زواج سعودية بغير مقيم

Question

السلام عليكم ورحمة الله وبركاته
ابغى اسال بخصوص المبتعثه اذا تزوجت بدون موافقه وتم العقد رسميا  في بلد الخاطب بموافقة الوالدين اذا الغت البعثه وقدمت على الموافقه عادي؟ طيب انا قريت اذا كان غير مقيم يرسلوا الاوراق لوزارة الخارجية هل وزارة الخارجية حتطلب مثلا ورقة للحالة الاجتماعية اذا متزوج او لاء ؟ او عندهم طريقة انهم يعرفوا من بلد الخاطب اذا متزوج او لا؟ لانو ببلد الخاطب متزوجين رسميا
ولا الافضل انو تاجل الموافقة وتفتح سجل تجاري  مثلا وتستقدمه للعمل لديها  بعدين تتزوجه داخل المملكة ؟
 بس قريت انه لازم خمس سنوات يكون مقيم ؟وقريت بعض اخوان يقولوا انو مو شرط الخمس سنوات
ايش افضل حل ممكن تشيروا بيه في حالة زي كدا جزاكم الله خير

Answer 1

أختي الكريمة بكل الحالات لازم موافقة من الأمارة بالزواج..
وزواجك بدون موافقة راح يعقد الأمور ، وتصير معاملة ثانية تصحيح وضع وأمورها أكثر تعقيداً وممكن تنجح وممكن لا ، وما راح تقدري تجيب لا زوجك ولا الأولاد إذا ما زبطت..

المشورة الأوفضل أنك تقدمي طلب الزواج أولاً من هنا في الأمارة أو في السفارة في الدولة اللي أنتوا فيها، وتمشي في الطلبات اللي هم يبونها..
وموضوع أنهم يعرفون أنك متزوجة أو لأ ، ما يعرفون ولا أصلاً يفكروا يعرفوا..

طبعاً لو كان الخاطب موجود هنا في المملكة تصير المعاملة أسهل وأسرع..

بالنهاية إذا ودك تتزوجي ومستعجلين عالزواج وما تفرق أنك ترجعي للسعودية بزوجك وأولادك أبداً، فخلاص تزوجي برا وخلصنا..

تحياتي..

Comments

هيا تزوجت وخلصت وزواجها رسمي في بلد الزوج السؤال اذا قدمت عالموافقه هل حيعرفوا انو هيا متزوجه  هل حيطلبوا مثلا من الزوج اثبات الحاله الاجتماعية او مثلا يقدروا يعرفوا من بلد الخاطب اذا هوا متزوج لانو هوا متزوجها رسميا ببلده وما ابغى المعامله تنرفض هذيك الساعه  بسبب ذا الشيء
والسؤال الثاني هل الافضل تستقدمه السعوديه وبعدين تطلب الموافقه داخل المملكه؟ واذا قدموا عالموافقه اول مايجي السعوديه هل حيرفضوا لانو حيكون لسا دوبو مقيم  ؟هل لازم خمس سنوات يكون مقيم ؟

السؤال الاخير هل الغاء البعثه ضروري للتقديم عالموافقه ومستحيل يوافقوا للمبتعثات بالزواج من اجانب ؟واذا الغت البعثه هل تتغير الحاله على طول لربة منزل من الاحوال بدون تعقيد ولا ذي كمان يبغالها اجراءات لانو سمعت انو لازم تغيير من كلمة طالبه لكلمة ربة منزل

وجزاك الله خير يارب

---

اختي في كل الحالات اذا حبيتي تقدمي موافقة راح يعرفوا انك مبتعثة انتي لو باقي لك وقت قصير تخلصي دراستك  خلي زواجك مخفي هناك لين تكملي دراستك واذا مو محتاجة البعثة الغيها وقدمي اوراق طلب موافقة كنك ماتزوجتي من السعودية  وحطي ربة بيت  افضل شيء وهو تقدري تسوي المعاملة هو بالخارج اهم الشي العمر حقكم فوق الخمسة والعشرين  والله يعيننا ويعينكم  من جد بهذلة حسبي الله ونعم الوكيل