
- عند اي موظف ؟
- ايش المطلوب لتصديق الصورة .

يعلم الله ليا اسبوعين اراجعهم ورحت تقريبا 4 مرات وكل مرة محد يفيدني من الموظفين .

افيدوني جزاكم الله خير ووفقكم .

Comments

انا جلست شهادة ميلادي عندهم قريب الشهرين عشان تتصدق .. رحنا شفنالنا واسطة ومعرفة عشان تتصدق
كان في مماطلة .. بابا كل ما يروح لهم يحكو تعال الاسبوع الجاي وهكذا لين م طفشنا
الله يعينكم

Answer 1

لا الله يسعدك من جد صارلك اسبوعين ..؟؟


طيب راجعت الشرطة بالموضوع دا ان الاحوال مو راضيين يصدقو

طيب ايش الحل في ذي الحاله والله خطيبي اليوم راح وقالولو ان الارشيف انتقل وفي لخبطه عندهم ف راجعنا بعد اسبوع وهو اصلا موعدنا بعد اسبوع عندهم حسب الورقة اللي اعطونا هي الشرطه

Comments

اخت خلود الله يوفقكم ، فعلا نفس الي صار معايا قالو الارشيف انتقل والى الان ملخبطين هم بس هذه مو حالة الكلام هذا من اسبوعين لهم .
انا منتظر لان لسة باقيلي اسبوعين على صحيفة خلو السوابق فماعندي مشكلة . لكن الانتظار يجيب نتيجة اهم شيء .

---

انت شكلك قدمت معاملتك بنفس تاريخنا

عموما احنا تقريبا شبه خلصنا اوراقنا باقي الاحد موعدي بالحوال تعديل مهنه + نتيجة التحليل يعني ع الاثنين اوراقنا كامله معد حيصير تصديق الشهادة بس دامك بتقول لك اسبوعين شكلهم ناويين يطولوها لازم الواحد يدخل واسطه بالموضوع

---

اذا صار معاكم شيء بخصوص تصديق صورة شهادة الميلاد , اعطيني خبر الله يوفقك .

---

عزيزي الاول لابد تاخذ خطاب من الشرطة موجه للاحوال المدنية بطلب تصديق شهادة الميلاد.
الشرطة عندهم نموذج الخطاب يعطوك اياها بسهالة. بس الخطيبة تاخذه من قسم النساء.
 وبعدين تاخذ الخطاب للاحوال المدنية، وتعطيهم صورة من شهادة الميلاد، وهم يصدقونها ويرسلونها للشرطة. مايسلمونك النسخة المصدقة
لاكن اهم شي انك تستلم منهم رقم صادر.
وتطلع بالرقم الصادر للشرطة بعد اسبوع ويعطونك رقم المعاملة. وتلاقيها تحولت الياً على مكتب الزواج قسم النساء.
وبالتالي خلي الخطيبة تسال الموظفة عن المعاملة برقمها واسمك . نلاقيها جاهزة وبعدها الموظفة ترفق الصورة المصدقة .
موفق ،،،،

---

خي ابوشقران . النظام الان تغير مايعطوك خطاب لكن يعطوك ورقة صغيرة برقم المعاملة تراجع فيه الاحوال ومن هناك تستلم الصورة المصدقة . لكني اواجه ممشكلة مع الموظفين وهي عدم الاستجابة وكل واحد يرسلني ع الثاني . حراجعهم الاحد واتابع الموضوع.