طيب ابغى اسال كمان عن انو انا قبل سنة لما تزوجنا ابويا راح الامارة وقدم طلب يقول انو الموظف اعطاه ابلكيشن وعباه وبس واعطاني رقم اتابع من الانترنت خدمات الاستعلام الالكتروني اول شيء كان مكتوب احيلت الى قسم الزواج وبعدين كتبوا صدرت الى شرطة جدة برقم وبس وانا ماكنت بالسعودية وماكملنا.. السؤال الحين اكمل على نفس رقم المعاملة ذي ولا يروح ابويا يعبي ابلكيشن ثاني ونسوي معاملة ثانية لانو هاذي لها سنة تقريبا وما اعرف لانو انا طالبه بس بالغي البعثه وحغير لربة منزل هل في المعامله القديمه حكون مسجله طالبه ويسولي قصه سؤالي ..ابدا معاملة جديده بعد مالغي البعثه ولا اكمل بالقديمه ؟ومادري اصلا اجراءات البعثه عشان تنلغي كم تحتاج وقت ؟هل ابدا الحين واروح اغير الحاله من الاحوال المدنية لطالبه ولا بيقولي لا مافي امكانية ؟زائد قريت عن واحد زوجته وقعوها على انها غير مبتعثه وشاهدين؟ يعني استنى لين تنلغى ولا اقدر ابدا من الحين ؟
السؤال الثاني قد ايش حتاخذ اجراءات الزواج لغير المقيم( تقريبا كم المدة) ؟؟ وهل اقدر اسويها من السفارة خارج المملكة ولا لازم من الامارة هنا اول ؟
طيب خيار ثاني اذا ابغى استقدمه السعودية قبل الموافقه وبعدين اطلبها ايش اسهل طريقة بدون تعقيدات لانو قاعدة اقرا اجراءات الاستقدام في النت كل المحلات اذا بفتح سجل تجاري يحتاجلها وقت وتراخيص وعقد واجار واجراءات ثانيه ؟
والله احترت لانو اللي فهمته منك انو اجراءات الزواج داخل المملكه اسهل بس المشكله اجراءات الاستقدام حتاخذ وقت ..
حسبي الله ونعم الوكيل
سامحوني على طول اسالتي لكني بحاله مايعلم فيها الا ربي من التفكير
والله يجزاكم خير يارب
